2025年信用卡優惠條款更新。必讀！一覽主要變動 (不斷更新)

臨近年尾啦，部分信用卡已率先公佈來年嘅信用卡優惠修訂。經濟不景氣，經營環境困難，似乎各家銀行大方向都係繼續縮皮同加辣。以下幫大家綜合左一啲主要嘅更新。即刻去睇下2025年信用卡優惠條款更新啦！

信用卡第二季資訊更新！2025Q2。

HSBC/恒生/東亞2025年信用卡優惠條款更新

滙豐 EveryMile：免費旅遊保險、免費用機場貴賓候機室、機場指免費餐飲服務繼續有。
滙豐 Red卡：網上購物簽賬4%「獎賞錢」來年都有，大額網購都唔怕！
恒生 MMPower：外幣6% / 網上5%回贈：一早已經延至2025年12月31日。
恒生 Travel+ VS：日韓泰新加坡和澳洲 7%回贈：延至2025年12月31日。
BEA i-Titanium：網上購物零售、手機付款簽賬續額外3.6%回贈+0.4%基本 (HK$300 i-Dollar回贈)
BEA Goal：網購、手機付款、娛樂、旅遊、交通繼續4-6%回贈 (HK$200 現金回贈)。詳情！

信銀國際Motion卡/大灣區雙幣卡變動

每曆月累積合資格零售簽賬滿HK$3,800或以上，同一曆月之合資格食肆及/或網上簽賬可獲享6%現金回贈。得啖笑，Motion回到盡係每月$200，即簽$3636就爆，但要大家簽$3800先可以有回贈。就比你最叻簽到齊頭數$3800，即相等於5.76%回贈左右。詳情。

大灣區雙幣信用卡反而幾好喎，無腦Wechat Pay HK簽賬都仲有4%回贈！每日最多可以簽$3400左右，整個月簽$5700左右就爆啦，經電子錢包消費此卡無敵。大額人民幣仲賺得多啲。詳情。

中銀信用卡變動

Visa 卡「狂賞派 – 高達 5%現金回贈」2025

推廣期一次過做一年，由 2025年1月1日至12月31日。最最最重要嘅係紅日加碼至5%回贈，月上限$300，平日2%不變，月上限$120。本地實體店消費規限左6大類別，分別超市百貨(含便利店)、電子產品、醫療體檢、餐飲食肆、機票酒店、珠寶服飾。條款及細則有舉例子。網購狂賞方面：平日2%上限減至$60；紅日上限減至$200，而且類別變左跟以上6大類別玩。繳費方便無變，依舊2%，上限$1000。詳情

「狂賞飛」外地簽賬高達6%回贈

海外變左獨立推廣活動，做半年！有門檻。「狂賞飛」！外地簽賬高達6%回贈！詳情

其他中銀卡簡單更新

Cheers：$5000簽賬下限豁免消失了，要簽夠$5000先有10X / 8X積分；
大灣區紅卡：4%手機支付續期至3月31日，Out走BOC Pay；
Sogo：下年手機支付繼續5%；
Chill：網上同海外簽賬繼續5%，Chill商戶加辣，要當月有$1500實體簽賬先可以享有Chill商戶10%回贈，M記卡不再；
i-card：未見有更新

中銀撤消年資優惠新增無效交易詳情

大家2024年應該太落力刷狂賞派。唔知係咪今年上半年豪爽得濟，中銀多年來嘅信用卡年資優勢下年度同大家Say Byebye，大家戶口賺到嘅積分記得今年來換埋佢啦。點樣換先至抵？一定係年資+驚喜星期五。最強可以去到160分 = 抵銷1蚊簽賬。詳情。

另外，估計大家食飯食得太瘋狂啦，變動後每月只可以食一萬蚊飯XD。Cheers卡每個曆月餐飲及旅遊簽賬可得分上限有所調整(每月要簽夠$5000先可以有額外積分)：

Cheers VI (10X積分)。餐飲交易每月上限10萬分 (可簽$10000)，旅遊交易每月上限25萬分 (可簽$25000)，兩者合併計算每月最多可拎到30萬分
Cheers VS (8X積分) 調整餐飲交易至每月最多6萬分 (可簽$7500)，旅遊交易每月最多15萬分 (可簽$18750)，兩者合併計算每月最多可拎到18萬分。

最後下年度將新增無效交易條款及細則，各位玩家睇路啦。中銀變更條款及細則修訂通知全文。

渣打Smart Card 5%回贈新增門檻

Smart卡在指定商戶5%簽賬回贈好使好用！不過下年開始要每月簽賬$4000先賺到5%，不過其實都係簽大額先稔起佢，所以問題相信都唔大！市面上Wewa手機支付都輕易做到6%了，小額都係用佢地方便。另外，只要你每月簽得夠HK$15,000的話基本回贈會提升至1.2% (不足額時=0.56%)。連同豁免左嘅1.95%外幣交易手續費，淨回贈來說1.2%還好！

DBS信用卡變動

DBS Eminent卡指定簽賬5%回贈更新

DBS Eminent 全年嘅信用卡推廣都宣佈咗，下年會繼續！喺指定類別簽帳 (餐飲、健身中心、運動服飾、醫療服服) 可以有5%現金回贈。Visa可以每月簽$4000；Visa Signature可以每月簽$8000，兩張卡獨立計算。大部份嘅要求都冇變，只要每筆交易達$300以上就可以！不過要注意返醫療服務，並唔包括獸醫類別，所以唔好見到診所就走去碌啦！記得下個月(12月2日)要重新登記啦。

DBS Live Fresh / Compass Visa 變動

DBS Live Fresh：網購自選類別5%回贈下年繼續派！
DBS Compass Visa：全港超市簽賬享高達8% COMPASS Dollar回贈。單一淨簽賬需滿HK$300，每月簽賬上限$2,000。另首三個月有「好COM玩」小遊戲可贏取高達$5,000 COMPASS Dollar。

安信新增外幣交易手續費八達通增值減至0.4%

安信EarnMORE信用卡 (詳細介紹) 下年嘅簽帳基本回贈，繼續維持喺1%。2025年繼續有額外嘅1%加碼回贈；條款及細則。不過佢High Light左一句嘅係透過電子錢包繳費唔會有額外回贈，所以雲閃付、支付寶等等都屬高危。下年再實測一下。

另外，主要變動係八達通自動增值方面會由1%降至0.4%，不過其實影響都唔大，玩得八達通增值就應該用渣打嘅Simply Cash或者工商銀行嘅星座卡，可以有1.5%現金回贈！外幣簽賬費用方面將新增手續費。Visa卡為1.95%；銀聯卡為1%。詳情可參考安信信用卡修訂通知全文。

Mox Credit簽帳獎賞無上限/里

Mox Credit (詳細介紹) 重磅推出簽帳獎賞可以高達$4/里，無論係本地海外網上簽帳通通可以做到！話說Mox係11月初公佈左新嘅信用卡優惠，本地/網上消費無上限$4/里+『零』外幣交易手續費。簡單一句，對於大額簽賬嘅用戶來講係吸引嘅！如果淨係想開一張卡走天下，Mox今次真係比到你。你可以隨時揀變做無上限2%現金回贈或者無上限$4/里。一次過滿足哂大家，想草Cash Back又得，想草飛行里數都得！不過，想享受優惠係有少少要求，就係你要在碌卡前放25萬係Mox先可以享受到優惠。官方網頁。

講多少少，$4/里其實以前渣打CX卡都做過，不過限網上。依家轉左落去Mox到做，全面升級左。不論本地、海外及網上簽賬，從今開始，只要你簽得夠大額，一定要稔起Mox Credit。大額意思係起碼簽過萬，因為小額簽賬都總有其他更好選擇。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 05/05/2025 by 蛋黃視野 ***