美元跨行轉賬？主流香港銀行CHATS轉賬手續費 -附有銀行收費表及注意事項 2024

以前大家想做港元跨行轉賬離不開寫支票、本票、CHATS轉賬等方法，自從金管局於2018年推出左轉數快 Faster Payment System (FPS) (快速支付系統)之後，港元在唔同銀行之間嘅流動性大大提升，篤幾個掣就可以將嚿錢即時轉賬到另一個銀行。大大方便左做定期，食新資金推廣嘅朋友。不過現時FPS只係支援港元及人民幣，咁美元跨行轉賬又可以點算？

持有美元的煩惱？

今時今日大家唔多唔少都持有一定數量嘅美元存款，美元在跨行轉賬雖然無港元咁方便即時到數，有啲可以短時間到賬，有啲都需要一至兩個工作天，總體來說算係方便。美元 (或其他指定外幣) 跨行轉賬現時都主要係靠行CHATS。雖然係無港元咁方便，但相信因為大家美元存款數量日後會愈來愈多，所以都應該要認識一下美元跨行轉賬路徑，食盡新資金推廣！

甚麼是CHATS？

『結算所自動轉帳系統 Clearing House Automated Transfer System, CHATS』，又有人叫『即時支付結算系統 Real Time Gross Settlement, RTGS』或『本地同業撥賬』，大約是指以港元／美元／人民幣／歐羅，向另一間本地銀行的戶口進行即時付款或轉賬。有關支付系統背景。簡單啲，就係你想射指定外幣去其他本地銀行個陣就會用到。

主流銀行CHATS轉賬收費一覽

CHATS無FPS咁大愛，部分銀行會就CHATS嘅匯入同匯出作出收費，以下是指經網上理財/流動理財/手機理財(即銀行App)做CHATS嘅收費。注意：分行做嘅話收費絕對係有機會唔同。

• 收費以港元表示。其他貨幣收費大約為港值等值。
• 信銀匯出只可用網上銀行，記得揀CHATS，inMotion預設不是行CHATS，是行電匯Route。
• DBS 轉賬時要揀海外轉賬
• 眾安ZA美元匯入匯出限表列銀行；Mox轉出限表列銀行 (限美元)。

提提大家：提交CHATS轉賬指示時有機會要你填費用係付款人還是收款人付，記得揀返本地費用由匯款人支付；中轉行費用則揀返由收款人支付。如果無分得咁細，一律填返由收款人支付。咁就可以保證匯出個吓唔會有收費。

銀行服務收費表傳送門

最新收費或許會因時間有變化，所以文章最後附送埋銀行服務收費傳送門比大家。一般搵匯款服務，匯出/匯入有唔同收費。搵返『本地電子付款 / 即時支付結算系統 RTGS / 結算所自動轉帳系統 CHATS 』及『網上理財／流動理財』等字眼，就好簡單搵到個間銀行嘅相關收費架啦！

此文章建立要特別鳴謝蛋黃視野嘅會員提供資料同操作時真實嘅情況。

延伸閱讀：
§ 如何買美債US Treasury Bond？點擊
§ 香港IB出入金全面睇：點擊

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 26/11/2024 by 蛋黃視野 ***