【四月最後幾日】 inMotion專享兌換指定外幣享高達$1100現金回贈│兌外幣/唱錢最佳選擇│信銀國際派錢活動 2026 April
inMotion專享兌換指定外幣。信銀真心係益大家。2026年4月的推廣仍然有肉食，希望繼續多啲人留意到。今次喺inMotion唱錢可享高達$1100現金回贈。派錢推廣浪接浪，山大斬埋有柴！整個推廣預計約港幣$400嘅收益。
【2026年4月】inMotion外幣推廣
上一季大家都應該執到下，嚟到四月尾機會又嚟啦。信銀個人化外幣兌換活動，經過第一季極速收錢的快感，食過返噚味，四月份機會再現了！真係等到最後一星期先出現機會，大家可以玩埋佢。
山大斬埋有柴！今個月個人化兌換上限為27.5萬港幣，回贈為每25000蚊回$100蚊，回贈比率再下降至0.4%。因為上限足夠大，所以都喺手機篤幾下，仍然可以獲得大約$400港幣左右的回報。
整個活動所需的工具及步驟：
- 工具：信銀國際inMotion + Mox Bank
- 先確認你的Mox Bank獲得港元美元互換『零差價』的優惠。
- 先於『獎賞GO!』參加唱住賞任務，後兌換27.5萬港元至美元。(人人上限有機會唔同，自己睇清楚)
- 然後透過CHATS射錢至Mox Bank (收費暫時豁免)。
- (如適用：附圖) 登記外匯推廣疊加執多$175 (分三次兌換)
- 於Mox Bank兌換回港元，模擬損耗$670。
- 做齊以上步驟約可得約$400+$175回報
- 完成後一至兩天記得入返去inMotion『獎賞GO!』領取$1100回贈！！
Mox官方迎新推廣必刷！蛋黃邀請碼「GSYX9G」
後記：如果今次用眾安ZA二折券的話，損耗大約要$800。淨回報只有約$300，比Mox更差。
一如以往條款已註明『不可同日唱回港元』、『獲外幣兌換定期存款優惠之交易不會計算在內。』
美元限定 只有美元才有空間
雖然推廣指定外幣好多選擇，包括美元、英鎊、日圓、歐元等，但必需留意外匯差價。以下是部分指定貨幣來回匯率差價，分別大約美元 0.42% / 英鎊 0.99% / 日圓1.16% / 歐元 1.07%。假設匯率不變，信銀國際inMotion送你0.4%回贈，根本沒有一個能包得住個來回差價，故此要找另一間兌換差價較低的銀行去兌回港幣。記得一定要係兌換成指定貨幣先可以有回贈。由指定貨幣唱返做港幣是沒有回贈的。另外要留意嘅就係唔可以即日鮮。睇下條款及細則點講。
- 合資格客戶於推廣期內，透過 inMotion 動感銀行完成以任何貨幣兌換成指定外幣之即時或限價外幣兌換交易，並累計交易達指定金額（「合資格外匯交易」），將獲享現金回贈。
- 如合資格客戶於同一交易日進行同一指定外幣的買入及賣出交易，有關之賣出交易金額將從合資格外匯交易金額中剔除。例如，客戶於同一交易日將港元兌換成 2,000 美元，然後賣出 1,000 美元兌換回港元，合資格外匯交易金額將為 1,000 美元。
inMotion專享兌換指定外幣回贈
此推廣回贈於完成後一至兩天入返去inMotion『獎賞GO!』領取$1100回贈！！
如果想再深入了解下類似推廣玩法，可睇返早前Patreon文章已經詳情列出玩法，點玩先最抵，話你知一啲一定要留意嘅小資訊，人人都可以拎到最大嘅回贈。
美元轉賬行CHATS，可以即日去到唔同銀行，大家可自行比對一下各行嘅匯價賺到更多。
另外，唔好以為唱完外幣可以相食定期存款優惠。條款已註明『獲外幣兌換定期存款優惠之交易不會計算在內。』
如果未有inMotion戶口嘅你可以睇下以下文章，考慮下整返一個。文章入面有埋高息大富翁存款攻略。
*** 以下為2026第一季外幣推廣活動 ***
自從去年11月份信銀外幣兌換活動咗做個人化指定外幣交易後，整個活動變了雞肋。兌換金額已抵銷不了回贈。不過今年第一季，推廣繼續進行！嚟到最後幾日，大家可以玩埋佢。
點解今次有值得望一望？經大家泛討論後，發現山大斬埋有柴！兌換上限增至40萬港幣，雖然回贈比率至0.5%。因為上限足夠大，所以今次喺手機篤幾下，仍然可以獲得大約$1000港幣左右的回報。還可以吧！
整個活動所需的工具及步驟：
- 工具：信銀國際inMotion + ZA Bank
- 確定先取得一折/二折ZA外幣兌換折扣券！
- 先於『獎賞GO!』參加唱住賞任務，後兌換40萬港元至美元
- 然後透過CHATS射錢至ZA Bank
- 於ZA使用一折或兩折外幣兌換券兌換港元
- 做齊以上四步大約可得$800-1000回報
- 完成後兩至三天記得入返去inMotion『獎賞GO!』領取回贈！！
整個推廣活動算係簡單，大部份有興趣做的谷友都已經完成咗，你又有冇興趣做？
一如以往條款已註明『不可同日唱回港元』、『獲外幣兌換定期存款優惠之交易不會計算在內。』
*** 以下為2025年10月份推廣活動 ***
注意：由於申請扣賬卡需時，據聞話可以先做左外幣兌換，然後只要下個月底前持有及啟動就得。搏唔搏自己決定。
信銀國際唱錢/外幣兌換/派錢優惠大家真係要Keep住留意下，因為真心係益大家。今個月嘅2025年10月份又有肉食啦，希望繼續多啲人留意到。今次係inMotion專享兌換指定外幣享高達$1000現金回贈，派錢推廣浪接浪，雖然無之前咁多，但整個推廣預計最少都有港幣$600-$700嘅收益。簡單啲講就係用inMotion兌換成指定貨幣可享1%回贈。其實得1%咁少，咁都有肉食？你睇埋落去先講啦！
點樣玩先可以拎盡十月份推廣？
之前玩開大家都應該熟，今次直接入戲肉！推廣一出，大家都已經急不及待去研究下有無得玩。等蛋黃又拋磚引玉一下，究竟點樣參與推廣先可以賺最多啦！以下是今個月推廣詳情，官方推廣頁面。
方向一：兌換10萬港元至美元；第二日兌換回港幣完成！記得不可同日唱回港元。
方向二：兌換10萬港元至美元射走至ZA Bank！使用2折外匯兌換券兌回港元，留言送給你^^。
方向三：兌換10萬港元至美元射走至Citi HK然後射去IBKR。理應此方案執得最多！IB出入金教學。
| 不同方向 | US$12846 兌換至港幣 | 損耗 |
|---|---|---|
| 方向一 | HK$ 99587 | $413 |
| 方向二 | HK$ 99702 | $298 |
| 方向三 | HK$ 99784 | $216 |
合資格進度棒：上季開始信銀整個條進度棒比大家查閱，唔洗擔心自己嘅交易是否合資格。入App就會見到！
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 25/04/2026 by 蛋黃視野 ***
Chats 美元到Mox, Mox 現時不用收費嗎？
據CS回覆暫時豁免。
今日匯美元落webull比人扣咗$200
CS話係個代理銀行費
係咪唔應該點選自己扣除
我懷疑點咗自己扣除佢會係唔係都扣你
要揀從匯款中扣除/收款人支付~
兌換10萬港元至美元射走至ZA Bank！使用2折外匯兌換券兌回港元，留言送給你^^。
先謝謝
兌換碼：ZAFX58
方向二：兌換10萬港元至美元射走至ZA Bank！使用2折外匯兌換券兌回港元，留言送給你^^。
係咪有2折外匯兌換券，先謝謝。
碌下啲留言會見到~
方向二：兌換10萬港元至美元射走至ZA Bank！使用2折外匯兌換券兌回港元，留言送給你^^。
先謝謝。
今期兌換碼係：ZAFX58
本身大富翁港元8月31日到期, 已登記下一輪美元大富翁,
1) 如果今天提取港元兌換美元,是否賺左兌換現金回贈?
2) 再存定期美元一個月, 到期先轉入美元大富翁, 可以嗎?
兌換獎勵唔可以同定期優惠同時享用。可直接做美元大富翁。
兌換完美金，筆美金用嚟做普通新資金定期可以嗎？
普通定存可以。不過都建議同CS了解下夠竟佢地分唔分到…
玩完5月外幣兌換可以再完8月?
8月外幣兌換係只可以玩一次?
可以。這個8個同5月的推廣是獨立的。8月可以玩到上限回贈，不限次數的。
問1.是不是兌換美元當天就可以射去其它銀行
問2.假如我只有少量港幣 是不是可以 兌換>美元>射去b銀行再換回港元再入去中信,重覆以上動作
問1: 可以
問2: 可以
如果同一日先用美元換回港元再轉美元 這樣可以嗎
不可以。同一日唔可以有雙向的兌換
請問AUG2025 呢次係咪一次過換 HK$100,000(等值) 去美金, 就可以有 HK$1000 回贈?
是。
換$5000就得……我4隻都用HK$10000換,我再換返HK$,咪冇咁JETSO?>$5000,愈大金額愈蝕
係呀…換$5000左右就得啦…!
請問我2024 q3 玩完
今Q又可以再玩？
今季無限制，所有人可以參與。
😊 thanks
想問下淨係用hkd 五千蚊ard 逐個貨幣轉可以嗎 (eg hk>gbp>hkd>jpy>hkd…)？ 同埋每個貨幣兌港元都升咗（美元走弱）你會長hold定即時換返港紙？ thanks!
可以呀 (hk>gbp>hkd>jpy>hkd)。 投資嚟講咁外滙咁細金額都無乜效果！所以，當然即時轉返港紙XD 再等回贈入賬～
Thanks! 順便問埋活期，citic 大富翁下降咗0.25% 但係都高過馬拉松小小？ (3個月嚟睇）
正確，多少少咁多! 渣馬短期息好啲，轉身容易。我會揀渣馬~
蛋黃對於兌幣次序有無咩建議呀? ☺️
唔洗有任何次序XD 因為逐隻唱同連續唱無乜分別XD
HKD->RMB->HKD
HKD->GBD->HKD
HKD->YEN->HKD
HKD->EUR->HKD
HKD->RMB/GBD/YEN/EUR->HKD
中間呢4隻互轉唔係好過來回HKD咩? 慳番來回既差價
而互轉都要分次序，例如轉左人仔先換yen，同轉左yen先換人仔，可能個價都唔同
聽完蛋黃講，終於明白T&C入面講既衍生HKD兌換係咩意思。
原來外幣兌外幣都係要兌做HKD先
上次玩個陣我初初都以為係一條路順住換係抵啲 (上次我係順著換)，但當我再計算外幣與外幣之間嘅差價，佢係闊過外幣兌港幣的。所以4隻外幣互轉換同來回換HKD結果係差唔多。
請問兌換後有冇話要持有幾耐先可以將D外幣兌換回港幣?謝謝!
立即兌回港幣。哈哈哈
如兌換交易涉及現鈔兌換、現金存入／提取之交易或匯出／匯入之轉賬之外幣兌換交易均不會被
視為合資格外匯交易。
可能要提提大家
如果大家正常在App做兌換，無伏。上次推廣我同CS再三確認，換匯後可提現鈔的。也謝謝你提出。=)
中信會唔會提現鈔收charge架?
優惠期內10萬港元以內不用~ 不過銀行無講優惠期幾時完~
你好，我昨日信銀唱完美金，但今日開獎賞go唔見任何兌換進度更新，請問係咪要等幾日先會update及可以領取獎賞，謝謝
星期六日不更新。
想問下，現金回贈係以外幣回反各自的外幣戶口？定係以港幣回贈至港元戶口？謝謝
是回贈相對應的外幣~