【滙豐篇】美元定期息高，不過做咗定期資金就郁唔到！突然要用港元週轉？見到 IPO 想打新，但錢又做緊定期？這時高息活期顯得特別重要！除左高息活期，銀行有款產品都可能啱你。如果你持有 SGOV 呢類短債 ETF 就更加啱哂了！蛋黃同大家睇下滙豐嘅滙財組合貸款 (Wealth Portfolio Lending, WPL)，用資產抵押攞額度，唔使賣貨都有錢用。
滙豐滙財組合貸款係乜？
一句講緊就係用你喺滙豐嘅存款、股票、基金、債券等資產做抵押，然後以 1 個月 HIBOR 為基準 再加一個固定息率去借錢嘅循環貸款額度。
- 信貸限額最高可達港幣 5,000 萬
- 利息只按實際動用額計算
- 無月費，未使用嘅額度亦唔收費（絕殺恒生 Asset Link）
- 限滙豐卓越理財或卓越理財尊尚客戶
滙豐WPL抵押啲乜最好用？
滙財組合貸款官網列出嘅抵押品包括外幣儲蓄、定期存款、港美股、基金、港股同美股上市嘅 ETF、債券等等。
| 抵押品 | 信貸率(最高) |
|---|---|
| 港元定期存款 | 100% |
| 外幣儲蓄/定期存款 | 85% |
| 債券 | 95% |
| 固定收益基金 | 90% |
| 存款證 | 70% |
| 股票/基金類 | 70% |
港元定期係100%可以借返出嚟呀！開左呢個功能仲唔係活期咁款？有需要週轉時先拎出嚟用幾日，比幾日息。
美債ETF SGOV / BIL等抵押率高
有啲亮點並無仔細列明係網頁上面，其中一個亮點你入HSBC App投資個到會睇到，你就會見到SGOV或BIL呢類型美國上市嘅短債ETF，其最高信貸率係可以達到90%！！！短債ETF背後資產係極短期嘅美國國債。即係 1M 等值嘅 SGOV 最高可以抵押 90%，借出90萬等值港元。(不過實際會低少少，因為會有一個跨貨幣風險保證金Hold住小部分)
一邊食緊美債息，一邊借港元出嚟用。
主要應用場景的想法
- 解放定期存款：做咗推廣活動高息定期都唔怕，因為可以100%借返出嚟
- IPO資金週轉：見到大型 IPO 想落大注，同一筆資金雙重用途
- 收穩定美債息率：直接將資產以美元為基礎，用SGOV或BIL ETF收住息等機會
滙豐WPL息率幾多同點申請？
標準定價視乎借貸金額，一般係 1 個月 HIBOR + 1.20%。官方定價資料！
- 首 港幣 10,000 貸款 0% 利息 (限時至年尾)
- 「親朋好友」推廣碼：HIBOR + 0.5% (限時至年尾)
- 滙豐交易薈等級愈高，利率會愈著數。入門已經做到 H+0.7%
- 玩得WPL最少應以H+0.7%做目標
滙豐WPL只要網上申請就可以了：HSBC HK App →「財富」→「產品及服務」→「滙財組合貸款」。申請約 10 至 15 分鐘，設立貸款約 1 至 2 個工作日。加額就一定要落分行申請！
記記記得就係入左錢先去做申請，批個個上限額度愈大係愈方便的。如果唔係日後去分行搞一輪又係好麻煩！
滙豐滙財組合貸款 vs 恒生Asset Link
| 項目 | 滙豐 滙財組合貸款 | 恒生 Asset-Link |
|---|---|---|
| 對比對象 | 卓越理財/尊尚 | 優越理財 |
| 利率基準 | H+1.2% 或更低 | P-1.5% |
| 月費 | 沒有 | 最高額度 1% |
| 港元定期抵押 | 100% | 95% |
| 美元抵押 | 85% | 95% |
| 美債ETF抵押 | 最高90% | 直債Only 部分達80% |
其他銀行同類型產品：恒生 Asset Link 抵押透支、中銀資產抵押貸款
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 05/10/2026 by 蛋黃視野 ***