又要照顧家庭又要保持靚靚，時間真係唔見使。收工想話煲啖靚湯，去到街市已經收曬檔。所以我會習慣係屋企存起碼2盒滴雞精，方便隨時有得飲。
話說呢個習慣由陀啊仔開始，日日都飲滴雞精，想補充多d氨基酸，等營養充足，先可以生多d組織同肌肉（蛋白質）。到生完之後的調理，都有keep住一星期飲幾次，我覺得身體係恢復得快d，精神d，氣色都紅潤過未生個陣。之後，定期集採比埋老公啊仔，四大長老飲，全家個個都有份。特別係做完手術或者係老人家，營養師都話呢d時間係需要更多蛋白質。
- 成人每日需要的蛋白質=0.8g×體重
- 長者每日需要的蛋白質=1.2gx體重
- 例如：婆婆重55kg, 就需要55×1.2g,即係66g蛋白質左右
滴雞精 VS 老火湯
比起一般的老火湯，滴雞精的蛋白質含量高，無抗生素無防腐劑，無脂肪無膽固醇，補到目標營養素之餘，零脂肪同抗生素，唔怕會高脂，又唔使煲湯錦麻煩，又要起肥膏又要煲個幾鐘。
滴雞精 VS 雞肉
可能你會話，我食雞肉都得啦，分分鐘鐘攝取的蛋白質仲多過滴雞精。呢個想法都無錯的，但係讀過中學生物科都應該有印象，蛋白質係4D結構，由氨基酸組成多肽，再有多肽組合成蛋白質。身體進食食物後，需要分解成小分子結構，先可以比腸道吸收，利用營養素組成身體需要的組織。所以，滴雞精好處在於已經係分解左的蛋白質小分子，容易吸收，減少左消化代謝的負擔。而呢個對消化系統差，病後初癒的人士好大的幫助。
坊間有錦多款滴雞精牌子，揀邊個好？
個人係會買余仁生滴雞精，原因有主要有三個：
(1) 信心。本身老爺奶奶都買開呢間的中藥，質量錦多年都keep得到，始終做藥起家的老牌子，點都對產品有嚴格要求。好過靠d明星效應的牌子。
(2) 味道。陀b個陣，都有試下其他牌子，但都係覺得余仁生最貼近自己屋企煲的雞湯味，有肉的甜味，唔會太淡亦唔太鹹。自家再加d懷山，杞子，蟲草花，煮個面都仲得。
(3) 性價比高。由於keep住飲，我會係余仁生買定d雞精兌換券。 等飲到差唔多完先再去門市換。雞精券可以係1年內去門市換，到時門市換的貨，會係最新的貨。 而且，多買多優惠，如果買到30張的，送4盒，除返都係$28.4/包，平過其他牌子多多聲。如果真係飲唔到多或者想試下先，都可以係carousell 搵下有無貨，carousell 有幾間都keep住有貨，價錢$280左右，買得多，仲有得再平d (acc名叫beviv*** 費事開全名， 幫人賣廣告)
個個人都可以飲滴雞精？
滴雞精係的精華，蛋白質含量較高，身體需要蛋白質代謝，先會變到身體運行的組織同肌肉。所以，有痛風，腎病，尿酸高的人唔建議飲用。
幾時飲用？
滴雞精有提神補氣，消除疲勞的作用，所以避免太夜或臨瞓前飲，以免瞓得唔好。
最後最後，始終都係個人喜好同分享，個別體格精奇的朋友仔都可以問下自己的醫生中醫好唔好食先！適合先物色下唔同牌子邊個適合自己多d。2023年消委會都出左個報告，測試左唔同牌子的安全同營養，仲有埋價錢比較，大家都可以參考下，做下功課。
分享連結可以放左係下面：
*** Last Updated on 13/11/2023 by JoJoShare ***