政府基礎建設零售債券 – 認購幾多手好？短炒定持有至到期？保證息率3.5厘！
基礎建設零售債券 2024 基本資料
基建零售債券發債所得資金將撥入基本工程儲備基金，按計劃框架作基建項目投資。不過其實都唔洗知得咁清楚，總之知道就是港府發行嘅債券，同其他債券一樣，最緊要係政府到期個陣有能力贖回就得。意識上大概同iBond、銀債、綠債等都是類似的。
- 債券年期：三年期，每半年派息一次
- 認購日期：26/11/2024 9:00 – 06/12/2024 14:00
- 發行額度：200億港元，視乎認購反應上調至最多250億
- 債券利率：保證最少3.5%；或息率與本地通脹掛鈎
- 入場費：每手$10000港元
快速咁睇利率同普遍短期定期存款利率差唔多。如果想啲錢鎖定喺息率幾年，咁債券都的確可以幫到你。只要你係持有香港身份證的18歲以上人士，你就係合資格認構人士。收息日期同相關資料稍後可以睇呢到。
基建債券設有二手市場 可隨時買賣
本批基建債券同綠債、iBond一樣，可以喺二手市場自由買賣，都算係靈活嘅。不過價格可升可跌，如果美國通脹重臨，政府唔會隨時同你用原價收返，票面值絕對係有機會低過$100，想放個陣只能以市場價格出售。債券價格會隨美國息口可升可跌，大家要注意。不過如果安心持有到到期，絕對係包賺，最多輸左機會成本。
戲肉來了！基建債券值得認購嗎？
第一樣野睇下市場上有無其他選擇先。我哋即刻望望美國三年期國債債券收益率(見下圖)做一下對比，最近都係在4.2%附近浮動。嘩！有比較有傷害，港元債明顯低息過美債，所以如果你喜歡拎住美金，買美債或許係更好嘅選擇。
(圖片來源：Investing.com)
咁係咪即係唔去馬呀？其實此類政府債風險低，又好難唔去馬嘅。你只要相信政府喺到期嗰陣有能力同你贖返，基本上唔會有大問題。雖然美國利率走勢未明，你問我就似高位橫行機會大。咁其實唔去楂都可以短炒嘅，短炒又有無空間呢？即刻拎啲野比較下！
- 現時(20/11計算) 4273政府綠債嘅Yield to Maturity (YTM) 只有2.65%左右！
- 現時(20/11計算) 4701機管局債Yield to Maturity (YTM) 則有3.16%！
- 剛剛11月份2年期外匯基金債券嘅發行息率係3.19%！
咁當你新發債嘅債券，短期內YTM可以去到3%，短線理應可以去到$101.4！得個1.4%咁少，你玩埋我個份。好呀！即刻睇埋上次綠債派幾多先。綠債最多可獲九手(發行額200億元)！基建債券最多可以發行去到250億元，即係可以粗略x1.25啦，按上次認購情況來看估計可以最多中12手。
不過我相信好多人都覺得好雞肋，認購反應會比之前無熱烈的了，所以分分鐘中得更多！我稔認購15手左右應該點都食到盡瓜。放到咀邊嘅快餐，有千幾蚊唔係唔執呀嗎？(如果大家都唔認購，我又有機會中多啲啦！哈哈哈)
銀行、券商認購都得！ 富途老虎稔得過
銀行方面：如果你有冇邊間銀行要維持全面理財總值(指定理財級別)，要擺實啲錢喺嗰度嘅咁咪用嗰間認購。反正嚿錢都要擺喺度點解唔買埋債券收埋息？定期都無咁高啦。不過如果你稔住揸到一半隨時沽，咁你就唔應該揀銀行。你賣比銀行個差價闊過城門河，銀行係莊家，唔會同股票市場掛牌個價係同一樣價！如果唔係賺你咩？
券商方面：喺富途都值得考慮。富途公佈左認購政府基礎建設零售債券即可獲最高「11免」優惠，豁免收取：認購手續費、申請手續費、暗盤交易佣金、暗盤交易平台使用費、上市交易佣金（一世免佣者適用）、託管費、轉入費、代收利息手續費、不動戶費、 存倉費 、到期贖回費！暗盤交易費用全免很重要，如果暗盤未到合理價格水平，無交易成本地掃貨都稔得過。新客開戶送你$1800！立即申請！
如果唔想付出又想食快餐，暫時看來只有致富、華盛有得做最多十手嘅九成孖展！付出少少本金就可以執金去邊到搵？
延伸閱讀：
1. 高息債券選擇：美債、iBond、綠債、銀債、機管局債券
2. 二手市場買賣價格計算方法
借定唔借？還得到先好借！借錢梗要還，咪俾錢中介。
喜歡❤️我地既內容👨🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 27/11/2024 by 蛋黃視野 ***