渣打馬拉松高息活期存款詳細玩法 – 4大重點解構 資金隨時調動。靈活自由

渣打馬拉松高息活期存款係現時市面上主流高息存款計劃之一。雖然有陣時定期存款利率會比呢啲計劃高，但有陣時突然想調動資金做其他嘢，活期存款嘅彈性就好大！見到大家好多時對呢個計劃都有唔同嘅疑問，今日就詳細解構一下渣打馬拉松嘅玩法同計劃中嘅常見問題。如果覺得資訊有用，開戶時手動輸入推薦碼『B3784600』支持下♥
渣打馬拉松 — 4大重點解構
  1. 渣打馬拉松高息活期存款 利率先低後高
  2. 可以以新資金同時開立多個馬拉松賬戶
  3. 馬拉松存款利息按日以複息計算
  4. 每月計劃更新 吸引可隨時轉會 靈活自由
  5. 渣打推薦獎賞計劃！
渣打馬拉松高息活期存款詳細玩法 4大重點解構

渣打馬拉松利率未會受到減息調整影響，因為推廣固是固定利率。
新增出糧戶口玩法詳情，即睇文章。

渣打馬拉松係現時市面上主流高息活期存款計劃之一。此並非投資產品，受存款保障計劃保障。雖然有陣時定期存款利率會比呢啲計劃高，但有陣時突然想調動資金做其他嘢，活期存款嘅彈性就好大！見到大家好多時對呢個計劃都有唔同嘅疑問，今日就詳細解構一下渣打馬拉松嘅玩法同計劃中嘅常見問題。

一月份嘅馬拉松存款 – 繼續平穩

如果想睇市面上幾間主流高息活期存款計劃嘅比較，按此。想留意吓最新嘅定期存款利率，按此。

渣打馬拉松高息活期存款 利率先低後高

講兩句基本嘢先，高息馬拉松存款每一期嘅計劃一般為四個月(有時會係五個月)。每個月嘅利率都會唔同，頭一兩個月嘅利率通常會比較低，第三個月同第四個月會相對高。每一期嘅計劃可以在第一個月任何時間開立戶口！所以喺第一個月月底開立就會最抵，因為縮短了低息嘅日子。輕輕提提：存港元又得，放美元都得。

可以以新資金同時開立多個馬拉松賬戶

首先開立渣打馬拉松一定要用新資金，而新資金就可以參考條款中嘅定義，如下：

新資金是指在開立指定戶口當日及前4個工作天由其他銀行存入合資格客戶於本行戶口之資金

雖然條款入邊講要有幾日冷靜期先可以再次存入，不過你可以試下同一日即出即入，會發現意外驚喜。任何新存入嘅資金都會當你係新資金，唔洗問客服點解，自己試左先。注意返，喺渣打每日用網上轉出資金，上限應該係130萬。做法：一般轉賬(已登記戶口可以去到100萬)+SC Pay (每日上限30萬) (當然仲可以用eDDA喺其他銀行發起提款)。

由於開立左馬拉松戶口之後，都唔可以再存入新嘅資金。每當有新資金，你只可以開立新一個馬拉松戶口。暫時數目上未見有上限，每次出糧後都可以入啲錢入去！當馬拉松完左之後相關戶口都會隨之結束。

馬拉松存款利息按日以複息計算

條款及細則入邊都有講到渣打馬拉松利息係點樣計算，計算方法如下：

港元指定戶口內之總存款結存，以每年365日或366日(閏年)為基準按日以複息計算。

咁即係點呀？即係每日都計息，每日嘅息會利疊利咁樣上。不過，利息只會在每月最後一個工作天入賬一次。大家可以用返渣打提供嘅馬拉松計算機，去簡單計返究竟我嘅資金擺全期可以獲得幾多利息。

每月計劃更新 吸引可隨時轉會 靈活自由

一般開立高息馬拉松會在當月月尾開立，咁樣就可以確保最高嘅存款利率！但開咗之後，見到下個月嘅利率仲吸引，可以點算？計啱數，即刻轉走，再入返錢做返新一個月嘅計劃。講明活期，提早取回/轉走資金就冇任何懲罰！唔會有額外懲罰之餘，都唔會影響你之前存放日子嘅利息，到月底一樣會派返俾你！計劃中講明佢嘅利息係每日計算。

不過注意返，如果當月開立有額外現金獎賞送的話，嗰啲就真係要擺足全期先可以領獎。大家只要係SC Mobile App開立就得架啦！以下圖片擷取於渣打官方網頁，戶口開立詳細步驟可參考官方網頁。

渣打推薦獎賞計劃！

  • 如果你已經係渣打嘅客戶，但又在過往12個月未曾開立過渣打馬拉松儲蓄戶口，歡迎使用以下推薦連結(馬拉松存款)開立儲蓄計劃。
  • 如果你未係渣打嘅客戶，則可以用推薦連結(開戶)開立新嘅渣打「優先理財」/ 「Premium理財」/ Easy Banking戶口。被推薦客戶獎賞可詳閱官方網頁，記得睇左條款及細則先。
  • 如果要手動輸入推薦碼為『B3784600』，使用以上推薦後歡迎告訴我^^!

如果大家對以上渣打馬拉松高息活期存款計劃有啲咩問題，都歡迎大家一齊交流吓，留言比我！

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 13/01/2025 by 蛋黃視野 ***

84 Comments

  1. 我有渣打戶口，12個月內曾經開過高息馬拉松戶口，如果我今個月申請開高息馬拉松戶
    口並用你的推薦碼，那請問我是否只有高達4%存款年利率？

  2. 如果我未係渣打嘅客戶，用你的被推薦客戶申請獎賞Smart信用卡: 額外HK$900現金回贈+迎新禮遇HK$800現金回贈，請問怎樣可以得到額外HK$900現金回贈?

    • 全新信用卡客戶就有額外$900，回贈都係由渣打直接出比你! 首季申請，獎賞會在2025年9月30日或之前存入給你。T&C第9頁有提到。謝謝你

      • 謝謝你回覆，再問如果1月6日先申請新渣打Smart信用卡批卡迎新後，2月28日再Fps$4萬申請新馬拉松戶口放入，手續費全免？派息多少？由2月28日至到25年5月6日期間提早轉走資金剩下$10000，到期會否派返全部利息俾我？

        • 渣打信用卡首四萬蚊套現係完全唔洗手續費，但係你要跟返月結單日期還款，放唔足3個月！
          馬拉松期間走錢無問題，利息按日計算，每月發放。

          • 如果當月開立有額外現金獎賞送的話，嗰啲就真係要擺足全期先可以領獎。請問渣打信用卡：額外HK$900現金回贈和馬拉松戶口有冇關係？

          • 信用卡同馬拉松戶口無關係，兩個獨立Programme。
            如果當月開立有額外現金獎賞送的話，嗰啲就真係要擺足全期先可以領獎。>>>有時馬拉松存款會有額外獎品。早前個月都係送迪士尼晚餐。

  4. 想知道個easy banking開戶獎賞，如果我拎晒啲錢開馬拉松戶口，佢係咪都當我有維持到不少於HK$10,000戶口總結存至指定日期？

  8. 在創興銀行有美金，如果想轉到渣打，做完馬拉松再轉去創興再轉返去渣打，有咩方法唔洗比手續費之類。跨行轉帳美金似乎唔容易，但又唔想匯來匯去蝕差價。

    • 創興真係無COVER到，所以都唔係太清楚
      不過香港轉美元都係CHATS / 美元支票等方法。
      渣打優先理財CHATS匯入應該就係免手續費~

  9. 已落咗你個promo code

    第一次做馬拉松，由依家至到25年2月3日，期間係咪唔可以調動啲錢先攞到自助餐獎賞㗎？

    • 對呀~ 如果想食自助餐就唔好在２月３日或之前提款~
      其實如果你部分提款，你可以其中一個馬拉松戶口維持1.5M，然後再開另一個做埋尾數。咁尾數戶口隨時調動都唔怕！

      謝謝你支持~

  11. 已用推薦碼，但用咗都睇唔到有咩分別喎？官網又話會高息d嘅😅

  21. 請問存美元是不是比較好？因為有4.8%? 是否仍然可以用你的推廣碼？謝謝

  24. 想問我可唔可以等第三個月高息嗰陣再入多啲錢？定舊錢只計我第一個月入嘅錢？

    • 不可以第三個月先入。渣打只可以係開立個一刻入錢，其他時間都唔可以再入。新入嘅錢要再開一個新馬拉松。

  26. 如何取消活期/提前取回？
    係咪我自己轉走晒所有資金就當係取消？
    謝謝

  28. 1. 請問馬拉松的利息 都有得收息嗎?
    2. 請問當一個戶口內的總值因曾提款而少於1萬, 息率依然會跟計劃中的利息計算嗎?

    • 1. 按日以複息計算，即係每日嘅利息已經息疊息計左比你了
      2. 唔肯定XD $10000只是開戶結存，按道理照計。準確答要問返CS了，謝謝

  29. 假如自己無記錄全期是幾多個月，最後一期利息又收到後，該活期戶口會自動把本金及利息一起轉回到自己最初支賬戶口裡？

  30. 請問開立左馬拉松戶口之後，期間可唔可以拎走部分資金，餘下資金繼續係戶口到計息直到到期? 唔該!

  31. 見到小編有提到
    “雖然條款入邊講要有幾日冷靜期先可以再次存入，不過你可以試下同一日即出即入，會發現意外驚喜”

    換句話說, 今期馬拉從2月29日完, 我29日 轉出再即刻轉入 都會計新資金? thx

Leave a Reply

Your email address will not be published. Required fields are marked *