最新Mox新資金推廣存款利率高達5.15% – 值得參與嗎？

臨近年尾，各家銀行都想搶更多嘅存款！Mox今個月嘅新資金推廣有驚喜，存款期約4個月多啲左右，最高可以去到5.15%。如果無意外應該抽得贏其他選擇。有人話Mox活期利率成日變，依家見到高達5.15%，但實際上根本唔會咁高。咁我地就要睇下未來四個月減息機會了。

Mox新資金推廣 認清楚存款年利率

由於Mox嘅頭25萬嘅存款年利率係稍為低的，連埋加息任務都只係得1.25%。詳情可以睇返另一篇講Mox存款文章。就算加埋現金獎賞換化做年利率計算約3.4%左右，你做10萬都只係得4.65%。唔好忘記，你要連續四個月都要做任務去加息（當每月成本$75 * 4 = $300）（5月唔做啦瓜？得幾日），絕對蠶食左利息一部分，所以實際年利率會更低！如果只得十萬，做信銀國際定期好過吧。望望以下個表粗略幫大家計左。

如果你存25萬或以上就開始有啲睇頭啦，實際所得利率介乎4.34% – 4.94%之間，算係非常可觀的回報。存款愈高愈接近聲稱嘅5.15%年利率。

究竟下年頭美國會否減息？減幾多次息？

現時聯邦基金利率目前範圍為4.25%至4.50%。根據美國聯儲局喺2024年12月的會議中公布的預測，2025年預計將減息兩次，每次減少25個基點。不過新總統上場，關稅調整等因素，通漲的確有機會重臨。所以減唔減得都係未知因素。聯儲局通常在每年的單數月份都有舉行例會，Study左大眾預測後亂咁估下，2025年的減息可能會發生在以3月或者5月的會議中減息。

利率期貨顯示減息可能在首季或年中

根據「芝商所FedWatch工具」利率預測顯示，1月減息的機會只有10%，3月減息到今日顯示都仲有五五波，所以你做Mox今期嘅新資金推廣就要高度注意第一次減息月息究竟會放係邊個月。今期新資金推廣係去到5月頭，由參加起計130日左右。當佢真係首季減一次啦，都只係過左存款期嘅一半多啲時間。按最近兩次Mox嘅息率調整，一減息Mox大概率跟住減多0.25%，絕對好影響你全期回報。所以真係唔好稔住見到廣告年利率5.15%就衝，稔清稔楚先去碼。如果你放係Mox個舊錢低過要維持嘅新資金嘅金額，隨時比人DQ。當佢定期咁玩好啦，預多少少錢做任務。整個計劃需要注意地方可以睇呢度。

如果你未有Mox戶口，又想開返一個依家仲有限時Mox開戶額外獎賞。多多支持！

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 01/01/2025 by 蛋黃視野 ***