中信銀行國際inMotion戶口+大富翁存款攻略 – 高息活期存款首選 – 港幣美元人仔都有份 2025

LAST CALL!!!!! 唔知大家有無發覺高息活期存款利率有時真係仲好過呢個定期存款，因為可隨時走佬。半活期可以比大家一個流動性。大富翁過往幾個月嘅利率走勢可以喺呢度睇返。本篇深入講下中信銀行國際嘅inMotion戶口入面個個大富翁存款計劃，只要參加左你就可以享有額外存款利息，拍得住所有三個月嘅定期。呢個PLAN真係高息活期存款首選 - 新舊客戶都齊齊享用。如果覺得資訊有用，開戶時手動輸入推薦碼『1E7R7Z1』支持下♥

inMotion - 「大富翁」存款攻略
  1. 大富翁存款推廣年利率計算
  2. 蛋黃話你知玩 - 「大富翁」存款小秘技
  3. 「大富翁」存款101 + 精選常見問題
  4. 信銀國際官方推薦計劃 [活動已暫停]
inMotion戶口-大富翁存款五月份

[Last Call] Hibor急跌，最後清泉，快啲登記啦。
不論港元同美元大富翁一有競爭力，樂見信銀不斷進步！。推薦碼『1E7R7Z1』，詳情！

唔知大家有無發覺高息活期存款利率有時真係仲好過呢個定期存款，因為可隨時走佬。半活期可以比大家一個流動性。大富翁過往幾個月嘅利率走勢可以喺呢度睇返。本篇深入講下中信銀行國際嘅inMotion戶口入面個個大富翁存款計劃，只要參加左你就可以享有額外存款利息，拍得住所有三個月嘅定期。呢個PLAN真係高息活期存款首選 – 新舊客戶都齊齊享用。

大富翁存款推廣年利率計算

五月港元利率又升返少少，繼續維持港元、美元、人民幣大富翁！每一期嘅計劃年利率都係有唔同，平均利率都同大家計左，最新平均利率可以睇呢個表。要注意最低存款係港元同人仔都係$10000；美元$2000；最高存款係港元20M；美元2.6M。啱晒係大戶或者小資族嘅你，多多少少都做到！信銀早前將利率調整左令到三個月嘅數字都相對之前平均，值得欣賞！

港元不同時間點開立放至到期平均利率：月頭約3.30%；月中約3.43%；月底開立約3.60%。

唔好睇以為好低，記得！記得！記得要自己加埋港元0.25%基本活期利率！！！（信銀國際基本利率）美元基本利率少到可忽略。佢個推廣總利率係由額外年利率+基本活期利率組成，加埋絕對同三個月定期存款利率有得Fight！

蛋黃話你知玩 – 「大富翁」存款小秘技

做呢個計劃有啲位一定要注意，就係佢新資金個要求。如果想全年無間斷咁樣做，你就一定要喺每期計劃 (3-4 個月左右為一期) 完之前嗰一個工作天轉走晒啲錢（這個動作唔會影響你當月收益，講明係活期，當然係隨時可以提款走啦。咁提早搬走就只會冇咗自搬錢走後嘅利息，唔影響之前嗰廿幾日），咁樣下個月入返去先會當係新資金㗎！咁就可以做到全年無間斷高息存款。

另外，因為計劃入邊頭兩個月都係相對低息。我哋可以喺計劃嘅第一個月，臨近登記完結之前先至入新資金落戶口，咁樣我哋就可以避開第一個月嘅低息。咁個廿幾日啲錢擺喺邊度好？咁就睇吓邊度高息！

大富翁唔同馬拉松，只可以同時間JOIN一期計劃，要完左先可以JOIN第二次。近期嘅加碼大富翁推廣就離補左呢方面啲短處。

「大富翁」存款101 + 精選常見問題

1. 「大富翁」存款究竟係做緊乜？

讓你於綜合貨幣結單儲蓄戶口(「登記戶口」，登記後係APP個到會見到有寫住邊個係『大富翁』存款戶口）内的合資格新資金在推廣期內享有額外年利率優惠。你只需持有綜合貨幣結單儲蓄戶口，透過inMotion動感銀行或任何分行登記優惠，及於登記期內存入新資金到登記戶口，並可於推廣期內享有額外年利率優惠。

2. NEW! 信銀國際嘅新資金定義係咩嘢？

新資金是指當天日終存款結餘總額*減去上月最後一個銀行營業日之存款結餘總額的淨增長，扣減同一曆月內已享用新資金定期存款優惠之本金總額。

提提你！由於各種貨幣唔係獨立計算，記得有需要玩埋美元記得要同步玩，如果唔係新資金個數好易亂。

(*如當天為非銀行營業日，參考日則會是上一個銀行營業日)

3. 登記咗之後幾耐之前要入錢？截數時間係幾點？

登記後你仍可於登記期完結前可以繼續存入新資金到你的登記戶口內，合資格新資金最快一小時左右就會更新好的了。登記戶口內的合資格新資金金額將於登記期完結後時被鎖定，以於餘下推廣期享受額外年利率優惠。每一期截數時間同日子係推廣期最後一日嘅晚上10點(星期一至五)、下午6點(星期六)！最好就預鬆少少啦。

4. 定期存款同大富翁計劃互相影響點算好？

如果有港元同美金定期喺信銀擺緊嘅朋友要留意下，如果本身有定期存款，又同時參加左大富翁，定期到期可以點算？只可以等。因為定期到期如果提款嘅話會影響新資金嘅計算。唯一方法就真係就返定期存款都在月尾開立，務求令到完結日期同大富翁計劃差唔多。

信銀國際官方推薦計劃 [活動已暫停]

現時只有信銀國際官方的推薦計劃。由即日起至2025年3月31日，全新客戶*只要成功開戶及於30個日曆內成功存入HK$10,000或以上新資金，你可享有HK$200存款獎賞 (註2；T&C 3B)，仲可以參加埋官方迎新活動。大家只要開戶時手動輸入推薦碼『1E7R7Z1』即可，使用推薦碼後歡迎告訴我^^! 謝謝大家支持！♥

2025Q1 inMotion官方迎新活動節錄
inMotion官方迎新活動節錄。資料來源：官方網頁

*全新客戶指過去12個月內未曾持有本行之任何銀行戶口或信用卡或服務的客戶，記得睇左條款及細則先。

去年嘅加碼大富翁，活動已沒有了。加碼大富翁一般指在前一月份成功登記『大富翁』存款的客戶，你就係今個月可以獲得加碼資格。喺截止入錢之前都可以當活期咁樣玩添。最重要嘅加碼大富翁係同基本大富翁同期完結的，所以在計劃尾個日提款。之後個個月再回歸就可以繼續玩大富翁啦！

注意：加碼大富翁同一般大富翁係要用兩個戶口進行，並不能以同一戶口同時參與兩種大富翁。加碼大富翁唔可以同「出糧 plus」推廣一齊玩。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 13/05/2025 by 蛋黃視野 ***

415 Comments

  1. 想請問 “合資格新資金” 在5月30日鎖定後, 如果放在大富翁戶口存款額一直保持不變, 但將來在其他儲蓄戶口轉走左錢, 會唔會影響到大富翁戶口的計息?

  4. 昨天開戶，剛剛check左限額，已登記收款人一日得5萬（連小額1萬，total 6萬），要增加是否需要去分行搞？

  5. 你好，請問如果我昨天登記左$50000大富翁後，今日拎$10000走，會否影響到本月利息？

  6. 請問如果登記左大富翁之後，係第一個月內提部分錢走，會否影響新資金利息？

  7. 想玩6月嗰期大富翁, 戶口入面嘅錢係咪最遲5月30號走人, 另外有個定5月26號到期, d錢係咪應該5月30號先一齊拎走, 6月1號登記大富翁之後重新入錢?

  8. 想問下,”登記後你仍可於登記期完結前可以繼續存入新資金到你的登記戶口內”呢句係唔係指, 例如我5月20號入5萬,5月22號入5萬,5月28號入5萬, 只要係登記期完之前入晒, 咁呢15萬就計? thanks

  9. 請問如果4月參加左大富翁
    5月可唔可以入另一筆資金再參加5月既大富翁？

  10. 我4月30號參加左大富翁
    但同時又有兩筆定期5月到期, 如果拎走定期完果D錢, 會影響本身大富翁個利息嗎?

      • 請問會如何影響本身的大富翁利息？
        如果將定期完的錢留係大富翁的户口又會否影響大富翁利息？

          • 想再請教一下，新資金金額不是已經在參加大富翁的第一個月已經鎖定嗎？點解係第二個月拎錢走會影響利息？

          • 確實係鎖定左唔會再升，但可以跌！
            因為條公式大約係：當日結餘 — 上月最後一個工作天結餘。

  11. 好複雜睇完都唔明😞
    我唔好想新戶口係咪用你個推薦碼
    係咪要先登入😅
    幾時要將啲錢攞返出嚟

  12. 蛋黃老師想請教一下, 如果以今期計, 可否只做6月7月2個月, 或者只做7月一個月, 因為完期做晒利率不高, 謝謝

  13. 你好, 我想問清楚個玩法, 係咪真係可以當活期, 譬如我登記左今期, 我入20萬參加大富翁, 最終登記期完結亦被鎖定為20萬, 5月之後間中會拎錢出黎, 咁佢係咪計每日戶口結餘黎計息? 定係計每月最後一個銀行營業日之存款結餘總額黎計息呢?
    即係我可能5月及6月會每月提取5萬, 到7月活動完結日剩返大概10萬在戶口, 咁得唔得呢, 會唔會被取消資格?

  14. 我參加左大富翁港元二月份計劃(HKD500,000)，去到五月先完，想參加埋大富翁美金四月份計劃：
    1. 如果我於5月30日將港元計劃果50萬轉走，咁呢筆錢仲可唔可以變做新資金再參加六月份大富翁港元新一期計劃？會唔會受美金計劃影響？如果唔可以，請問有咩建議可以抵玩啲？
    2. 如果我經其他銀行將HKD200,000經FPS轉去中信銀行，請問點樣轉做美金參加大富翁計劃，係咪經app嘅「外匯」功能？有無地方要注意？
    謝謝🙏🏻

    • 1. 如果有資金離開信銀就會影響大富翁計息，可以參考T&C 10說法。建議所有貨幣都要同步玩，即係你６月先齊齊玩美金同港幣吧~ 暫時唯有做住馬拉松先
      2. 直接用inMotion唱做美金就可以啦，依家仲有額外回贈！

  16. 按今期計劃，係咪即係最遲7月30日要提款? 之後再等下期計劃
    同埋係咪得頭一個月存入資金先計利息? 謝謝

  17. 請問大富翁存貨合資格金額是否按登記時餘額為準？我在3月25日登記了大富翁，當時存款只有10,000，然後我在3月31日存款了200,000，合資格存款仍只有10,000? 謝謝

  18. 請問如果我參加咗今期大富翁6月30日(星期一)期滿，我想下期繼續做新資金，是否6月29日(星期日)提款？定係要計工作日所以6月27日星期五晚提款？謝謝

  19. 你好 , 如果我喺2月28號申請咗大富翁 , 完結日為5月31號 , 我想每個月入1萬元入大富翁 , 咁應該幾時取走資金 , 幾時存入金 , 去最大效益化個新資金 ?

  20. 你好，我今日想登記大富翁，登記完多左一個出糧plus，沒有見到大富翁，我係咪登記錯左？如果我成功登記大富翁的話，我今日入錢同登記期最後一日入錢的利息是否一樣？另外登記期後入嘅錢都唔計利息，係咪咁樣理解~謝謝你

    • 如果你成功登記大富翁，會收到電郵確認。在大富翁頁面會顯示預計利息，戶口旁會出現大富翁字眼等等。這些都可以顯示你成功登記。
      大富翁同出糧PLUS同可以同時存在(兩個存款戶口)。登記左，今個月全個月都可以入錢，月底前入齊錢就得! 早入錢早計息~

  21. 請問開立左大富翁之後，期間可唔可以拎走部分資金，餘下資金繼續係戶口到計息直到到期? 唔該!

  22. 請問, 我大富翁28/2已到期, 我能否現在轉走錢, 然後再登記參加, 到31/3再入新資金?

  23. i am not sure if i understand.
    I would like to open monopoly account, if i open today, when should i deposit the money? end of this month or first of April? Thank you~
    for your referral code, is that the sae as promo code? Thz

    • You should deposit the fund on or before 31/3 only and then you can enjoy extra rate between Mar to June!
      I’m not sure the exact wording in English during account opening. There should be only one entry can add the referral code! Please try.
      Thank you for your support!

  25. 交易限額設定每日轉賬總額6萬?
    請問有冇其他方法可以轉走幾十萬?

  26. 想問下如果今日開戶口並登記咗大富翁,同時做3個月定期,6月頭到期,呢筆錢都係計新資金既一部份?做完定期筆錢係咪可以係淨底個半個月多啲既時間食大富翁6月份既活期高息優惠?謝謝!

    • 完左定期個部分唔可以食大富翁利率~ 因為享受『高息金額嘅數』在本月底已經鎖定啦。
      其實大富翁唔建議同定期一齊玩~ 好難就得啱時間。
      最好就係同渣打夾先做馬拉松廿幾日(3%)，月尾一炮過去哂做大富翁!!

  28. 你好, 我既大富翁3月31日到期, 想請問如果想繼續下一期既話, 係咪要28/3拎走晒D錢? 謝謝!

  29. 請問今日開戶應該點玩法? 剛剛開了戶口係咪要立刻入1萬, 然後聽日开始當新資金?

      • 我今日先做，唔肯定有啲怕
        因為入咗錢落大富翁戶口
        但大富翁個版面個新資金資料喺下一日先更新嘅
        查詢過中信，但又喺定期嗰版確定到入咗嘅錢已經算新資金
        其實大富翁使唔使好似之前咁提早一日入錢呢

      • 我28號開戶入左1萬, 3月1號再加幾萬, 3月1號加的錢算不算新資金? 因為之後入的錢沒有顯示在大富翁帳戶裡面

        • 如果登記的是2月大富翁推廣，則只有登記期内(比如2月1-2月28日及之前)存入大富翁登记户口的錢才可享受額外利息，登記截止後再存入的存款部分無額外利息

          • 我3月1日入嘅錢唔計落2月大富翁，咁3月31號係咪拎返出黎4月1號再入返? 咁3月份有冇大富翁利息?

          • 2月大富翁最後入錢日期係28/2。之後入都唔會計。
            你可以今個月拎走哂，去分行停左2月個期大富翁，先可以再參加4月個期。
            3月有利息，但利息只計2月鎖定的金額。

  30. Hi~

    如果我想玩大富翁，咁應該係呢個月前登記戶口定下個月先登記？

  32. 你好~ 因爲上個月有額外年利率，所以我 24/1 join 諗住做一個月活期。
    Q1) 如果想參加 2 月份大富翁，請問我要於登記日 28/2 前還是 1/3 注入新資金也可以嗎？
    Q2) 如果可以 1/3 或之後入錢，係咪我現有果筆活期喺 28/2 先轉走，咁第二日存返就當係新資金？
    謝謝！

    • 你上個月入左個舊錢到期之後又玩唔到大富翁，一走又影響新資金計算。
      最好都係今個月清零，下個月先再登記大富翁吧!
      如果你硬要今個月登記大富翁，你原先個舊錢可以做定期。新入嘅錢要最遲28/2到賬

  33. 我參加左今期大富翁5月31日完，請問我係咪要響5月30日提走資金先可以當新資金參加下次新計劃？工作日係咪都包括非紅日星期六？新計劃最早（新月份月頭/月中/月尾）可以幾時入錢？
    另外我今日2月21日做左定期，5月21日到期，請問最遲要幾時提走資金先可以當新資金再做新定期？新定期最早（新月份月頭/月中/月尾）可以幾時入錢？
    謝謝🙏🏻

    • 如果你想六月接住玩~ 咁你就要在5月30號提款走。6月就可以再入返去!
      工作日係咪都包括非紅日星期六？是。但2025年5月31是端午節~
      新計劃最早（新月份月頭/月中/月尾）可以幾時入錢？隨你! 或者你可以考慮5月尾走去第二間做一個1個月定期，6月30日再回去信銀都得。
      5月21日到期嘅定期唔可以提款喎! 你一提款你大富翁個邊合資格資金會跌~ 你可以考慮30/5一併提款走。

      • 多謝回覆🙏🏻
        「5月21日到期嘅定期唔可以提款喎! 你一提款你大富翁個邊合資格資金會跌~ 你可以考慮30/5一併提款走。」

        唔好意思，想問清楚，我定期存左$135,000，另外大富翁存款而家係$135,000，假如我兩邊都保留到5月30號，上面回覆講嘅意思係到果日轉哂兩邊所有錢走就可以當新資金分兩筆再參加六月份嘅大富翁存款同另外做定期？

        我唔記得講開戶果陣有用到推薦碼，唔該晒🙏🏻

          • 可以回覆我嘅提問嗎？

            「5月21日到期嘅定期唔可以提款喎! 你一提款你大富翁個邊合資格資金會跌~ 你可以考慮30/5一併提款走。」

            唔好意思，想問清楚，我定期存左$135,000，另外大富翁存款而家係$135,000，假如我兩邊都保留到5月30號，上面回覆講嘅意思係到果日轉哂兩邊所有錢走就可以當新資金分兩筆再參加六月份嘅大富翁存款同另外做定期？

          • MISS左XD 是，30/5走，6月入返嘅所有錢都係新資金!
            如果大富翁利率較好，你六月直接做哂大富翁就可以啦! 做乜要定期+大富翁？

  34. 中信新資金計上個月總結
    例如我舊資金5萬
    用其他銀行再入5萬做新資大富翁，做完再轉返走舊資金5萬得唔得架？

  35. 請問一下，我新開戶，然後入左錢到大富翁戶口，咁係幾時先開始？係登記期後先開始計算利息？

    咁我由今日起擺係到啲錢係咪無計利臮？

  36. 想問下點樣提升fps轉帳上限，我見最高得20萬set，唔想分幾日轉走。。。tx!

  37. 你好，我定期２月頭已到期，但大富翁要到４月底先完，如果只將定期到期後既錢再開３個月定期，會唔會影響大富翁？

  38. 請問我去年11月登記，今個月是否可以27/2 拎錢走, 28/2重新再入做新一次存款?

  39. 如果我新開戶，只符合左邊，右邊(i)同(ii)都不符，咁我完全冇任何獎賞？

  42. 想問今日先開戶放新資金入去，趕得切大富翁戶口嗎?
    有咩要注意咁? 謝謝您！

      • 咁係咪一直擺錢到31/3號後拎走哂啲錢，4月時再入錢loop住玩咁?
        另你個code仲用到嗎? 謝謝回覆！

      • 您好蛋黃老師
        想請問一下, 我中信有戶口, 但係冇大富翁戶口, 1）可以用你嘅優惠碼嗎？2）我4月25號定期完結, 想否參加4月份大富翁, 要如何操作？
        謝謝回覆

        • 你已經有中信戶口就唔洗優惠碼架啦~
          4月25號定期完無辦法參加4月份的大富翁~ 因為大富翁要新資金!
          我會轉走佢! 過冷河，5月份再回來~

  43. Hi 本人已有中信信用卡, 未有銀行戶口, 想請教下:
    1. 請問如果現在有開戶迎新嗎? 我睇返官網寫全新客冇包括信用卡用戶。如果宜家冇開戶推廣的話, 請問預計甚麼時候會再有?
    2. 想請教一下大富翁及出糧PLUS的優劣, 之前聽過兩者不可並存
    THANKS!

    • 1. 如果你有信用卡就無辦法食迎食了。任何時間都唔得~
      2. 出糧PLUS係真活期可出可入的戶口，但息口就不及大富翁咁高!

  44. 打算用你個code開戶，入錢落去，再將筆錢去玩大富翁，想問下咁樣當唔當係“維持總結存金額“,攞佢既優惠？ Thanks!

  45. 想問下黎緊要31號前清晒大富翁入面既錢, 是否不包括股票及投資戶口內的錢?
    另外,我今日提早搬走大富翁內的錢, 就算加碼未搬走佢利息果度都自動變左0?
    1戶通內的”存款結餘是否都需清零? 謝謝

    • 因為加碼同大富翁都係計緊”新資金”，一提款新資金就會跌。
      如果你其他係固定唔會郁佢的話，咁唔一定要清零的。只不過下個月有個基數在底，新入的錢才是新資金。
      一戶通存款也計算的。

  46. 你好, 我想問問係咪即係好似定期?
    如果我放40000入去, 會有幾利息呀?
    謝謝!

  47. 你好, 我11月大富翁到期, 而30號係星期六, 請問係咪要29號拎走D錢, 12月再開始新一期? 謝謝

    • 可以星期六拎走，但係要早上~ 今個月清零，下個月就可以再入。
      你可以考慮29先轉去第二度，下個月30號再回去中信。咁就最抵玩~

        • 佢係今個月到期了。今個月一定要走資先，下個月入返先可以再變成新資金~ 因為中信頭一個月係好低的，所以盡量12月最遲個日先將啲錢入返去~

          • 咁12月尾先入，係咪變左下年3月先係最高息那個月？
            原本我以為1/12入返去，係2月會係第三個月最高息

          • 如果12月最遲個日（應該係30/12）當新資金再入，咁個日入支票得唔得？

            因為之前係11月30日係中信拎走左啲錢去第二度定期一個月，12月30日先拎得走喎

          • 中信已經改左新資金計算方法啦，即日就可以更新到，按CS說法最好用到賬時間計算!
            如果你30號截數前入票，31號下午就可以到賬，所以完美符合到你個時間線。
            按計算方法，下個月最後登記日期會係31號!

          • 可唔可以講下用支票轉走同轉入既經驗？啲日子時間點計會準啲🤣

      • 即係29號或者30號早上轉走, 都一樣會有今個月大富翁既利息? 謝謝!

  48. 我登記咗11月大富翁,但戶口冇錢。
    1.係唔係可以12月30/31號入夠錢,就會有每個月嘅額外年利率?
    2. 仲係我最遲要11月30號入夠錢,先有每個月嘅額外年利率?

    • 上一個留言回覆左你。再補充一下~ 你只要今日起入錢，都已經可拎額外年利率。
      最終計息金額會在29/11鎖定。後續可減不可加。

  49. 我登記咗11月大富翁，但係而家戶口係冇錢。
    我係唔係可以係12月30/31號嗰日入錢，之後一路唔郁到2月28號，就會有每個月嘅額外年利率？
    仲係我要11月30號入夠錢，一路唔郁先有每個月嘅額外年利率？
    謝謝！！

    • 注意!! 11月大富翁最後入錢日期係29/11，之後唔郁去到28/2提款走，3月又可以繼續!
      如果你過程中提款都可以，但計息金額會減少，亦都唔可以再入返錢。

      12月30日係11月嘅”加碼”大富翁截止日期。

  50. 你好，請教如大富翁於7月參加，11月31日完結，我在10月尾轉走大部份錢到其他銀行，在11月1號再入大富翁戶口，這些算是新資金嗎？

  51. 想要問一下如果我係7月個期大富翁係10月尾完(今個月)，咁我應該係10月29.30.31?邊日提走資金先可以再係11月當新資金參加？THANKS

  52. 如果我本身citic 定期10月初到期, 我提取後, 10月底再放入新登記既大富翁戶口, 是否當新資金? 謝謝

  53. 你好呀，想請教吓，我今個月先開戶第一次報咗大富翁。
    我依家「大富翁」戶口有20萬，換言之20萬係新資金，而呢20萬合資格新資金金額會係登記期完結時28/9時被鎖定。
    請問咁樣意思係咪我呢20萬一直放係戶口唔郁到12月尾都會享用到呢段時間每個月嘅額外年利率?
    另外如果我係登記期完結後即合資格新資金金額鎖定後(假設10月中)再轉走咗19萬，到12月先轉返19萬入戶口，咁當中有幾多錢可以享用12月嘅額外年利率？
    感謝~

    • Q1：放係到唔郁就得，每個月嘅額外年利率? >>正確
      Q2：1萬XD 轉走後合資格新資金即跌。
      信銀唔會咁著數XD

  54. 想要問一下如果我係6月個期大富翁係9月尾完，咁我應該係9月28.29.30邊日提走資金先可以再係10月當新資金參加？

  55. 你好呀！想請教吓：
    我依家的「大富翁」戶口有10萬，7萬係舊資金，3萬係新資金；另外剛登記了「大富翁加碼」戶口，呢度有2萬新資金。
    請問如果依家將「大富翁」嘅7萬轉去「大富翁加碼」戶口，係咪都可享受到加碼優惠利率？
    thankyou!!

  56. 加碼大富翁個戶口依家有2萬, 但合資格新資金只有1萬. (咁我係咪可以拎走1萬蚊去其他銀行?而又唔影響我依家中信個戶口?) thanks

      • 1萬係9月放入去, (有2萬係因為有1萬係9月2日到期的定期)如果拎走1萬做1/2月定期, 佢又唔比我選舊資金…..必須做新資金. (咁如果做新資 ,我覺得佢又會扣減加碼個總數), 唔好意思, 唔知你明唔明, 麻煩晒.

        • 你問我我就覺得系統就分唔到。本身定期就唔會在大富翁任何一個戶口內，完左先入返落去。依家調返去做定期我估就唔影響。
          佢T&C好得意~ 9-10月無就已享用新資金定期存款優惠作任何陳述，但11月先有~ 但你又唔係11月先做新資金定期。
          可以再問問CS ^^

          • 人肉測試咗，原本1萬的定期（9月到期果個）依家再做9月定期，都係計咗新資金）另外果1萬（9月先入落户口）就可以係加碼做緊新資金。thanks

          • 我就係有個朋友問中信, 原來是漏洞, 中信自己都知, 所以應該11月份會冇左LU

  57. 想請問大富翁加碼個利率, 我入錢果一日係咪只係得0.875% (因為中信要隔一日至係新資金)?

    同樣既道理, 如果我3/9 有10萬, 4/9 轉走左5萬, 咁我4/9 計3.475%既金額應該係10萬定係5萬?

    謝謝

    • 嘩，我真係無認真考究過XD 不過我估係用10萬計。因為T&C是話今日利息係用上一日計~如有錯誤歡迎指正=]

      每日利息將以所適用之額外年利率及登記戶口內的每日日終之合資格新資金計算。任何特定日子的合資格新資金是指上一個銀行營業日（「參考日」）之存款結餘總額減去登記大富翁存款月份最後一個銀行營業日之存款結餘總額的淨增長。

    • 我剛用了你的推薦碼開戶，官網寫1月31前開戶要在2月1至3月31維持指定的總結存額才可獲迎新回贈。咁請問係咪要2月1後存入的新資金才計？而家入計唔計？因為想做定期 (趕唔切登記大富翁) 。同埋總結存金額係計最後一天(31/3)定係指定期間的daily average? 我有筆55萬到期，諗緊點樣食最多既優新優惠。Btw, 很喜歡你們的post, 期期都有追 🙂

      • 不是，今個月都可以入錢的了，然後維持到31/3就可以啦！
        佢無寫明係計daily average，我認為是每天唔低過指定總結存。
        記得仲有個要求係做外幣交易或者申請信用卡～
        謝謝你嘅支持=)

  58. 另外想問下8月果個加碼，我9月26號前，係咪可以拎出又入咗（當一個高息活期）但，9月26號之後就唔好拎錢啦，咁先賺到佢最後最高息果個月？係咪咁呀，唔該晒，多謝🙏🏻thanks

  59. 我唔知咁諗啱唔啱 但如果有咩講錯請你指正 我7月30號前join 放最少嘅金額係戶口A(1萬) 再係8月1個陣申請多一個戶口B 參加加碼大富翁 之後先放10萬新資金又去B 咁我就可以有10萬蚊係最後個個月有7.28%年利息 而最初參加普通大富翁存款嘅1萬就有6.28%年利息 之後係完之前嘅一個工作日前 拎走晒啲錢 再係新嘅月份放返入去再參加下一輪大富翁

    • 戶口A已經在30/7截左數，唔可以再入錢。再入錢都唔會計息，只可以提款。
      戶口A在呢三個月都唔好郁先收到最多嘅利息。你想再入錢只可入落戶口B (加碼優惠)
      注意：戶口A同戶口B係按你當月參加嘅利率定。戶口B是低一點唔會去到7.28%。。
      過往利率記錄可參考: https://yolkinsight.hk/highrate-deposit/
      八月份加碼: T&C

  60. Hello
    假如我係7月30前join咗 並放10萬入去 呢10萬就會可以有大富翁嘅額外利息
    之後我再係8月30號前加多5萬入去 10月會係計第一個10萬嘅額外利息 定係全部個15萬嘅利息?
    再加埋我唔是太明加碼是咩意思 你當普通嘅大富翁戶口係A啦 我明白你講嘅要開多一個戶口B
    呢個B先可以係9月2號之後參加加碼大富翁 咁我本身A嘅錢又洗唔洗係參加咗之後轉去B先可以有額外嘅利息 定係又要一筆新資金?

  61. 請問一下 大富翁頁面嘅金額係咪就係我會拎到額外利息嘅金額? 我開咗個7月嘅大富翁存款 嗰日即刻放咗最低門檻嘅金額落去(30號之前) 7月31號又放更加多嘅資金入去 想問31號放嘅資金會唔會有額外利息？

      • 多謝你嘅答覆！但我已經miss咗.. 想問我而家如果拎返啲錢出嚟(今日9月2) 幾時先可以放返啲錢入去加碼大富翁到先可以當新資金 趕上下個截至日期 (9月30)?

        • 你7月31日入錢真係有啲難搞XD 因為你谷大左7月結餘月尾個結餘。所以無得搞，個一部分你可以考慮去第二間做了。
          佢新資金定義咁講：任何特定日子的合資格新資金是指上一個銀行營業日（「參考日」）之存款結餘總額減去登記大富翁存款月份最後一個銀行營業日之存款結餘總額的淨增長。

          • 7月join左大富翁，8月的加碼，係咪9月26號前要入資金，26/09之後入嘅（只計0.875)而冇咗2.8%。係咪咁？thanks多謝

      • 你好！請教7月大富翁，10月31日完，我31 號中午前轉走啲錢，咁係咪成個10月嘅息就冇左？因為我見銀行冇入帳利息。
        定係下個工作天11月1日先有？

  62. 請問大富翁加碼是咪會月頭先出現？
    即係我8月登記左入左錢 9月1先會出加碼？

  63. 請問如果在30/8中午登記及存入$50000到大富翁戶口， 是否可玩8月大富翁呢？因為我見戶口無update record. Thanks

  64. 加碼大富翁登記期過左之後 (即係今日)，如果之後中途拎左$，過一兩日再放番入去係咪都無用ga la?

  66. 你好 想請教以下問題:
    因為中信motion可以開兩個綜合戶口
    所以我想問
    如果我7月第一個戶口參加左大富翁存款(存款期係7至10月)
    咁我8月第二個戶口是否可以參加8月的大富翁存款?(存款期係8至11月) (非加碼大富翁)
    因為本身的大富翁存款利息比較高 而加碼大富翁比較低 所以會想參加大富翁存款 不過唔知咁樣是否可行?
    感謝!

    • 一般情況下唔可以同時參加兩個大富翁。個App唔會比你咁做~
      第二個合綜合戶口只可用作加碼大富翁/出糧PLUS！

  67. 因為我係放咗一萬入去,佢顯示我可獲取嘅額外利息金額係$91.44，咁其實同銀行新資金3.6厘差唔多，所以有少少疑惑🙏🙏

  68. 想問如果我8月登記左，擺左20萬落個大富翁戶口，之後轉走10萬去另一間銀行做定期，只要到11月尾之前唔郁剩低嘅10萬，都有平均4.4%？謝謝🙏🏻

    • 正確呀。（八月月底開立平均4.2%）金額多少唔會影響利率。不過頭一兩個月信銀都較低利率，如果你預咗會提早走嗰舊錢可以放馬拉松喎！

  70. 最後一個營業日中午搬走晒戶口啲錢
    但當晚十二點過後先派利息入戶口，但都係當最後一個營業日入數
    咁戶口咪清唔到零，唔可以最大化下一期新資金？

    • 想請問係咪要係大富翁存款擺夠一個月先會有加碼大富翁個戶口？我係31/7開始玩，但仲未有個加碼戶口😢😢唔該晒！

      • 你是否7月份已參加左？ 你可以按大富翁ICON，一按入去會提你有加碼優惠。
        前題是你不能同時JOIN 出糧PLUS~

        • 我係31/7前參加+入咗一萬，但喺大富翁頁面完全見唔到有加碼嘅訊息😢😢😢

          • 我7月26日入嘅 有收過7月嘅額外利息

            請問加碼戶口係咪會有訊息/emaik邀請你申請？定係自動就有

          • 全世界都自動有的。正常就係一撳入大富翁LOGO就會彈出嚟。會唔會係你已經JOIN左出糧PLUS？如果再唔確認就問問CS！

  71. Hi~想問問正印大富翁已經截數，咁係咪唔使理佢，之後8月尾前直接擺新錢落加碼度就得？
    擺完兩邊都唔使理一直到期為止？

  72. 你好, 今日先剛剛發現, 應該已經JOIN唔切呢一期大富翁. 錯過左係咪等下期比較再睇比較著數?
    本身自己未玩過呢D PLAN, 現有約90萬想拿來活/定期, 現在有冇咩最好選擇及建議?

    • 對呀，已經趕唔切今個月了。如果想做活期就可以考慮渣打馬拉松/MOX都抵丫，簡簡單單唔洗點做任務。

      • 介紹既3,4隻活期其實係咪入左錢唔郁先賺到盡, 變相同定期係一樣?
        係咪第1日入錢多少會決定最後賺幾多? 如果係, 咁期間如何我返工出糧想錢加碼係咪都唔得冇得賺息?

        • 真活期只有大新360 / DBS eSaver ($200K或以上部分)。其他高息活動都係有受限制活動能力。
          中信大富翁+加碼大富翁可以解決你出糧加碼嘅痛點。
          馬拉松就你有錢隨時可以再開。

          各種PLAN都有唔同限制。但唯一同定期最大分別係，提早走人無罰又拎到利息。

        • 想請問我馬拉松係9月2日到期,我想提早幾日轉錢去9月大富翁,咁會唔會影響到馬拉松利息？同埋我應該8月幾號要轉去大富翁？謝謝

          • 唔影響之前日子的利息。不過你要留意你是否要拎額外獎賞喎。你個期夠指定金額應該可以有$800 BONUS。要拎BONUS唔可以早走呀。
            最遲要8月30日入錢去中信~

  73. 請問有份大富翁7月到期，如果7月29提走，係咪都唔可以31號入返再JOIN返7月份大富翁 ?
    AND 如果唔得，咁就要JOIN8月，咁8月咩日子入錢先會當成新資金 ?

    同埋想問埋我有筆錢同樣喺信銀做定期，8月頭到期，
    咁如果到期後想同以上果舊錢一齊做大富翁，咁定期戶口筆錢可唔可以當成大富翁嘅新資金 ?

    • 你個計劃未到期，所以唔可以再玩7月。7月31日走，8月1日入返就當係新資金架啦。
      有定期就麻煩啲了。因為個舊錢一直都在信銀戶口內，所以要定期金額以外嘅新資金先可以玩大富翁。
      你個舊錢一係繼續定期，一係8月走哂，9月先再參加大富翁。

      • 謝謝回覆
        想問咁如果大富翁果筆錢用來繼續做8月大富翁，定期果筆預計到時9月有8月加碼玩，咁又得唔得呢？

        又或者等埋8月定期結數完，兩份一齊參加9月大富翁 咁得唔得呢？
        感覺上好似第一個方法好啲

        • 方法一唔得呀，因為舊錢在七月底一直在信銀，所以要拎呢一日嘅結餘做對比。你唔可以喺八月攞走定期筆錢，然後九月先入返。因為會影響你八月新資金計算。

          就咁睇，暫時好似只可以八月清零，九月先入返去。可以調去其他銀行先丫，渣打馬拉松短期啲利率都唔差，就啱日子再返返去做大富翁。

  75. 未玩過大富翁，請問如果我呢個玩法有無問題?同屋企人一齊玩。

    (1) 7月我登記大富翁，7月尾入錢，8月-10月大富翁，10月30日取錢走(定10月31日)，留1萬做最低結餘
    (2) 10月我家人登記大富翁，10月30日入錢，11月-1月大富翁, 1 月30日取錢走，留一萬做最低結餘
    (3) 1月我登記，1月30日入錢，2月-4月大富翁，4月29日取錢走，留1萬做最低結餘
    如此類推

    另外，
    (4) 我想玩埋出糧PLUS，是否應該申請大富翁時同時申請出糧PLUS，每個月常行指示過數入中信，做足一年就可以？
    (5) 我家人就等10月申請大富翁時再申請出糧PLUS，同時食埋推薦人贈？

    謝謝。

    • (1) 因為你同屋企人玩，所以10月30日要轉錢過去。唔一定要留一萬結餘，可以是零。
      (2) 10月30日入錢。留意1月尾好幾日係紅日，估計1月27日係大富翁最後入錢日期。
      (3) 1月27日入錢，2月-4月大富翁，4月29日取錢走
      (4) 申請信用卡要轉足一年錢。唔申信用卡第6個月就出BONUS。T&C 5
      (5) 可以的。

  76. 你好, 唔太明白 “加碼大富翁” 玩法 意思係完咗唔拎啲錢走 繼續留喺度, 7月8月就有3.675%+0.875% 嘅活期利率? 咁咪分分鐘抵過轉嚟轉去? 謝謝

    • 如果你六月登記左大富翁 (戶口1) 就係上月嘅大富翁利率。
      今個月你玩加碼 (戶口2) 就係加碼大富翁利率。
      戶口1錢不可以郁~ 你只可以入新錢落去戶口2~ 但戶口2你在截止登記日期(29/8)之前啲錢都可以自出自入~

      3.675% 已經包含0.875%!

  77. “由2024年7月2日下午6時至2024年7月30日下午6時，全新信銀國際客戶經以指定推廣碼「24MH01」於inMotion動感銀行成功申請開立綜合貨幣結單儲蓄戶口，存入HK$10,000或以上的合資格新資金並『登記大富翁存款』*（該筆新資金需維持至2024年7月31日，以銀行系統紀錄為準），符合資格可獨家獲額外奬賞！”

    Hello，想請問下如果7月5號用”24MH01″開戶+登記大富翁，然後等到7月29號先入HK$10,000去大富翁戶口係咪都會有額外獎賞？

  78. 請問加碼係邊度有? 我6月登記28號前入錢成功玩緊，但就唔見有加碼..

  79. 蛋黃你好！請問如果玩唔到加碼大富翁嘅話，淨玩到一般大富翁，息率會係幾多？謝謝你🙌🏻🙌🏻🙌🏻

  80. 你好，我6月尾完左大富翁計劃，喺6月29號中午時轉走哂啲錢。請問我依家可以參加7月份嘅大富翁嗎？同埋係咪先登記，後入錢？(sorry上次職員教我，但依家唔記得左）

    • 請問如果我本身join嘅大富翁存款7月底到期，我想之後join下一期8月嘅大富翁，咁我最遲幾時（30號定31號早上？）轉走舊錢？因想盡量賺多日7.28%利息，謝謝🙏

  81. 1) 請問我今日3/7喺app度開咗戶口想做大富翁，係咪要喺31/7前入$10,000，等8月有加碼大富翁時，喺31/8再入多D錢，就可以賺取最大利潤

    2) 再喺30/10前提取所有大富翁資金就可以再做新1期大富翁

    3) 大富翁同出糧PLUS係咪唔可以一齊做

    Thanks a lot~~

    • 1)今個月開立大富翁戶口只可以係30/7或之前入錢! 8月無得再加。但你8月可以玩加碼大富翁。
      2)提款可以在31/10進行，最好中午前轉走。11月用同一筆錢就可以參加新一期。
      3)加碼大富翁唔可以同出糧一齊。但普通版大富翁可以同出糧一齊。兩個獨立戶口。

      • 多謝你的解答！

        假設有10萬，30/7前入1萬落大富翁戶口，30/8前入9萬落加碼大富翁，係咪咁玩會有最大利潤

        Thanks

          • 咁係咪都係30/7前入1萬，30/8前入9萬落大富翁戶口?

            7-8月期間，9萬會放入其他銀行做活期

            Thanks

          • 你好，想問下我有筆定期8月頭先拎得返，新客想開大富翁戶口，如果我7月29號或前開戶口&放一萬蚊落去先，八月拎到筆定期再放落去得唔得？定係8月冇得再入資料，要過咗呢4個月先可以再玩? Thanks

          • 如果你今個月JOIN大富翁，下個月可以玩埋加碼大富翁。不過，平均利率可能會稍低少少。

  82. 想問加碼大富翁係咪同普通大富翁個戶口唔同?
    所以我係普通大富翁入左嘅錢係咪拎唔到加碼大富翁嘅息?

  83. 請問依家係咪未有新一期大富翁? 咁我係咪就算用左你個推薦碼都登記唔到大富翁存款?
    另一個問題 如果可以登記存入一萬要求係咪放入大富翁入邊都得?

  84. 你好, 想請教一下 大富翁加碼問題, 如果係5月個期做大富翁(5月-8月), 即6月3日開始可以大富翁加碼
    1. 我6月加碼咗, 咁請問7月可唔可以再加碼? 或者8月可以再加? 還是6月尾係加碼限期?
    2. 如果我6月加碼咗, 想係7月或者8月拎走大富碼加碼資金, 利息是否都係逐日計?
    謝謝

  85. 你好，想問下我6月尾完左大富翁計劃，但我無係6月29號轉走啲錢，今日想再做一個新大富翁計劃，發現推廣期已經過左，請問7月份有得做嗎？另外用現有資金又可唔可以做？還是我只可做定期？

    • 你無轉走啲錢，七月份都想玩大富翁就要用新資金先可以參加。但舊資金又唔可以郁..所以都係8月先再稔吧~
      如果一般定期無問題，現有資金低少少。

  86. 蛋黃你好！請問如果玩唔到加碼大富翁嘅話，淨玩到一般大富翁，息率會係幾多？謝謝你🙌🏻🙌🏻🙌🏻

  87. 我係中信有一個8月中到期嘅定期存款，而家有另一批新資金諗住做大富翁，想問8月中定期到期嗰陣定期筆錢如果轉第二間銀行，會唔會影響大富翁戶口收高息嘅金額？ Thanks.

  88. 新手一問 大富翁存款同大富翁存款加碼優惠係同一個人名下既儲蓄戶口定一或要兩個人兩個戶口互轉錢
    如果同一個人名下同互轉錢都算新資金？（即大富翁存款加碼優惠轉去大富翁存款）

    • 大富翁同加碼大富翁是在同一個人的兩個儲蓄戶口。
      第二個問題技術上的唔可能的。因為你登記左大富翁存款[資金已經鎖定] ，下一個月先有得做加碼[一定係要入新資金]。
      新資金係拎上月最後一個工作天作對比。

      • 都係有少少唔明 我早兩日入左大量新資金諗住玩6月既plan 7月有加碼戶口又唔當我係新資金？

        • 你應該已經參加左六月大富翁。如果你今個個有新錢入可以玩加碼。七月加碼大富翁嘅新資金係同六月最後一個工作天結餘做對比。

  89. 你好，想請教一下。
    我係中信有做定期，6月中到期。如果6月25轉走啲錢，6月28再存錢去大富翁戶口，算唔算係新資金？

    • 唔當~ 你要今個月全走，下個月入先當係新資金。你可以望望你5月31結餘係幾多，多過佢個啲就係今個月嘅新資金。

      • 想問加碼大富翁要如何申請? 點樣玩? 之前只做普通大富翁, 有申請出糧plus8 個月但已經無用到, thanks

        • 你另一個儲蓄戶口嘅仲有無顯示出糧PLUS個TAG？如果唔肯定你就要問問CS。
          如果你參考左上個月嘅大富翁，今個月入APP撳入大富翁頁面就會見到加碼大富翁架啦！

          • 你好，我inmotion內有綜合貨幣結單戶口hk$5(應該係銀行送）+ us$5000定期………現我想用hk$10萬開始玩大富翁活期存款，係咪登記咗之後30/7前入$10萬，31/10中午提走$10萬⋯⋯就可繼續玩之後嘅大富翁？我係咪淨係集中呢$10萬咁樣進出就可以？唔需要理會我戶口原有$5同埋us5000定期存款? 謝謝！

          • 對的。只要你其他資金唔郁。咁你淨係計算你個10萬港元就得。31/10走左你11月又可以繼續JOIN~ 無間斷。

  90. 我參加左3月果期既大富翁, 黎緊6月30號會完. 如果仲想做依期既大富翁. 見文章有提及完之前嗰一個工作天轉走晒啲錢. 但其實係唔係應該6月26就要轉走D錢?

    因為佢更新新資金要等一日, 6月26轉走 ->6月27轉入->6月28變新資金(6月28岩岩好係官網登記期既最後一日)

    如果係跟段文寫既就會係6月28日先轉走D錢,咁應該會趕唔切個登記期?

      • 咁假如我係第一次join大富翁個plan, 想join 6月份大富翁黎計, 登記期deadline 6月28日. 係唔係應該要6月27號就入錢? 因為新資金顯示要等一天. thx

        • 你好 我4月join 左大富翁 7月31號完 我想再join下個月大富翁 係咪要30號轉走晒啲錢？最好幾點前轉走？會唔會影響完結後嘅收息？

  91. 唔好意思，比較新手，打算開大富翁，以下假設性問題，希望你解答：

    假設已登記了五月大富翁，最後入$是10 萬，phase 1: 2%, phase 2: 3.2%，phase3: 7.28%. 但到加碼優惠，是否要入多過10萬在另一户口才qualify?

    另外加碼優惠的是指在另一户口新加碼嘅整筆存款，都可享有3.675% 至7月30日及4.075% for 31/7 to 31/8?

    • 加碼優惠會按你五月尾結餘做對比~ 唔一定要入10萬，入1萬或以上落指定戶就得。但前題係你之前個10萬無調走。
      第二條問題都啱呀。理解正確。

      • 你好，請教一下，我已參加上一期大富翁並在5月31號完結，請問如想繼續玩下一期大富翁，但我沒有在完結前一天轉走上一期存款，還可以玩下一期嗎？

        • 可以玩下一期，但係你嘅新資金要ON TOP你現有結餘加上去~ 咁現有結餘又唔可以走喎.. 一走左又會影響你新資金。

  92. Hi！我玩緊呢一期大富翁，請教你如果28/6轉走啲錢，想再玩下一期大富翁的話係咪只需同一戶口繼續就得？需唔需要重新開一個新戶口先可以玩下一期？
    同埋新資金即是要1/7入錢？
    謝謝。

    • 你玩緊五月個期大富翁？五月個期係八月先完。如果中間停嘅話要銀行先可以幫你停。轉走哂啲錢都唔得的。

      • 咁我應該係玩緊上一期，我嗰期係6月完結，今期原來6月已經開始咗，咁我係咪玩唔到？
        我可唔可以28/6走錢然後1/7再入錢繼續玩？

  93. 請問大富翁存款、加碼大富翁一定要2個戶口？但用app登記開戶只有一個戶口number，點開多個戶口？

    假設只用50萬，5月先登記普通大富翁，5月31日要入50萬做新資金？然後硬食6月、7月的低息，等到8月先有高息？中段時間，將呢50萬轉做定期又合唔乎合高息資格？

    • 一定要兩個戶口。當你獲加碼資格個時，你登記加碼大富翁個時會同你開多一個戶口。
      你唔可以31號先入，五月最遲入錢日子係30號。然後6月就2%, 7月就3.2%, 8月就7.28%p p.a.
      唔可以拎去做定期。因為做定期銀行會同你開一個定期戶口，啲錢抽離大富翁高息戶口。再入返去都無高息了。

      • 由2024年5月28日下午6時至2024年6月11日下午6時，全新信銀國際客戶經以指定推廣碼「24MH01」於inMotion動感銀行成功申請開立綜合貨幣結單儲蓄戶口，存入HK$10,000或以上的合資格新資金並『登記大富翁存款』*（該筆新資金需維持至2024年6月30日，以銀行系統紀錄為準），符合資格可獨家獲額外奬賞！

        想問下 係咪 係指定時間內 開左App入埋1萬蚊落大富翁， 個1萬蚊係咪要hold到30號， 因為諗住月尾先放錢入去 ， 中段時間擺喺Mox, 佢係計尾入到1萬定11號前？

  94. 我想請問你知唔知道官方獎賞嘅要求”維持總結存於2024年6月1日至7月31日”，係咪即係要擺足兩個月先有？

    總結存金額 對應的現金獎賞
    港幣 50,000 元至 299,999 元或等值 HK$200
    港幣 300,000 元或以上或等值 HK$400

    開戶日期(包括首尾兩日) 維持總結存於
    2024年5月1日至31日 2024年6月1日至7月31日

  95. 想問加碼大富翁係咪個個玩左4月份大富翁就有得玩？見app入面冇update thanks.

      • Hello 蛋黃
        打左去問了
        大富翁同出糧plus係唔可以一齊玩
        手多登記左都唔得
        要等3個月冇左出糧plus個tag先會玩到加碼

  96. 請問開inMotion戶口入推廣碼「24MH01」，之後係唔係入1萬去做大富翁存款就可以拎到禮物？

  97. 謝謝你有用嘅資訊!

    請問如果想係最後一日營業日先轉錢走之後當新資金, 但係inMotiob個轉帳上限每日fix 係$200k, 應該如何操作?

    thanks!!

  98. 有銀國際Motion信用卡當唔當全新信銀國際客戶? 有冇得join【inMotion 4月開戶大激賞】優惠?

  99. 你好啊～未玩過大富翁想了解下加碼大富翁係咩玩法？謝謝：）
    想問係咪即係如果我本身參加者3月大富翁，就可以喺30/5之前玩4月加碼大富翁？而加碼部份就係行圖表中果個息率？

    舉個好蠢嘅例（如果加碼大富翁喺5月都出的話）：
    只要我4月登記左大富翁，而佢5月剛好出左加碼，我又有筆錢入去就可以join埋玩加碼大富翁嘅息率？
    係咪咁理解？

    同埋想問從其他戶口入錢入中信inmotion 可以嗎？同埋有冇限制？

    對中信理解唔多 身邊冇咩人用
    唔好意思 謝謝蛋黃🙏🏻

    • 你嘅例子/問題都正確理解呀，如果你符合加碼資格個APP會見到，記得要有兩個唔同戶口。
      從其他銀行入錢一般係FPS，限制在於你轉出個間銀行限額幾多。
      中信都可以用eDDA係其他銀行扯錢入嚟，限制少。

      • 謝謝你～～明白🙏🏻🙏🏻

        另外都想問一問新資金嘅定義係點？
        睇左好多forum都唔係太明🙈

        • 新資金就係用上一個工作天結餘 減去 上月底最後一個工作天的結餘。
          以四月新資金為例，會用28/3做對比。

  100. Hello~
    請教吓利息係咪每日計？如果我6月28號轉走晒啲錢會唔會影響6月收息呢？
    Thanks~

  101. Hello! 想問問我岩岩join 左3月份，前兩日只係放左一舊比較細既錢，我可唔可以係最尾一個月之前lam盡佢，加碼放一大舊錢？定係一放就要hold住3個月有出無入？

  102. 你好， 我第一次玩大富翁，驚搞錯。
    我join咗三月份， 最後入錢日係27號，佢有三期分別唔同息率，想問我係27號前入晒錢等最後一期（即係6月）最後工作日out錢？定係要每一個月嘅最後工作日out一次錢？

    • 3月27號入左錢就唔洗郁架啦，直到6月尾。
      因為6月30日係紅日。所以要6月28/29日走錢，29星期六要早上。最安全28號。咁七月再入返錢就可以繼續玩。

  103. Hello~想請教下「大富翁」存款小秘技.
    我登記左3月份既大富翁plan,如果我6月29當日4點前轉走哂D錢,然後6月30再重新份返落個acct,係咪唔會影響我6月份既息,而又可以有合資格新資金for我join7月份既大富翁plan? Thank you!

    • 對呀，穩陣起見29/6星期六”一早”就搬走啲錢，到7月1日或之者先再入錢了。咁你7月份就可以JOIN新嘅大富翁PLAN!

      • 你好,請問加碼大富翁,我只有一個綜合戶口,兩個戶口進行,請問即係點操作呢？

        • 當你開立加碼大富翁之前，如果你只得一個戶口，會在開立加碼大富翁過程中新增一個新的戶口。App內會搞掂哂~

      • Hello~我29號一早轉走左D錢,之後7月1再入過,但今日個app都係顯示我冇合資格新資金,係咪以後我應該每期最後一個星期5轉走D錢會safe D呀? Many thanks!

  104. 你好 呢度唔係好明 － 你既文章寫：

    “另外，因為計劃入邊頭兩個月都係相對低息。我哋可以喺計劃嘅第一個月，臨近登記完結之前先至入新資金落戶口，咁樣我哋就可以避開第一個月嘅低息。咁個20幾日啲錢擺喺邊度好？咁就睇吓邊度高息！

    AND

    由今個月起，頭一個月唔想硬食低息又多一個選擇，大家可以泊係Mox Bank。”

    假設我參加登記2月份計劃，2月28號前要把新資金放入去- “頭一個月唔想硬食低息” – 點樣避開2月28號至3月尾即低息 (2.3%)？https://www.cncbinternational.com/personal/ebanking/inmotion/tc/offers/monopoly-202109/index.html

    • 因為整個計劃由2月1日起計至結尾共4個月的。我們只能避開2/1-28/2的低息日子。3月要硬食的。
      例如你D資金1月完結左，想繼續想參加2月份計劃，咁1/2可以泊係MOX食3%先。28/2就調返入去中信食大富翁！

  105. 請問我2月頭入左10萬 係咪只有中途提款 冇得中間再入多啲錢計多啲息?
    同埋得最尾個期可唔可以入30萬拎7%新資金?

    • 如果我無估計錯你應該JOIN左2月計劃？
      2月計劃最遲可以在28號入錢呀。在此期間(1/2-28/2)提款或入錢，完全無問題。
      28/2號截數日就係最後可以入錢的日子！
      在此日之後入的錢一律不作計算。

  106. 想問下2月份既加碼大富翁係咪當活期咁用4.025%日息 (3.2 + 0.875%)
    由1/2起登記至31/3內D錢可以自由出入個加碼戶口, 每日計息比客戶
    然後1/4-30/4就鎖戶口, 只可出錢, 唔比入錢
    我咁樣理解係咪正確?

  107. 你好
    我本身已經做緊大富翁
    想JOIN新一期的大富翁活期
    但是在APP按大富翁活期只會睇到本身個PLAN
    而冇新PLAN比我參加

    這個情況是否要親人另開一個新戶口再參加大富翁活期
    然後我將本身大富翁活期的錢轉去親人度
    咁就可以延續落去呢?
    但咁做會否被視為不是新資金呢, 雖然兩個不同戶口, 但資金是在同一銀行週轉?

    謝謝您!

    • 大富翁一定要完左一個PLAN先可以開新一個PLAN! 想同時開只可轉比第二個人做!
      另外，之前有人問過CS同一間轉賬都當係新資金。不過你最好都係同CS CONFIRM一下!
      或者你可以今日登記左，轉少少錢入去，明天看看新資金是否有增長!

      • 你好，我有興趣join今期大富翁計劃，睇完都係好多疑問。

        我現在有資金50萬
        想知應該幾時入錢？同入幾多錢才賺到最大息口。

        我覺得新資金部分太複雜，是應該在5月30號前入一萬，然後在6月尾前攞走，7月頭再入一萬，7月尾前擺走，8月頭再入剩下的錢，再在8月尾前攞走？

        謝謝解答

        • 你今個月JOIN~ 可以最遲在30號或之前入錢。最穩陣就29號存入，當然依家即刻入錢都得! 不過出現大把3%活期，所以正常嚟講月底先會走去入錢。
          呢個計劃唔會因為你存款金額大小，息口有所唔同。
          之後6-8月你就唔洗郁架啦~ 直至到去31/8或之前搬走啲錢，你9月入返落去就當你新資金，又可以參加新一期大富翁。

  108. 只持有中信銀行信用卡但沒有銀行戶口屬唔屬於全新客戶享有開戶獎賞? thanks

    • 條款入面提到：全新客戶即過去12個月內未曾於本行以個人或聯名名義持有任何往來、儲蓄、定期存款、證券或投資戶口之一般客戶。
      信用卡同戶口是獨立的，謝謝。

  109. 請問小秘技意思是否這個意思？

    假設我有10萬元，我於2月1號日登記。
    要求為：
    1. 存入HK$10,000或以上的合資格新資金
    2. 登記『大富翁』存款
    3. 成功完成一筆達HK$5,000或以上等值的外匯交易

    於2月29日，存入餘下9萬，待4月31日將全數取出，甘就可以賺取最大利溢，對嗎？謝謝！

      • 唔好意思，我應該係問今期。

        存款方式，是否這樣最佳？
        假設我有10萬元，我1月30日先入一萬。於2月29日，存入餘下9萬，待4月30日將全數取出，甘就可以賺取最大利潤嗎？

        還是，我一開始就需存入10萬！

        謝謝！

        • 請問 我上一期大富翁計劃，4月29號才到期，咁我點先可以join下期大富翁計劃？因為見佢個登記日只去到4月29

        • Hello~新手一問..請問我參加左3月尾果期大富翁，活動最後結算日為6月30號，6月30日朝我拎左出黎先發現果日係星期日假期黎，姐係咪其實我應該6月29日早上就要拎出嚟，下期先當新資金, 如果係甘既話，而家係咪就當左舊資金了…？甘如果係舊資料係咪要12個月唔擺錢落去戶口，出年先可以當新資金重玩7.28％高息？還是下下期大富翁就可以再當新資金玩？謝謝解答

          • 咁又唔洗等12個月XD 你今個月搬去第二間銀行收下息先，先清零。你下個月(8月份計劃)就可以用返同一筆資金繼續玩架啦^^
            無錯，你係遲左。你應該要在6月29中午前提款走~

      • 唔好意思，我應該係問今期。

        存款方式，是否這樣最佳？
        假設我有10萬元，我1月30日先入一萬。於2月29日，存入餘下9萬，待4月30日將全數取出，甘就可以賺取最大利潤嗎？

        還是，我一開始就需存入10萬！

        謝謝！

        • 你是說加碼大富翁？首先你要睇你合唔合資格。如果唔合資格只可以參與一般大富翁存款。
          如果係加碼版，今次存款期最遲係28/2。

      • 你好, 我今天登記了大富翁並存入了一萬，請問可否在31/5 即登記期限前一兩日才存入餘下的金額呢？還是要29/4前？謝謝你🙏🏻

  110. 想請問喺三個月內，存入戶口嘅資金都可以享有利息？定係頭一個月存入資金才計？thanks

  112. “你就一定要喺每期計劃 (3-4 個月左右為一期) 完之前嗰一個工作天轉走晒啲錢”

    依一期2月29號完, 即係28號要轉走D錢?

    • 11個期先係2月29號完。最遲29號收工時間就好OUT哂D錢啦！
      12個期係3月31日完。12月期要28號收工時間前就好OUT哂D錢啦！(因為29, 30, 31都係紅日)

      • 如果一月結束 我30/1 提款，玩唔玩到今期大富翁？一定只可以玩2月份果的？ 是否不可以同時玩2個唔同時期大富翁？ 謝謝

          • 請問我琴日28/2先登記，今日29/2先批到，參加唔到大富翁，咁我係咪唔好存錢入去呀？
            如果我存錢入去係咪得0.875%息咋？同埋就算參加唔到大富翁，咁我存錢入去係咪都拎唔到moneyhero個獎賞存？

          • 如果個戶口今日先批就做唔到今個月大富翁了。你應該明天先存款做三月份大富翁。
            MONEYHERO個獎無限你係登記二月定三月嘅大富翁計劃。所以你可以考慮登記三月的大富翁存款計劃以滿足要求。

        • 你好，用咗推薦碼開 inMotion戶口了，有啲問題想請教一下🙏

          1.想問官方推薦計劃，如果我做定期係咪都可以獲獎賞，定係一定要玩埋大富翁？佢仲有個要求要申請信用卡，請問申請虛擬卡得唔得，定係要實體卡？

          2. 我係獎賞go 任務申請虛擬信用卡叫我填優惠碼，填你個1O8H4L6又顯示不對，應該要填乜？唔填會冇咗乜嘢額外獎賞呢🤔

          • 1. 唔一定要玩大富翁呀。符合總結存金額條件 + 另一條件 (信用卡/外幣) 就可以了。 T&C

            2. 1O8H4L6 只係FOR 開儲蓄戶口推廣。如果你想賺埋信用卡額外迎新可以考慮經呢到。

Leave a Reply

Your email address will not be published. Required fields are marked *