東亞信用卡優惠條款更新預告 7/2023 – i-Titanium、Flyer、銀聯雙幣鑽石卡

最近收到個電郵講東亞信用卡會喺7月1號更新旗下信用卡嘅優惠條款及細則。呢到同大家總結下東亞信用卡優惠條款更新既詳情啦！更新咗之後，有辣有唔辣。總括嚟講優惠升級左！再多一張HSBC Red卡既代替品。

I-titanium Mastercard – 最大亮點

• 每個月回贈上限有$200調升至$300！
• 回贈比率有3%調升至3.6%！

加埋佢基本0.4%回贈。佢個回贈比率就同HSBC張Red卡一樣係4%。7月1號之後每個月簽賬上限可以提升至$8333！比依家$6667可簽賬上限有所提升。

不過佢有一個小小嘅要求，就係每個月簽夠$2000先可以獲得額外嘅現金回贈。東亞對網上簽賬要求比部分係HSBC寬鬆，因為佢經AlipayHK簽賬嘅都係當網上。不過簽賬唔適用於超級市場、旅行社同政府部門類別。記住啦！

Flyer world Mastercard

呢張卡嘅優惠就收緊咗了。原本由無上限$5=1里變咗每個月可得獎分上限係100,000分。小心，更新後仲有分咗類別指定類別先有額外獎分。簽賬上限額度高，基本上你做正常簽賬，個額度都夠大家用㗎喇！

• 簽賬上限(外幣簽賬>>$4=1里) = $100,000 / 月
• 簽賬上限(食肆、家用/電子產品商店>>$5=1里) = $166,667 / 月

東亞銀聯雙幣鑽石卡

新增左優惠條款變相回贈率可達4% / 4.8%。絕對成為咗去旅行簽賬必備嘅信用卡之一啦！減返佢外幣簽賬手續費1%，都有3% / 3.8%。回贈㗎！

• 外幣零售簽賬共10X獎分(即高達4%) – 簽賬上限（外幣）：$11111
• 人民幣零售簽賬共12X獎分(即高達4.8%) – 簽賬上限（人民幣）：$9090
• 每月額外獎分上限為100,000獎分。

簡單總結，今次優惠細則條款更新基本上係加大左力度，對於正常簽賬影響唔太大。記得係7月1號先開始生效！到時再提提大家。附上官方文件給大家參考。

借定唔借？還得到先好借！

喜歡❤️我地既內容👨‍🏫又想小小支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 23/08/2023 by 蛋黃視野 ***