證券戶口中閒置資金出路 – 貨幣基金自動申贖 – 富途現金寶、老虎錢罌、長橋證券 – 3053/3152主板上市港元ETF

今時今日嘅證券戶口服務多元化，即使係戶口入面嘅閒置資金，券商都會出盡法寶幫大家提升閒置資金嘅收益。特別在這個高息年代，閒置資金可以賺返年利率3-4厘息都咪話唔錯。交易方面，現時這些貨幣基金一般都會具備左自動申贖功能，無買股票嘅閒錢會自動買入低風險嘅貨幣基金，一買左股票會幫你贖回相關資金。此篇文章幫大家比較左富途現金寶(富途牛牛)、老虎錢罌(老虎證券)、長橋餘額通(長橋證券)收益。

現金寶 – 富途牛牛

富途牛牛嘅現金寶港元貨幣基金愈來愈多選擇，例如：泰康開泰、易方達(香港)及高騰微財貨幣基金等。每一萬元嘅日均收益隻隻都有些少分別。而美元方面則有係平安、大成同匯添富貨幣基金等選擇。應有盡有，總有一隻啱你瓜？以下揀左兩隻比較耐歷史嘅講講，近七日年化(07/04/2025)嘅利率回報，數據來自富途牛牛APP。開戶文章。

貨幣	泰康開泰	易方達
港元	3.14%	3.01%
美元	3.99%	3.92%

老虎錢罌 – 老虎證券

老虎證券嘅老虎錢罌近年都多左好多唔同選擇，例如華泰港元、平安貨幣、海通、招商嘅貨基等都有得揀。初初主打就係博時港元貨幣市場ETF類別A HKD同埋博時美元貨幣市場E基金類別A USD兩隻。就揀呢兩隻比較耐歷史嘅講講，近七日年化(07/04/2025)嘅利率回報，數據來自老虎證券APP。開戶文章。

貨幣	博時
港元	3.62%
美元	4.39%

長橋證券 – 特優管理費率提升回報

長橋都暫時只嚴選左兩隻貨幣基金比大家將閒置資金放入高息貨幣基金『餘額通』。『餘額通』有高騰微財貨幣基金A HKD及USD揀。近七日年化(07/04/2025)嘅利率回報，數據來自長橋證券APP。

貨幣	高騰微財
港元	3.39%
美元	4.16%

「餘額通」等同其他兩間嘅現金寶同錢罌，會自動申贖。客戶嘅資金可以存入去收取利息，同時可隨時用黎買賣股票，唔需要中間有額外操作。

貨幣基金自動申贖功能 自動管理閒置資金

綜合三間來看，看來老虎錢罌入面嘅貨幣基金分別係港元同美元所得出的回報是平均地高，主要因為其基本管理費率比較低。富途現金寶從資料來看管理費達0.65%，所以這可能影響最終收益的原因。以上三間券商除咗提供低風險嘅貨幣基金之外，使閒置資金嘅買賣動作係可以全自動進行買入同贖回。如果叫你自己去買入賣出，真心煩死人。貨幣基金自動申贖功能可以喺你帳戶有閒置資金嗰陣就會幫你自己買入，如果你要買股票或者其他產品，帳戶餘額不足嗰陣就會幫你自動贖回相關貨幣基金，避免產生利息。

貨幣基金類似活期存款，可以隨時買入同隨時沽出，靈活性高。咁好唔好將一大舊錢去買呢啲貨幣基金？暫時市面上嘅活期產品都幾多元化，回報也不比呢類型貨幣基金回報差。現時蛋黃買入呢類型嘅貨幣基金一般限於證券戶口內嘅閒置資金，務求唔好浪費一分一毫。唔好睇小個小小閒置資金，聚沙成塔，時間耐左回報一樣可觀。要注意嘅係，雖然貨幣基金屬於一個低風險嘅投資產品，但係買賣之前仍需注意當中嘅風險呀。

3053/3152.HK 主板上市可買賣嘅港元ETF

同場加映一隻可以係股票市場買賣嘅港元ETF – 南方東英港元貨幣市場ETF (3053.HK)。此ETF主要投資於長短久期結合的存款和優質貨幣市場投資項目，滿足資產流動性的同時目標獲取更高現金收益。佢喺交易所上市交易，散戶同機構投資者都可以靈活買賣。按照近三個月(07/01/2025 – 07/04/2025)股價升幅略計算，年度化回報率係大約係3.19%，基本上同港元定期存款利率更高。

除左南方東英之外，博時都出左一隻博時港元貨幣市場ETF(上市類別) (3152.HK)，此ETF回報率同上面個隻都差唔多的。按照近半年(07/01/2025 – 07/04/2025)股價升幅略計算，年度化回報率係大約係3.67%。博時3152買賣差價相對南方東英3053細，都算係優點之一。注意返兩隻資產規模有一段距離，所以自己衡量各取所需。貨幣基金操作靈活，隨時買入同沽出都可以，滿足大家嘅資金需求。

其實除左以上兩隻為人熟識嘅主板上市貨幣基金之後，主板上仍有其他選擇的，可以自己發掘下。

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 08/04/2025 by 蛋黃視野 ***