繳費單QR Code – 修改付款二維碼變更賬單金額 (差餉、稅單等) – 每次賬單付款金額由你定

有時交政府賬單個陣，掃一掃個QR Code就可以快速咁比錢。大家又有無稔過，唔想一次交咁多錢想拆單比錢又可唔可以？可以！不過手續上係有啲繁覆，特此記錄一下。文章記錄返如何修改付款二維碼變更賬單金額，教大家逐步逐步試下變更賬單上嘅金額。大家可能知道，有時Wechat Pay HK / AlipayHK / PayＭe 付款淨係指定金額先有某個金額嘅回贈，拆單付款就可以輕易完成任務目標。

修改付款二維碼變更賬單金額亦步驟

步驟一：用QR Code Scanner (大把App做到，隨便一個) 掃一掃你張賬單上面嘅付款QR Code二維碼，會得出一抽文字，以下稱『字串』。

步驟二：在字串當中找出你要付款嘅金額位置先，例如：如果賬單係$2608.40，你總會見到『2608.40』在字串之間。

步驟三：然後金額前方的數值應該會見到『54XX』，以上例子應該會見到『5407』。『07』意思代表隨後7個字元是付款金額。『2 6 0 8 . 4 0』一共有7個字元。按此規律，你可以修改做『5406』( 變左幾百蚊 $608.40 )、『5405』( 變左幾十蚊 $08.40 ) 等都可以。如果唔想郁金額長度，或者可以換就0算。

步驟四：在網上資源 ( 以Google找 “Online CRC Calculation” )中計算字串中的最後四位CRC-CCITT (0xFFFF)數值。修改金額後，將整抽字串除去尾四個位，複制貼上至計算機中。產生新的CRC-CCITT (0xFFFF)數值。

步驟五：將新的CRC-CCITT (0xFFFF)貼回字串中，然後使用 QR Code Generator (揀Plain Text一項) ( 以Google找 “QR Code Generator” )，貼上字串，就可以產生新的付款付款QR Code二維碼架啦。

記得過程中唔好修改其他位置，因為字串中已包括你的賬單號碼等資料，一陣唔覺意交左落人地戶口到XD同埋唔係款款賬單都可以改，但至少差餉、稅單、政府嘅一般繳款單係可以的。兩電電費個啲因為要綁定左AlipayHK / Wechat Pay先可以交，所以改左唔會有用。

借定唔借？還得到先好借！

喜歡❤️我地既內容👨‍🏫又想支持我地🙌，Patreon頻道已經啟動啦，想收到第一手資訊，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 20/08/2024 by 蛋黃視野 ***