如何練成100萬飛行里數換機票？儲飛行里數五大技巧攻略 – 揀啱信用卡消費，環遊世界不是夢！

相信大家都知道今屆巴黎奧運香港隊取佳績，首先多謝所有運動員為香港爭光而付出了無數的汗水、身受了無數傷患。媒體報道國泰航空向所有得獎嘅選手送出一年無限次乘搭商務客艙機票或者100萬飛行里數。如果係你，你又會點樣揀？

不過做運動員仲要去到世界之巔，又有幾多人可以做到？讀者們都係靠自己啦！儲100萬飛行里數係咪唔可能？只要你精準出擊，事必可達成！以下講吓賺飛行里數嘅要點。

第一：飛行里數要盡早開始儲

儲飛行里數要盡早開始，各位一踏入18歲就可以開始申請唔同銀行嘅信用卡！例如：滙豐嘅學生金卡，連交學費都可享有回贈，我哋喺呢啲必要嘅支出項目上透過信用卡付款，咁就可以喺支出同時賺取回贈，從而兌換飛行里數。

第二：消費嗰陣要揀啱信用卡

唔同嘅信用卡基本特色都有分別，一啲信用卡係專注於網上購物、一啲信用卡係專注於外幣消費等。點樣先為之揀啱信用卡？最理想嘅係里數信用卡可以控制到消費$4以內就換到一里就最好。好多時銀行會做一啲唔同嘅推廣，所以簽帳$4換到一里係絕對唔困難，甚至有時做到消費$1就換到一里就非常理想。以下有兩張主打里數信用卡，不過仲有好多選擇！

第三：透過使用銀行服務或投資

除咗碌卡可以賺飛行里數，今時今日透過使用銀行服務、定期存款、出糧服務就連投資都有機會可以賺到非常可觀嘅里數啦！譬如渣打銀行同埋虛擬銀行Mox，兩間主打Banking都可以賺里數嘅銀行。簡單舉例：做定期存款可以揀收飛行里數而唔收現金，你話抵唔抵？如果你拎賺咗嘅里數去坐頭等或者商務艙，個價值絕對係抵到爛！所以要賺大額嘅飛行里數又多過渠道啦。

第四：日常飛行賺取里數

除咗日常嘅消費、使用銀行服務賺取里數，最原始嘅方法當然係靠飛行去賺取相關里數啦。大家買機票嗰陣記得入返你嘅會員號碼，完成旅程後相關嘅里數就會入帳㗎啦。不過呢個方法就賺唔到好多，除非你真係成日要週圍飛！

第五：透過夥伴會員計劃

市面上唔同嘅商戶佢地自己嘅會員計劃，透過佢哋嘅會員計劃積分一樣可以換取飛行里數。例如：屈臣氏集團易賞錢MoneyBack，喺百佳豐澤買嘢，除咗信用卡回贈，仲可以賺易賞錢積分！如果你喺商場鋪買嘢，可以三食埋商場積分！碌信用卡已經可以賺里數，易賞錢積分又可以賺里數，仲有商場分做BONUS！一次過滿足哂三個願望。大家都可以留意埋呢方面嘅機會！

儲飛行里數五大技巧攻略小結

簡單介紹咗五種賺取飛行里數嘅技巧，飛行里數要盡早開始儲、消費嗰陣要揀啱信用卡、透過使用銀行服務或投資、日常飛行賺取里數及透過夥伴會員計劃。作為一般市民大眾，主要都係靠以上方法去賺取里數！加油！以100萬里數目標奮鬥，賺取乘坐商務/頭等客艙的體驗同機會！

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 06/12/2024 by 蛋黃視野 ***