龍騰出行 Dragon Pass – 機場及高鐵貴賓室禮遇 – 龍騰貴賓室覆蓋全球140個地方

平時大家旅遊或出行時想去機場貴賓室食下野、休息一下，主要都係會用到指定信用卡 (例如 HSBC EveryMile、BOC Cheers等) 進入貴賓室享受服務，又或者會用到Priority Pass直接使用機場貴賓室服務。今篇介紹另一樣比較少人講嘅產品『龍騰 出行』/『龍騰 貴賓室』，一樣可以用到大家最常去嘅環亞機場貴賓室Plaza Premium Lounge。

龍騰出行是甚麼？

龍騰 出行 DragonPass 是一家專注於機場與高鐵站商圈消費的全球領先嘅旅遊和生活方式平台，為您提供機場和高鐵商圈旅遊、餐廳、禮賓車等智能體驗。今篇我哋主要探討大家常會用到嘅機場貴賓室及高鐵貴賓室服務。

龍騰貴賓室包括哪些貴賓室？

龍騰 貴賓室網絡覆蓋全球140個國家和地區、600多個城市、超過1,600個機場和高鐵站。由香港國際機場出發，可免費到環亞貴賓室享用星級待遇。其他內地主要機場也可享用其服務：如北京首都、上海浦東、上海虹橋、廣州白雲、深圳寶安等機場都用得！甚至海外嘅台灣桃園、新加坡樟宜等機場都用得著。

香港國際機場可以使用六個貴賓室，主要都係環亞機場貴賓室Plaza Premium Lounge，另外可以使用港航嘅香港航空遨堂(Club Autus)。其實官方網頁中有一個亮點就係，原來Plaza Premium FIRST可以用龍騰點數進入。

邊啲貴賓室可以入？全球機場貴賓室列表/高鐵貴賓室列表可以在官方網頁搵到。

龍騰點數怎樣使用貴賓室禮遇？

每1個龍騰點數可使用一次機場貴賓室或兩次高鐵貴賓室，而且使用方法靈活，可自己享用或與同行親友一起享用。重點係親友拎住QR Code就可以享用服務了。如果自己未有需要，轉讓比朋友體驗下都唔錯的。在龍騰 出行App內購買單次使用機場貴賓室都要花費180-260人仔架！

如何取得龍騰點數？

市面上主要見到工銀亞洲有做以龍騰點數作獎賞嘅信用卡推廣。當滿足達成條件後，獎賞將會通過SMS發送手機短訊通知，使用時可點擊短訊內的連結，毋須輸入個人資料，並掃描二維碼及核對資料後即可使用。

除此之外，龍騰也提供了不同的會籍，更可無限次數使用全球機場和高鐵貴賓室，有興趣可以Download返佢個App註冊望望！

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 29/11/2025 by 蛋黃視野 ***