最紅簽賬獎賞 2023 – 食肆/旅遊/家電商戶

幾時都話匯豐信用卡推廣係最好嘅，啱啱完咗雙倍最紅自主獎賞推廣優惠。佢今個月開始又推出一個最紅簽賬獎賞，憑滙豐信用卡累積合資格簽賬滿港幣8,000元，係指定商戶簽賬可享額外3%「獎賞錢」回贈！最高可享額外$300「獎賞錢」。最重要佢呢個優惠連Red卡、Visa Signature卡同Everymiles卡都係合資格信用卡之一！即刻睇吓可以點樣玩！

推廣優惠基本背景資料

推廣期：2023 年 5 月 1 日至 2023 年 6 月 20 日
回贈期：2023 年 9 月 30 日或之前存入
登記：Rewards+ App. / 附上此推廣的條款及細則。

• 本地餐飲簽賬於本地餐飲單一簽賬滿港幣300元的交易。
• 指定旅遊或電器商戶簽賬於以下商戶單一簽賬滿港幣1,000元的交易。
  指定旅遊商戶包括：國泰航空、新加坡航空、加拿大航空、英國航空、全日空航空、日本航空、長榮航空、Agoda、Expedia、Hotels.com及Trip.com。
  指定電器商戶包括：百老滙、豐澤、蘇寧、衛訊及友和YOHO。

HSBC Red卡 – 高達7%回贈

如果你暑假即將去旅行，又真係差唔多時間可以訂酒店啦。Red卡本身網上簽帳4%回贈，再加埋呢3%就可以雙食，一共有7%獎賞錢回贈。同埋佢呢期同Hotel.com做緊85折優惠（『優惠碼15HSBCHK』），要用左手邊指定連結先用到！（如果無哂85折，仲有89折『優惠碼11HSBCHK』），真係抵上加抵。仲有部份家電商戶嘅網上簽賬都係目標之一。

HSBC Visa Signature卡 – 高達6.6%回贈

一向都知蛋黃嘅最紅自主獎賞係揀賞家居，咁啱佢呢期做嘅家電指定商戶繼續有豐澤、衞訊、百老匯等等。最紅自主獎賞最高回贈3.6%，再加埋呢個推廣嘅3%，已經有6.6%喇嘅獎賞錢回贈啦。用呢個推廣買iPhone/電器就一流啦。

HSBC Everymiles 卡 – 高達8000里回贈！

如果儲開里數嘅話，用呢張卡做呢個任務都算係極抵，基本已經有1%嘅獎賞錢回贈，再加埋呢個推廣嘅3%回贈，最高獎賞錢回贈已經可達4%。簽1萬蚊，可以有$400獎賞錢，但係唔好忘記呢張卡400獎賞錢已經可以換到8000里數㗎喇！Asia Miles按價值$0.1/里，係值$800。按現金價值計呢張卡嘅回贈力度係最高㗎！

借定唔借？還得到先好借！

喜歡❤️我地既內容👨‍🏫又想支持我地🙌，Patreon頻道已經啟動啦，想收到第一手資訊，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 23/08/2023 by 蛋黃視野 ***