Citi Plus – Citi利息Booster高息活期存款 – 儲蓄年利率高達1.92%詳細玩法

高息選擇似乎無乜得揀啦！再推返Citi Booster戶口，任務相對簡單，小資族極啱用。

話說坊間高息活期存款戶口嘅選擇其實唔止渣打高息馬拉松存款同中信大富翁推廣個啲，仲有存在已久嘅Citi Plus戶口。五月港息急跌後，Citi Plus嘅活期利率變左全城至高活期存款，又要拎返佢出嚟用。Citi除左Citi Plus – Citi利息Booster高息活期存款，Citi戶口最大嘅賣點就係有時會有啲超短期嘅高息定期存款，係各間銀行之冠。Citi利息Booster高息活期儲蓄年利率高達1.92%嘅目標！

Citi Plus – Citi利息Booster高息活期存款背景

Citi利息Booster推廣期由即日起至 2025 年 12 月 31 日。

Citi版類似虛擬銀行的產物。因為戶口持有人唔能夠使用分行嘅銀行服務。主要賣點就係全自助，所有野都經網上解決。Citi利息Booster的Citi Plus客戶，合資格戶口內之首港幣300,000 元嘅每日存款結餘可享有基本利息和額外利息。呢類型嘅戶口好適合啱啱出嚟做嘢，又唔想俾定期綁住咗個資金流動性，資金唔算好多嘅小資族，大學生都好啱申請㗎。正所謂通脹猛如虎，你唔去做定期，都至少剩返個稍為高息嘅活期存款戶啦。Citi Plus戶口係一個真！戶口活口，逐日計息，資金可自由流動。本文帶你點樣去拎盡1.92%儲蓄年利率！

教你達成年利率1.92%嘅目標

任務懶人包，絕對比到主意助你完成$4000消費任務，仲有15%交通折扣嘅附加福利。

• 基本利率：0.42%
  躺平，咩都唔洗做就有
• 任務一：「儲錢」
  躺平，每月最少有25日嘅存款同投資結餘加埋夠$100,000。(+0.3%年利率)
• 任務二：「入錢」
  每月用任何方法入$10000去Citi利息Booster戶口即可完成。資金自由流動，入左又可以隨時走。(+0.3%年利率)
• 任務三：「碌卡買嘢」
  (自2023年6月1日起)只要用Citi旗下信用卡交易，買夠$4,000再用Citi Mobile App 撳幾下找埋卡數。(+0.3%年利率)
• 任務四：「投資、唱外幣或買保險」
  如果你無用開Citi投資同保險服務，最容易梗係做三筆達$1000等值港幣以上既外幣交易就可以啦。兌外幣又得，兌回港幣又得，任君選擇。(+0.6%年利率)

今個月完成任務，下個月嘅錢就可以享有儲蓄年利率1.92%架啦。以每月30日計算，打爆個戶口(放30萬存款)佢每月可以收到近$500利息。真活期，資金隨時調動。雖然不比大新、渣打個D好，但總之多一個資金泊岸嘅位置。

當您完成所有任務，您享有的基本利率加上所有完成任務所得到的額外利率，您共可獲得1.92% 年利率 。受Citi 利息 Booster 之條款及細則約束，請按此參閱。Citi 利息 Booster 戶口的利率將根據本行不時的決策而釐定。

Citi戶口小福利 – 特高定期存款利率

Citi嘅戶口都仲有一個特點，就係佢嘅定期存款利率，好多時都會比出邊其他銀行有個優勢。特別係一個月嘅定期利率，會跟貼Hibor升升跌跌。佢嘅定期利率人人都唔同，蛋黃都只係非洲人，利率屬於一般偏低個組。如果你係人中之龍，仲有機會中到一個特高嘅利率。記得Citi Plus戶口要早早開定，因為如果你見到高息定期利率先走去開係唔會趕得切，呢個戶口初期嘅利率係特別低，甚至顯示為零。

如果大家對Citi信用卡有興趣(要完成任務)，即刻去睇下最新迎新啦！

---

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 02/11/2025 by 蛋黃視野 ***