IB借錢利率平息之選｜盈透證券保證金貸款融資利率 – 孖展保證金戶口限定 2025

有陣時想有一嚿錢周轉一下，但發覺手上的全部都係股票商品債券資產，又唔想沽左啲貨。主流嘅券商都有提供孖展保證金服務，調查後發現一般孖展利率比較高。例如老虎牛牛借港元要6.8%；美元要4.8%等，咁究竟有冇其他比較經濟嘅選擇？有！IB港元利率2.61%起！本文主旨是發掘借平錢週轉方案，以下文章適用於IB盈透證券存有資產的客戶。

孖展保證金戶口專享

首先，如果你想喺證券戶口提款/借款，你當然要有足夠嘅資產。一般證券戶口分為現金戶口及保證金戶口：前者淨係可以提取你帳戶內的現金結餘，後者則可以提取現金結餘加上持有資產嘅非保證金部分。例如拎盈富基金(2800.HK)做例子維持保證金只需低至20%！即係如果你孖展戶口嘅話最終可以提取80%嘅款項，餘下20%作為保證金。一萬蚊應付可以拎近8000蚊作為週轉。VT維持保證金則只需低至9%！不過記得唔好用到咁盡！

• 初始保證金(Initial Margin)：即係開倉時所需要的最少金額(保證金)。
• 維持保證金(Maintenance Margin)：開倉後資產或會因市況而出現變動，維持保證金指保證金帳戶需維持的最低金額。

認清楚各國貨幣融資利率

咁究竟IB借錢有幾平？IB對保證金融資收取的利息已經詳細列明喺盈透證券官方網頁啦。不過要注意返相關利率不時浮動，所以間唔中都要上返去睇究竟你自己錢係收緊你幾多利率！

• 以借港元為例(13/07/2025)：貸款78萬港元或以下，標準利率為2.61%。[最新為3.306%]
• 以借日元為例(13/07/2025)：貸款1100萬日元或以下，標準利率只需1.896%。

基本上借得越多利率越平！記得當然你要有相應嘅資產在賬戶內先借到錢，並非任你篤手指。

IB借錢利率平息之選

講咁耐想講啲咩？當然想帶出用盈透證券IB借錢融資利率十分吸引。美元利率高企，目前美國短期國債嘅利率仍然可觀，大約都收緊4-5%。假如你啲美元資產，本身已經在IB買緊相關項目收息，有資產就可以以平息借取港元/甚至日元進行再投資Reinvestment。不過投資涉及風險，假如你拎咗港元出嚟，放返落啲高息存款，又好似可以套息？

最後話埋俾大家知喺IB借咗錢之後，點樣睇返可產生嘅利息。大家可以喺借款日翌日的日結單內看到「應付利息」一欄會產生負數，即代表你上一日的借款產生了所需繳付的利息。在每月的月結單(如下圖)內可看到當月的總數。

會員們提到其實IB嘅美元/港元計息每天截數時間是於美東時間17:00 (即香港清晨05:00)，有別於港券商嘅時間。Interactive Brokers has a cutoff time of 5:00 PM ET for margin-related activities.

大家有更進階嘅玩法，歡迎分享更多=) 附上兩篇延伸閱讀：香港盈透證券IB活期利息；IB入金大全

---

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 30/07/2025 by 蛋黃視野 ***