【買股送息】恒生買港股美股可享高達8%額外儲蓄年利率│最後1個月
【非廣告文，好物分享】恒生證券同活期Crossover！買港股同美股送額外活期儲蓄利率，港元3厘，美元更高達8%額外儲蓄年利率！毋須登記，淨係買股+存入新資金就可以了。蛋黃同大家拆解呢個「買股送息」推廣嘅3大重點，仲有合資格增長結餘嘅計法，記得睇到尾，咪白做！
【好物分享】恒生證券同活期Crossover！買港股同美股送額外活期儲蓄利率，港元3厘，美元更高達8%額外儲蓄年利率！毋須登記，淨係買股+存入新資金就可以了。蛋黃同大家拆解呢個「買股送息」推廣嘅3大重點，仲有合資格增長結餘嘅計法，記得睇到尾，咪白做！
啱啱過去一個月，相信都有唔少朋友仔已經做左5.8%恒生嘅美元高息定期，不過原來恒生靜雞雞出左個另一推廣，係想你「買股」之餘仲要「留資金」，推出『買入美股／港股尊享額外8%美元／3%港元儲蓄年利率優惠』推廣，即刻同大家逐項拆解！
買股送高達8%額外儲蓄年利率
推廣期：2026年5月1日至2026年7月31日（合資格證券買入交易時期）
此優惠適用於恒生新及現有證券客戶，毋須特定理財戶口級別，門檻相對其他「儲定賞」推廣低。簡單講，整個推廣主要只需三個步驟：
- 買入港股及／或美股
- 喺下一個月存入相應貨幣新資金（合資格增長結餘）
- 解鎖額外儲蓄年利率
毋須登記，淨係完成以上三步，相應月份嘅合資格增長結餘就自動享有額外利率！
重點一：美股一世半價佣金
講完息率，點解值得睇？因為買股佣金平。首次提交W-8BEN代用表格啟動美國證券服務，買賣美股可享一世半價佣金優惠，即每股只需美元0.0075，或每單交易最低美元7.5（以較高者為準）。
- 假設你買美元100,000嘅股票，每股價格為US$100，即買入1,000股。
- 按每股計：1000股 × $0.0075 = $7.5
- 按每單最低消費計：$7.5
- 所以呢單交易佣金就係美元7.5，10萬美元嘅交易，只需$60蚊港幣左右！
買股仲有擦擦賞！買入後 (十分鐘左右會收到) 沽出分分鐘免埋沽出佣金，用$120蚊港幣成本換10萬美元嘅8%息？點計都抵啦。
重點二：合資格增長結餘
只要於推廣期內經本行任何證券交易途徑買入港股，及／或經「恒生投資快」App買入美股，先會觸發下一個月嘅享息資格。
| 合資格證券買入交易時期 | 指定存款資金增長期 | 指定存款對比日期 |
|---|---|---|
| 2026年5月1日至5月31日 | 2026年6月 | 2026年4月30日 |
| 2026年6月1日至6月30日 | 2026年7月 | 2026年5月30日 |
| 2026年7月1日至7月31日 | 2026年8月 | 2026年6月30日 |
你6月買嘅股，要睇7月嘅結餘增長；7月買嘅股，要睇8月嘅結餘增長，唔係即買即計！
合資格增長結餘嘅計法，係指定存款資金增長期內，合資格戶口嘅每日平均結餘，減去對比日（即上月底）嘅結餘。淨係計「儲蓄及往來戶口」，唔包括定期存款戶口。
- 港股交易 → 戶口增長結餘最少港元5,000，先解鎖額外3厘港元儲蓄年利率
- 美股交易 → 戶口增長結餘最少美元1,000，先解鎖額外8厘美元儲蓄年利率
額外利率有上限：合資格『買入』交易總額，或者港元200萬／美元25萬（以較低者為準）。
重點三：8%美元息收幾多錢？
假設你今個月買入美元100,000嘅美股，並喺下個月沽貨套現，然後把資金放喺美元儲蓄／往來戶口，達到合資格增長結餘要求，已經即刻變成了100,000美元活期：
- 每日利息 = $100,000 × 8% ÷ 360 = $22.22
- 一個月利息 = $22.22 × 30 = 約美元666（約港幣5,200！）
10萬美元做一個月，額外利率部份大約幫你賺到666美元，於10月31日或之前存入戶口。吸唔吸引？
港元及美元嘅額外利息分別按每年365日及360日為基準以單息計算。
8厘已衝，你又點樣稔？
如果你本身有恒生證券戶口又想做美股，今次「買美股+存美元」嘅組合相對吸引，8厘屬於近期市場少見嘅短期儲蓄利率；港元組合3厘雖然唔算吸引 (港股佣金貴呀！)，美元先係重點，配合埋恒生其他理財推廣（優越理財升級優惠）仲正。股票新客仲有新客優惠，要自己再研究下。
以上文章經恒生官方推廣網頁簡介及條款及細則綜合而成，活動詳情、計算方式及最新優惠期請以恒生官方網頁為準。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 04/07/2026 by 蛋黃視野 ***