避雷必讀恒生兩個月定期存款高達5% ‧ 列出注意地方│2026年推廣延續

最近比大家熱烈討論嘅定期存款活動相信一定是恒生兩個月定期存款高達五厘！嘩，大行嘅定期利率有5厘，可以去邊度搵。以下即刻同大家睇吓有咩要注意。

罕見高息定期推廣
  1. 恒生兩個月定期存款推廣
  2. 點樣參與是次推廣最完美？
恒生兩個月定期存款 新資金5%推廣

[NEW] 三月十三日推送！恒生又派禮物呀。如果有做早前的5厘定期活動，我深信大家都應該會收到。話就話係特選客戶。快啲入恒生App睇吓，推廣詳情。

簡單啲講，只要你喺四月、五月、六月的最後一個工作天，你的存款結餘高過3月31號！記得係三日都要。咁你就可以獲得$1000現金獎賞。甜品就係如果你當月擺錢喺恒生，你首$200,000會享有2.2厘嘅活期年利率，尚算不錯。不過睇嚟蛋黃都只會放三日就算！操作詳情。

必須注意條件二是指20萬的『增長』，不是存20萬即可。

最近比大家熱烈討論嘅定期存款活動相信一定是恒生兩個月新資金定期存款高達五厘！嘩，大行嘅定期利率有5厘，可以去邊度搵。以下即刻同大家睇吓有咩要注意，記得係滿足以下三項條件。

恒生兩個月定期存款推廣

推廣期：2026年1月19日至2026年2月28日 (定期開立日期)

收成期：基本定期利率2.4%於定期到期時存入，額外年利率2.6%將於2026年5月31日或之前存入港元儲蓄戶口

條件一：開立『新資金』定期存款

記得要於推廣期開立『新資金』定期存款！記得一定係『新資金』 (最低為港元10,000)，不是一般定期存款。

如何分辨『新資金』定期？ 現時『兩個月』新資金定期存款大約2.4%年利率 (如下圖)；如果你見到只得0.125%年利率，這是不正確的。

恒生銀行兩個月新資金定期 正確
恒生銀行兩個月新資金定期 不正確

只要你成功開立新資金定期 (2.4%)，同埋符合以下第二及第三項的要求。你便可享有額外2.6%的存款利率，總存款利率為5%！另外，條款入面有段細字，都需要留意一下。

網上理財之定期存款交易時段為星期一至五上午8時至下午7時55分及星期六上午8時至下午4時55分。如於非交易時段、星期日、香港公眾假期或受惡劣天氣影響如颱風信號或暴雨警告所引致之非營業日透過網上途徑設立定期存款，有關定期存款將不可享有此優惠。

條件二：結餘對比上年底增長達20萬或以上

你2026年3月31日的港元儲蓄存款結餘必須高於2025年12月31日的結餘金額達200,000或以上，先可以拎到盡5%。

你唔好稔住你做左個大額定期，結餘一定有大增長。這裏的結餘是指港元儲蓄存款戶口 『Saving Account』 呀，不包括往來戶口 Current Account 或 定期存款戶口！所以你真係要預留足夠資金於31/3日放係儲蓄戶口，或者搵啲方法週轉下。按股票倉？Instant Cash？都可以。

簡單啲講，你12月31日Saving戶口 (全部都要計) 有20萬，你3月31日Saving戶口要放40萬 (20萬增長額)！

條件三：高息受限於首200萬

高息受限於首200萬港元的新資金定期，於推廣期內你可以分N次開立，但享受高息總額就只有首200萬港元。

點樣參與是次推廣最完美？

最完美參與本推廣方案是大約於30/1開立定期存款，原則上應該大約在30/3或31/3完結 (記得睇清楚)，定期存款完結後存入至港元儲蓄戶口，直至去到4月1日便可提款。下圖為31/1早上開立定期存款的截圖，到期日則在31/3。

短短幾句，希望可以幫大家了解是次優惠詳情，同埋避雷。大行的5%嘅定期利率在市面上的確罕見，把握機會！不過蛋黃還是喜歡高息活期，唔緊要！各取所需，最緊要啱自己。

如果你未有恒生戶口，歡迎使用推薦編號：IOJXHE！開戶前記得登記，即享指定獎賞和驚喜禮遇，詳情。

推薦編號: IOJXHE

登記步驟：

  • 受薦人憑推薦人提供的推薦編號於官網進行登記。
  • 完成登記後，開立優越私人理財，優越理財或優進理財，並滿足優越私人理財或優越理財的全面理財總值獎賞條件；或優進理財的獎賞條件。

以上文章經網友們討論、官方資料及條款及細則綜合而成。最後附上推廣活動之條款及細則。

資料來源：恒生官方推廣網頁

🔍蛋黃視野是專注於研究信用卡消費回贈、里數的多年實務操作用家，坐擁超過50張信用卡以上；還會善用高息存款帶來的利息回報、專注港美股投資超過15年，深度參與IPO活動，以實現躺著賺的目標。喜歡❤️我地嘅內容👨‍🏫，可以比個Like！你的支持是我的動力💫✨。

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 14/03/2026 by 蛋黃視野 ***

49 Comments

    • 我睇T&C就覺得只係每個月月底的一天結餘唔少過推廣訊息上的金額就得了。即係放3日拎$1000！
      你想要埋2.2%就可以其他時間都放錢 (限20萬)

  2. 請問31/3號比31/12放多左既20萬增長額, 需要放幾耐架? 定過左31/3已經可以轉走?

  3. 想問開戶係開邊幾款戶口,
    新入戶口算係新資金?
    假設2.20整到定期,要幾號放多20萬在Saving A/C?
    謝謝

  4. 請問若果我在2月內做幾份過1萬蚊，2個月既定期，
    而3月31日又入夠錢有20萬增長
    到5月31日，我會係咁多份定期都有齊5％，定只係頭一份定期有5％？
    謝謝

  5. 好在有你呢個清楚解說, 不只是於3月31日放多20萬港幣在SAVING 就可以諗住穩袋5厘, 而係要對比12月31日SAVING結餘有多20萬增長才可有資格攞到5厘!
    上星期我已特登走去灣仔近合和中心的恒生去詢問清楚點玩法, 個職員只係講記住要留多20萬在3月31日放入SAVING就可以穩袋定期5厘架啦! 完全冇講到要對比12月31日的結餘係要多20萬囉! 我才預到幾萬到時在3月尾入SAVING咋! 佢呢個講法只係適合新開戶的客囉! 現有客戶就唔得喇! 除非本身12月31日SAVING結餘係0啦!

  6. 請問31/12 的户口資金計唔計美金？or只計算港元saving account內有幾錢？

  7. 請教下，我本身冇恆生戶口，特別開戶玩這個plan ，符合資格玩嗎？

  8. 睇留言，絕大部分人都以為31/3存入20萬去港元儲蓄存款戶口就安心搞掂，反而呢個真心先係最大踩雷位！
    各位最緊要係搵返上年年尾31/12/2025所有你名下嘅港元儲蓄存款戶口(包括綜合戶口＋紅簿仔戶口)結餘有幾多，就當係共10萬，總之要做到31/3所有你名下港元儲蓄存款戶口有多20萬增長，即係有30萬先得。但假如你今年31/3之前有入過錢或提過錢，31/3你未必一定要再入20萬，有可能入少過20萬，又或者要入多過20萬的。總之呢度好多人會誤解！

  9. 請問如果我有2 個恆生戶口，一個係淨saving accoint 出糧用 有好多出出入入， 另一個係 intergrated ,基本上零郁動得幾十蚊，

    如果用呢個integrated acct 搞今次高息定期， 31/3 嘅20萬增長 都只係會計呢個acct ? (應該用呢個acct, 就真係 31/3 純放20萬就可以fulfill 要求？？）還是要睇晒overall 名下account??? thanks

  10. 係咪只要我入新資金到綜合戶口既港幣account做定期，到31/3入多20萬落綜合戶口既港幣account度（比31/12結餘多20萬）咩都唔洗做，當初個定期就可以賺足5厘？天氣。
    我唔知佢點解要咁強調用咩戶口做，係咪好容易會用錯戶口做？🙏🏻

    • 記得係 31/3入多20萬落綜合戶口 (HKD Savings)，如果你有支票戶口係有另一個叫Current。如果係擺Current係唔計!!

  11. 做定期有無分咩戶口？同埋點樣分邊個係邊個戶口？因為戶口裡面有一個港元儲蓄，一個綜合戶口。綜合戶口個個係888尾. 邊個先係saving account? 邊個係current account?
    另外，今日做既定期，8/4先到期，但係咪只要31/3另外存入20萬去港元儲蓄存款戶口 『Saving Account』 ，1/4都可以轉走？唔洗hold到個定期到期日

    • 做定期有無分咩戶口？ 沒有。
      增長放在港元儲蓄就正確，綜合戶口內按進去也列明有一個HKD Savings，也有一個HKD Current。

      31/3另外存入20萬去港元儲蓄存款戶口 『Saving Account』 ，1/4都可以轉走？是

  12. 請問合資格新資金結餘即係點計?唔係好明與15曆日前之結餘即係點解?

  13. 我覺得呢個位要特別留意，有錯請指正：「2026年3月31日的港元儲蓄存款結餘必須高於2025年12月31日的結餘金額達200,000或以上，先可以拎到盡5%。」
    好多人諗3.31存入20萬便可，但佢係要20萬増長，假設你上年12.31有30萬港元儲蓄結餘，但你今年1.1至3.30日內提過款/轉走錢/信用卡自動扣錢等等，假設3.31戶口得返10萬，呢個情況唔係存20萬就得，而係最少要存入40萬先滿足到20萬增長嘅條件。除非1.28-1.31已做咗40萬2個月定期。
    簡單講，1.1至3.30少咗N咁多存款，3.31要確保存入20萬+N咁多錢先滿足到20萬增長，除非1.28-1.31已做咗20萬+N的2個月定期。

    • 你正確呀。照你上面個CASE~ 31/3 係要有50萬在『活期』戶口!
      仲要做緊定期個啲都唔計~ 所以有大家係必須注意。

  14. 想請問如果我今日做$30萬定期，定期可於3/4/2026 提款。
    另外，再在31/3/2026 當天，入$20萬去活期，即可在31/5/2026 收到該筆$30萬定期的 5厘利息？
    那$20萬活期，可於1/4/2026 提出？ 還是需在31/5/2026 以後才能提出？

  15. If I deposit multiple times (each with a 2-month duration) before Feb. 28, 2028, will all of them enjoy 5% interest rate? Thanks.

  16. 請問如果我今日做定期, 係咪理解為呢筆錢可以放到4月1連2.4里息拎番,
    然後我3月31號要額外放多20萬入去SAVING, 同樣呢20萬可以4月1拎走
    就完成有埋額外果2.6里息FOR定期果筆 ? Thanks.

  17. 3月30號才入增長資金20萬，咁3月31號結餘就有20萬增長，是否可以？

  19. 如果31/1 入咗新資金 20000入去開
    係咪可以每日再轉帳 直到31/3 到個儲蓄戶口有20萬增長
    到1/4拎返出嚟 就可以全數計5%？ 而唔止係頭2萬？

  20. 定期筆錢假設我29/1做兩個月，29/3到期，係咪都要1/4先可以拎番筆錢出嚟？唔係只需keep結餘增長20萬果筆錢令31/3結餘達標增長20萬就可以？Thanks

Leave a Reply

Your email address will not be published. Required fields are marked *