港股IPO新股暗盤交易心得攻略 警世避雷要點你要知 2026
新制下的港股IPO新股炒得火紅火熱，個個都想入場分一杯羹，不過點樣沽得最靚，做得最高價，老手都未必拿捏得好好。今篇文章分享咗幾個暗盤交易心得；沽貨食糊的策略，蛋黃暫時都仍然未搵到邊一個方法係最好，你哋又可以留言分享吓你覺得邊一款係最適合自己！以下主要以富途牛牛及老虎證券平台操作示範。
新制下的港股IPO新股炒得火紅火熱，個個都想入場分一杯羹，不過點樣沽得最靚，做得最高價，老手都未必拿捏得好好。今篇文章分享咗幾個暗盤沽貨食糊的策略，蛋黃暫時都仍然未搵到邊一個方法係最好，你哋又可以留言分享吓你覺得邊一款係最適合自己！以下主要以富途牛牛及老虎證券平台操作示範。
什麼是新股暗盤交易？提前買賣
新股暗盤交易（Grey Market）是指在新股正式上市前一個交易日（主要交易時間為：16:15 – 18:30），可直接透過大型券商內部自建的交易系統進行報價和撮合的場外交易。這允許投資者在IPO上市前一天，提早買入或賣出股票以鎖定利潤。
現時香港主流暗盤交易平台主要幾個：輝立、富途、耀才，還有一個比較小眾的捷利交易寶 Trade Go Market。市場上大部份券商都係接入輝立和富途嘅暗盤交易系統，所以基本上如果你用緊其他證券公司，其交易、報價都主要係呢兩間供應商！
現時耀才雖然都係相對少朋友用作IPO，不過螞蟻入主耀才，好期待將來有一番新景象！
暗盤交易心得 四種暗盤交易策略
1. 限價盤 – 心滿意足價
一開盤！瞌埋眼輸入你心目中的理想價格，等待市場成交。沽出當然開心，因為已經係你心目中的價格。不過絕對有機會錯過咗往後的升幅！若果你輸入的心目中價格遠高於市場現價，未必能順利送出到市場。富途要等升到咁上下價格先送得出，老虎暫時未見有限制。
2. 自動輸入買一、賣一價格
富途牛牛有一個功能係以買一、賣一價格輸入做落盤價，當暗盤開市時，輸入的價錢就會跟住現價的買一、賣一價格跳動填寫！係Live Update！更新速度非常之快，免除輸入價格的緩慢動作！見到啱價錢就按買入或賣出！老虎證券則未支援以上功能，由於報價緩慢，價格不會自動跳動。
3. 追蹤止賺指示操作
當股票一直有一個上升趨勢的時候，追蹤止賺位會不斷推高，直至股票見頂回落至某個百分比，訂單就會送出市場進行止賺動作！全自動化操作，避免人手錯過良機。
富途牛牛同老虎證券都有以上功能，不過由於暗盤初段因價格上落幅度太大，很容易觸發指示，導致錯誤送出市場，錯過了往後升幅。為避免以上情況，所以輸入觸發的條件不可太窄。
4. 警世避雷市價盤
市價盤即係按當時市場上買一、賣一價和買入或沽出。富途牛牛落市價盤雖然完全暢順，但是有機會因買賣價格太闊，錯誤以低價沽出！另外，老虎暗盤交易千祈唔好落市價盤。暗盤初段上落大，市價盤訂單好難送出市場。上游供應商因大量交易量龐大塞車，會完全錯過咗當刻最靚的價格。不過經驗係老虎可擺限價盤，即使限價盤擺到超低價一樣可以以當時買一價格成交。
暗盤有延誤其實又唔怪得老虎，上游供應商咁多年都沒有積極擴容，一多人齊齊落盤就點都會有啲塞車。
必睇！暗盤前的參考價格
暗盤開乜又真係好難估，有時幾倍、有時一倍、甚至只係輕微高開或倒跌。話說近年漲樂全球通（華泰App）於暗盤當日的16:10就有一個參考價格出現。絕對係一個好值得參考的指標。
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 19/05/2026 by 蛋黃視野 ***