中銀Chill Card – Chill商戶10%回贈+網上及海外簽賬5%回贈 │ Chill Date娛樂門票等你搶

中銀 Chill Card 係一張主打現金回贈嘅信用卡，簽賬後嘅額外獎賞會用現金回贈方式誌賬返落入信用卡賬戶。除咗額外現金回贈獎賞，基本簽賬就賺取積分。Chill卡有三大賣點分別係Chill商戶簽賬可享10%現金回贈；網上及海外簽賬可享5%現金回贈；同埋特設「Chill Date」 電影、音樂會及娛樂升級體驗活動門票等你搶！

Chill商戶10%；海外及網上簽賬5%現金回贈

大家喺指定人氣生活消閒及影視娛樂既Chill商戶，每月累積實體零售簽賬滿HK$1,500，用Chill Card簽賬可享10%現金回贈，即刻睇吓有邊啲Chill商戶。大家去睇戲、McDonald’s、IKEA、訂Netflix、Spotify、YouTube個陣記得用Chill Card俾錢，就好似打個9折俾你咁。

除左Chill商戶可以得到10%現金回贈之外，所有網上簽賬同埋海外消費都可以享有5%現金回贈。簡單直接！沒有任何下限要求，小額消費就啱哂！不過要注意返，以上所指嘅10%同5%現金回贈係已經包括左等值0.4%嘅基本積分回贈。10%同5%額外現金回贈部分是合併計算，每月可享現金回贈上限為HK$150。

小錦囊：所有交易以交易日期計算；現金回贈將於每次結算後之三個月內自動存入合資格信用卡賬戶。

「Chill Date」搶飛 同朋友仔一齊Chill

第三樣係Chill Card特設「Chill Date」電影、音樂會及娛樂體驗門票等你搶。大家可憑Chill Card於每月指定日期搶指定活動門票，同朋友仔一齊去玩，唔洗孤零零！電影／音樂會門票之完全唔洗錢，淨係俾返每張門票港幣$10嘅平台手續費就可以架啦。

中銀Chill Card無時無刻簽賬賺積分

以前嘅Chill只有現金回贈，依家Chill都納入埋積分計劃。憑Chill Card簽賬HK$1賺1分，讓您可用賺取的積分兌換包括積分抵銷簽賬、現金回贈及飛行里數等不同獎賞。

強列推薦同系中銀Cheers Card同埋VISA狂賞派推廣活動。

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 29/03/2026 by 蛋黃視野 ***