【恒生篇】美元定期息高，不過做左定期資金就郁唔到！突然要用港元週轉？無謂提早提款；又或者見到 IPO 想打新，錢又做緊定期點算好？所以蛋黃真係好鍾意高息活期！不過其實銀行都有其他產品去幫你突破外幣及定期嘅束縛！蛋黃同大家分享一下恒生嘅Asset Link抵押透支使用體驗。
優越理財實際息率(P-1.5%) = 3.5%！！
恒生 Asset Link 抵押透支係乜?
恒生 Asset Link 抵押透支 (Secured Overdraft) 係用定期存款、基金、股票等資產抵押，攞一個循環透支額度。
- 透支額最高可達抵押品市值嘅 95%
- 循環使用，可隨時還款或再提取
- 不設最低還款額
- 利息只按每日實際動用額計算
- 申請毋須提交文件，親臨分行辦理
- 優越理財或以上會比較好 (利率唔同)
特別適合做定期、拎美元嘅朋友
| 抵押品 | 抵押透支成數(最高) |
|---|---|
| 港元定期存款 | 95% |
| 美元儲蓄/定期存款 | 95% |
| 人仔/加/日/歐元存款 | 90% |
| 英鎊/澳紐/瑞郎存款 | 85% |
| 債券 | 90% |
| 開放式基金 | 80% |
| 股票 | 50% |
睇完個表都唔洗多講！美元定期同港元定期一樣都係最高可以抵押95%，做左1M定期可以拎返95萬出嚟週轉。美元活期同定期都可以借到出嚟。所以如果你真係存款愛好者，可以稔下點用先啱自己。
存美元(利率較高)→ 抵押 → 借港元(日常週轉使用)
主要應用場景的想法
- 港元定期：見到高息港元定期都做左先！鎖定嘅息率。
- 配合美元存款活動：年尾美元八厘活動都應該聽我講左幾十萬次。
- 配合IPO活動：大家都知IPO動輒都要大大力去抽先中！
Asset Link 申請過程及使用體驗
恒生(對比滙豐同類計劃)依家係採用原始模式，要去分行填表及申請。
- 記得要有資產係恒生先批到，交他行月結單不可。
- 簡單估算批額公式：資產 減 已使用信用額(恒生卡) 的70%左右
- 即係100萬資產可以批到大約70萬
- 最高可借額度同你實際可借金額(睇當刻資產)係兩個概念
- 批核需時：快則一星期，慢則一個月
- 完成批核後會有短訊確認
- 加額當新申請，整個流程要再行一次
- 申請時記低幫你申請個個職員的資料，要搵得返佢
Asset Link 重要資料
- 優越理財實際息率(P -1.5%)
- 此服務係有月費！最高可借額度的0.01％ (即100萬額度要比100蚊/月)
- 額度直接落到Current Account，可用餘額會增大
- 借錢後理財總值是以正計算
其他操作經驗：恒生落盤買美股嗰嚿美金，唔可以Asset link住，要還款先！買左美股第二朝九點前可以Asset Link，而且果晚賣美股不用補倉，但賣左美股先Asset link，第二朝借唔到錢，大概下午六點先借到。
滙豐滙財組合貸款 vs 恒生Asset Link
| 項目 | 滙豐 滙財組合貸款 | 恒生 Asset-Link |
|---|---|---|
| 對比對象 | 卓越理財/尊尚 | 優越理財 |
| 利率基準 | H+1.2% 或更低 | P-1.5% |
| 月費 | 沒有 | 最高額度 1% |
| 港元定期抵押 | 100% | 95% |
| 美元抵押 | 85% | 95% |
| 美債ETF抵押 | 最高90% | 直債Only 部分達80% |
其他銀行同類型產品：滙豐滙財貸款組合、中銀資產抵押貸款
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 09/10/2026 by 蛋黃視野 ***