eMPF積金易平台轉移強積金時間實測│究竟要幾耐？實例分享 2026

相信打工仔都知道，大家嘅強積金MPF已經交由一個叫積金易eMPF嘅平台集中管理。一個平台管理哂香港打工仔嘅強積金操作，買入、賣出、整合、轉移等。本篇文章分享強積金轉移嘅過程、其所需時間及步驟的記錄。

打工仔點解要轉移強積金MPF？

• 用於撐起理財戶口『全面理財總值』
• 轉移可享基金紅利單位或回贈

對蛋黃來說，強積金放喺非銀行旗下嘅基金公司真係作用不大。買開保守基金每一間都未必會分別好大，或者我無詳細研究。不過如果你揀放係各大銀行旗下嘅基金公司，係可以計埋入你現有戶口嘅『全面理財總值』，食理財戶口升級迎新係絕對好幫手。

同時，不斷的轉移留存，可以享受到基金公司的紅利單位或回贈。所以千萬不要就咁放係到唔管理你自己嘅MPF呀。據朋友仔分享恒生、滙豐、東亞、永明都係留存要求比較短的選擇。

轉移MPF的步驟全記錄攻略

開立個人賬戶只需一兩天

轉移前，你要建立一個新基金計劃嘅個人賬戶，有賬戶號碼先可以行落去。蛋黃今次係星期六中午遞交，大約第二日（即星期日傍晚）就收到eMPF平台電郵確記成功登記新成員的計劃。 不過有朋友仔開個時都真係要幾日！記得，如果唔開做唔到落去。

入紙申請MPF轉移手續

原本其實全部可以喺eMPF平台上面Click幾下就做哂。為左食恒生嘅MPF轉倉推廣，原來係要入紙本表格申請，不可以經平台完成。趕死線係半年結前成功向恒生交表，然後就靜待走流程了。

基金轉出權益至轉入的時間

07/07收到eMPF平台的信件，提示基金單位已經喺當日贖回準備可以去恒生了。等呀等…等呀等，終於係22/07恒生e-Banking見到數了 (平台信件顯示於20/7買入基金單位)。

由贖回去到完成認購新基金單位足足花左13個曆日呀，如果你個Lump Sum大都幾獲！每一百萬計高息活期，用3%息計算，足足損失了機會成本約千幾蚊了。

強積金MPF轉移隨時中大伏

今次轉移雖然賺左恒生嘅轉移推廣，但係時間上就真係唔係咁配合，中哂伏，大大伏！咁啱部分係港股資產，時間正正係低沽高買。轉移嘅回贈都彌補唔係兩個日子之間嘅差價，即使你揀保守基金，坐底都輸左一千幾百蚊時間值的了。所以做轉移嘅你真係要睇清楚時間！

希望日後動作可以快啲啦，下次再同大家實測下在平台落指示會否快啲！

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 26/07/2026 by 蛋黃視野 ***