支付寶AlipayHK現金代用券全攻略：購買、使用、注意事項！2026

估唔到教學一出左都唔夠一星期，藍券紫券都落架了。乜咁多人買咩？

本篇文章主要講解一下支付寶入邊嘅現金代用券。從購買、使用、需要注意嘅地方，一次過話晒你知。支付寶嘅現金代用券，除咗具備一般嘅現金券功能，絕對有佢嘅可取之處！

AlipayHK現金代用券購買入口

首先，我哋要睇清楚支付寶個介面，主要入口可以喺A Rewards嗰度進入。不過呢個唔係唯一的入口，左咁右撳都會經常見到支付寶的現金券。買咗嘅券可以喺首頁右上角度搵返！

現金券分咗兩種唔同顏色。大家經常講嘅藍色卷（限Alipay+線上商店）同紫色卷（使用範圍會更闊），佢哋嘅功用的確係有少少唔同。藍色偏向細值，紫色則可以高達$1000一張！紫色係啱用啲。

購買時可以優惠價抵扣積分

原本1000分=1蚊，但買券可經常出現優惠抵扣積分Offer！圖中示範購買支付寶藍券，可以用優惠價格使用積分抵扣。最特別嘅係購買咗嘅藍券，只要符合使用條件(滿足最低消費金額)，可以用作支付購紫色券。如果你有一啲通用禮券，在購買紫券的時候，也可以一併扣除。

最最最最重要嘅係在付款購買這些禮券的時候，要選擇適合的付款方式或信用卡。如果你係用非指定Visa / Master會受制於每月$3000的消費限額！

紫券可疊加使用最多10張

購買咗紫券，在使用同消費的時候可以疊加使用。如果你買$100面值，你消費最少要達$101先可以用到張券。每次最多疊加10張。即係如果你有10張$1000面值的紫券，單次付款$10001蚊就可以一次過扣晒10張嘅紫券！

仲有一個神奇之處係如果你有2張$100紫券，你張訂單係$151蚊，佢係可以扣$150蚊！張$100紫券會餘下$50面值，不過下一次消費依家要過$101蚊先可以用埋餘下的$50。

整個流程就係咁簡單，有陣時想計劃消費。不妨考慮一下先購買呢類型嘅支付寶現金代用券！紫券絕對有佢的存在價值 (存在即合理)，當然其神奇功能不會在這裏詳細解說，歡迎入Telegram TG討論一下！

注意：購買後通常只有約10天的使用期限，買咗就要記得快啲用！

紫券官方的使用條款

• 本商品適用於所有註冊AlipayHK電子錢包用戶。
• 此禮券適用於所有受理AlipayHK付款之平台或商户門市消費，不適用於透過AlipayHK App匯款、增值或轉時使用。
• 此禮券可於單一淨額付款滿(面值+1)港元或以上交易時可使用，否則禮券將不適用於該交易。
• 禮券自換領時刻起10天內適用，逾期失效並不補發。任何情况下，以AlipayHK的紀錄為準。
• 用戶結帳時需選用AlipayHK付款方式，方可享用此優惠，一旦進入结賬支付流程最後支付未完成導致券失效並不補發。
• 不適用於以下AlipayHK小程式購買禮劵時使用（好賞買/即課易/優游會（非票務商品）/A+Rewards）。
• 該商品為一次性電子券，每張禮券只限使用一次，每次交易僅限使用一張禮券。一經購買，無法退換。

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 05/08/2026 by 蛋黃視野 ***