消費券超市優惠提供信用卡創富機會 – 期間限定 2023
政府派消費券，大家收得開心之餘，其實仲造就咗好多信用卡創富機會。去到四月iPhone炒唔起唯有搵其他機會啦。政府會喺4月16日派發2023年第一期消費券，第一期每人可以獲得$3000。喺未收到消費券之前，好多舖頭已經做緊推廣。不過本文重點唔係探討點樣去洗咗啲消費券，而家利用消費券相關嘅推廣活動，尋找信用卡創富機會。大家諗吓呢期有啲咩信用卡任務未做到就靠佢啦。蛋黃覺得值得望望既消費券超市優惠係有百佳推廣、惠康同萬寧(當住超市先XD)。呢到講講！
惠康、萬寧消費券限時推廣活動
牛奶公司其吓兩大期艦連鎖店嘅優惠係比較勻真。惠康推出買$1000禮券送$50禮券。(即入手價95折) 萬寧就推出最抵可以去到買$3000禮券送$200禮券。(即入手價93.3折) 送出嘅禮券同購入嘅禮券完全相同，並非取巧既現金優惠券。
萬寧推廣期：17/04/2023 – 30/04/2023 (已完結)
惠康推廣期：14/04/2023 – 20/04/2023 (已完結)
百佳消費券限時推廣活動
百佳推出買$1000禮券送價值$200嘅現金優惠券。貌似力度好大，但送只係現金優惠券，條款都幾辣，包括2張$50百佳門市現金優惠券、1張$50 PNS網購現金優惠券及1張$50屈臣氏門市現金優惠券。
現金優惠券要喺4月30號之前用。百佳門市嗰兩張現金消費滿$100就可以用一張啦。其餘兩張當佢冇用就得啦，因為門檻太高，網購要$500以上，屈臣氏要$1000以上。即係可以當係買$1000送$100券 (即入手價就係9折)。
百佳推廣期：06/04/2023 – 21/04/2023 (已完結)
蛋黃唔係叫你用消費券買，而係用信用卡買！因為用信用卡比錢買禮券，可以實行折上折優惠或者創造套利機會。點解揀百佳、惠康同萬寧？因為佢地既流通量都係極高，容易轉讓比朋友。一般百佳92折、惠康93折、萬寧94折，基本上要走一啲都唔難。
HSBC最紅自主獎賞賞家居 x 百佳限定
跟進蛋黃文章嘅朋友，都知道HSBC最紅自主獎賞係要揀賞家居。正正百佳就係喺賞家居類別入面。(惠康同萬寧唔係賞家居入面，唔好用佢做任務！) 配合而家HSBC最紅自主獎賞額外10X推廣 (如果仲未完成任務，機會泥啦！)，喺百佳消費可以額外獲得7.6%回贈！變相禮券入手價只係82.6折！夠吸引啦瓜？
其他5%或以上的信用卡回贈選擇
除咗HSBC信用卡之外，如果張卡有5%回贈，就已經係好值得去做啦。下面所有選擇三間連鎖店都適用。
- 東亞鑽石銀聯卡本地簽賬5%回贈 + 用雲閃付再多3X積分，回贈可達6.2%。(詳情可以睇呢度)
- 中銀SOGO Visa Signature (手機付款5.4%回贈，簽賬上限$2000)
- 中銀Chill卡 (手機付款5%回贈，簽賬上限$3260)
- 渣打 Smart Card (百佳屬指定商戶5%回贈，想用佢做惠康同萬寧？都得。私訊蛋黃教你玩)
蛋黃自己會用東亞推廣同Smart Card做萬寧! 大家各自努力，各施各法啦。
借定唔借？還得到先好借！借錢梗要還，咪俾錢中介。
喜歡❤️我地既內容👨🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 23/08/2023 by 蛋黃視野 ***