東亞銀聯高現金回贈簽賬推廣(Mar 23)

東亞信用卡除咗之前講嘅World Master本地簽賬HK$3=1,依家仲有東亞銀聯高現金回贈簽賬推廣。累積簽賬達$6000,現金回贈高達7%。信用卡套利機會又出現啦,文中就教大家點樣可以用信用卡賺零用錢。
東亞銀聯簽賬推廣

優惠推廣期:09/03/2023 – 23/04/2023 (已完結)
合資格信用卡:東亞銀聯信用卡(銀聯卡分咗白金咭同鑽石卡)
回贈日期:2023 年 8 月或之前存入

東亞信用卡除咗之前講嘅World Master本地簽賬HK$3=1,依家仲有東亞銀聯高現金回贈簽賬推廣。只要你用東亞銀聯信用卡(銀聯卡分咗白金咭同鑽石卡)就得。官網個圖表都好清楚講左點回贈。即管睇下。(留意白金卡$13333,鑽石卡$10000 簽帳額就到回贈上限點啦)

東亞銀聯信用卡高現金回贈簽賬推廣

如果你嗰啲係外幣簽帳,成個推廣可以食盡佢有$600回贈。不過不是本文討論重點。咁點先可以零成本賺咗個現金回贈呀?梗係繼續都係買iPhone。邊到買?零售點繼續係豐澤。依家顏色仲多咗個選擇添,可以揀Pro Max 256GB 紫色(售價 $10199)或者黑色(售價 $9999)。但千祈唔好隨便入去一間豐澤買,識玩嘅一定要係新地商場嘅豐澤買,又知唔知點解?

東亞信用卡 x The Point推廣

新地商場而家都做緊東亞信用卡推廣,只要你係The Point會員,用東亞信用卡簽賬$10000蚊有$300商場錢回贈。加埋上邊嗰個銀聯推廣,簽$10000就有達$800回贈啦!夠哂水位出動啦可?信用卡回贈推廣同商場推廣完全分開,所以係可以Combo Hit。

我自己得一對手姐,邊用到咁多iPhone?繼續出動轉讓比住旺角嘅朋友大法(15/03/2023原封iPhone市值係$9900紫,$9650黑),總要益下朋友既。扣除輸咗嗰啲,就已經輕輕鬆鬆賺取$450至$500。任務又完成!

最後附上推廣活動條款及細則。銀聯簽賬獎賞高達 7%現金回贈新地商場東亞銀行信用卡簽賬獎賞

借定唔借?還得到先好借!借錢梗要還,咪俾錢中介。

喜歡❤️我地既內容👨‍🏫又想支持我地運作🙌,Patreon頻道已經啟動啦,可以立即Subscribe蛋黃視野Patreon
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確,若任何資料與你到訪的金融機構、服務供應商或特定產品網站有所出入,所有金融產品和服務均以金融機構的版本為準,使用該服務前請參閱相關金融機構網站的最更新版本之產品資訊及條款細則。如資料有誤,歡迎指正。

本文件中如有類似前瞻性陳述之內容,此等內容或陳述不得視為對任何將來表現之保證,且應注意實際情況或發展可能與該等陳述有重大落差。

*** Last Updated on 23/08/2023 by 蛋黃視野 ***

Leave a Reply

Your email address will not be published. Required fields are marked *