信用卡年薪要求？免入息低門檻信用卡系列；學生、家庭主婦、無穩定收入都申請得！2024
有無發覺蛋黃講信用卡個陣完全無提及年薪要求？今篇分享一下蛋黃對信用卡年薪要求嘅睇法。即使你無入息證明，又可以申請咩信用卡？如果係低收入、學生、家庭主婦、無穩定工作嘅人士、Slasher等等一定要留意下免入息低門檻信用卡系列。
標示年薪非硬性要求 或可彈性處理
申請信用卡個陣，基本上一定有標示年薪要求。今時今日，年薪要求望下好了，如果你好想申請某一張信用卡，你有穩定收入，就算年薪達唔到標示嘅要求，都唔緊要。即管試下申請囉。今時今日部分銀行批卡已經好鬆手，有穩定收入，TU又靚仔，一般都要照批比你。銀行覺得風險可控就得。如果你本身有用佢銀行服務、出糧服務等，通通都係銀行考慮批唔批卡比你因素。
其實出面都聽好多CASE就算年薪同資產都達到要求，係唔批就唔批，所以喺我地唔知內部批卡標準個陣，完全覺得銀行批卡係睇心情。不過，其實就算拒絕左你都唔洗灰心，因為部分銀行也可以上訴。同埋如果真張卡真係唔批比你，你咪順便去拎下小福利，申請睇下自己最新嘅TU Report！大家即管為自己心儀嘅信用卡努力一下。
免年薪要求、低門檻免入息證明信用卡
以下揀左八張免入息同低門檻信用卡，當中好多都無年薪或者低年薪要求，甚至係特別優待學生。只要你係有張學生證就唔洗提供入息證明。點名嘅卡已經幫大家篩選左架啦！附上其中六張簡述圖，另外可即按滙豐卡官網介紹；MMPOWER介紹。
信銀國際Motion信用卡
寫個陣做左陣資料搜集，見好多網都寫有最低年薪限制，但官網又搵唔到。最後，問左CS Confirm此卡無薪要求！不過仍然有機會叫你提供入息文件。其實玩開大富翁存款嘅朋友戶口總有D錢，所以基本上都極容易批核。
AEON CARD WAKUWAKU
AEON卡人所共知極容易開嘅信用卡，經常行AEON嘅朋友都一定知，總會見過擺街檔叫你申請。當場填完表分分鐘最快半粒鐘就收到實體卡，啱哂咩文件都唔想交嘅人。
Mox Credit
Mox Credit完全無入息要求，一按申請即時知道申請結果，即批即用。如果有需要先會叫你交文件。唯一要注意嘅係你必須先成功開立Mox戶口才可申請Mox Credit。大家只要存$25萬存款入Mox戶口就可以無上限地有2%現金回贈 或者 任何消費HKD4=1里。
EarnMORE / WeWa 鑽石銀聯卡
EarnMORE / WeWa 鑽石銀聯卡最新已經沒有指定年薪要求，批得算鬆，反正應該都唔難，按客人的信貸情況批核。仲有學生都可以申請。EarnMORE全天候2%回贈，絕對係一卡之選，咩都唔洗煩。大學生要交學費都可以賺到回贈，稔唔到有咩理由唔用佢！繳費攻略在此。另外，WeWa係手機支付方面可以做到6%現金回贈，無分類別，總之拍卡就賺到。
- 此卡類別：Diamond Union
- 適用人士：學生 / 無年薪要求
- EarnMORE主要特色：所以簽賬全天候2%現金回贈
- WeWa主要特色：手機支付高達6%現金回贈
- 傳送門：EarnMORE詳情 / WeWa詳情 / 官網介紹
HSBC滙豐滙財金卡
HSBC卡大家點努力都要申請返張，因為滙豐卡一定係人生中必備嘅信用卡之一。年薪要求按次序應該就係銀聯卡/金卡年薪達6萬元或以上、Red卡12萬元或以上、白金 Visa 卡15萬元或以上。如果大家本身有用係滙豐存款/投資等，但又未到年薪要求，可以由Red卡入手試試申請。同埋，指定大專大學生用學生證就可以申請到滙財金卡 – 學生卡。
- 此卡類別：Visa
- 適用人士：學生 / 年薪達$60,000或以上
- 主要特色：可以參與滙豐全年不同推廣。
- 傳送門：官網介紹
中銀Chill Card
幾時都要提住，中銀信用卡要盡早申請！中銀信用卡會有年資優惠，持卡愈耐優惠力度愈高。學生都唔緊要，學生你又可以申請Chill卡，免入息證明，連中銀都向大學生開綠燈，中銀信用卡絕對係大專大學生18歲第一張要申請嘅信用卡之一。
- 此卡類別：World Mastercard
- 適用人士：學生 / 年薪達$150,000或以上
- 主要特色：網購及海外簽賬5%現金回贈，無下限要求。
- 傳送門：官網介紹
東亞i-Titanium卡
官網列出i-Titanium正常年薪只需要$4萬以上就可以申請啦，原來這張卡也有學生版，即係學生都可以申請。i-Titanium卡係今年最主要嘅手機支付卡，所以點可以少得佢呢？
恒生MMPOWER World Mastercard
如果你喜歡網上消費，間唔中又會去旅行碌卡嘅話就啱哂。旅遊同網購都分別可以有6%或5%回贈，不過要注意返MMPOWER唯一美中不足就係每月最低消費要有$5000或以上先可享高額回贈！
免入息低門檻信用卡系列小總結
以上八張卡入場門檻一啲都唔高，已經包括左一般日常需要。手機支付、網購、旅遊外幣都可以達到全方面高回贈，相信都已經幫到無穩定收入、或者仲係學生嘅你地。在消費同時賺取信用卡回贈，發掘信用卡創富機會。
借定唔借？還得到先好借！借錢梗要還，咪俾錢中介。
喜歡❤️我地既內容👨🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 05/12/2024 by 蛋黃視野 ***