大新360°「易出糧」服務 之 高息活期存款教學攻略! 衝!

有無諗過活期都可以有4.4厘？文章就教你一步一步教你點樣達成! 你跟住我做，其他定期存款、高息活期存款、Mortgage Link戶口通通可以擺埋一邊先。大新360°「易出糧」服務活期存款攻略!! 絕對係首選高息活期存款~

大新360°高息活期存款教學攻略
  1. 2025年四月份大新360°「易出糧」服務
  2. 每月最高可得利率達4.4%
  3. 高息活期 - 四個任務
  4. VIP Banking 專享優惠
  5. 存款金額每月回報分析
大新360°「易出糧」服務 2025

02/06/2025：最新消息指好似都已經暫停左了。
誠意推薦參與此計劃。大家只要係在成功重新/新登記後＋成功出糧一次就可以架啦！任務隨時可以做。

2025年四月份大新360°「易出糧」服務

好消息！2025年四月份新登記/重新登記大新360°「易出糧」服務嘅朋友，利率同第一季個期/上期都不變，估唔到利率仲KEEP得住，有競爭力。現時最新計劃最高可獲4.4%年利率。雖然仲要做部分任務，但呢個計劃下嘅高息存款係好抵做，成件事係有數圍。想知點樣做就拎到4.4厘嘅利息？人人都得，繼續跟住下面就得啦！本項目任務有單次懶人包。

2025年4月計劃推廣期：2025年 4 月 1 日起至 2025 年 6 月 30 日。客戶可獲額外活期存款年利率至 2025 年 9 月 30 日。最新一期條款及細則，重新登記任務跟新客戶無異。

每月最高可得利率達4.4%

究竟蛋黃會揀邊間嘅高息活期存款，大新360°「易出糧」服務就係其中一間。(新舊客都得，舊客只要去分行重新登記出糧服務就可以啦；利率新舊客一樣)。車，出糧服務要搞到公司喎，佢呢個推廣就係連自己同自己出糧(自己轉錢比自己)都計埋(銀行按時付款服務方式SI / FPS出糧都得)，出糧冇難度！如果搵公司做自動轉賬出糧利率會高0.1%，不過希望個個都用得著，全文會以SI / FPS出糧討論。

以下嘅Case就會以SI出糧同埋做VIP Banking (VIP額外既0.25%年利率) 去介紹，如果做得齊佢嘅任務，佢嘅活期存款年利率係可以去到4.4厘。以呢個數嚟睇應該就贏大部分坊間嘅定期存款，高息活期存款，連Mortgage Link戶口都要企埋一邊。要獲得高息活期存款，當然要有少少付出啦。不過唔使擔心，極簡單！極簡單！極簡單！我會引導你究竟可以點樣做！

2025年4月份計劃大新360出糧戶口利率總結表

上一期完左嘅計劃，大家記得去分行重新登記先可以繼續享有高息服務。記得登記左，要出一次糧(入一次錢)先Activate到，當月就可以享有高息！安全起計，登記好可以致電上CS確認成功登記。Enjoy！

註：大新嘅基本活期存款利率為0.25%，港幣存款利率。

高息活期 – 四個任務

任務一：用大新多貨幣Master扣賬卡交易/消費滿$6000或以上。(此項目可DIY。)(扣賬卡回贈)(成本：$80-$120左右)

任務二：用大新嘅信用卡簽帳$3000以上，可以係零售簽帳，八達通自動增值，同埋繳費都可以。咁我當然唔係做零售簽帳。我會揀係付出少少成本做繳費，佢繳費嘅範圍可以好多㗎，精髓就自己再發掘下(配合其他卡免費套現用)。(繳費成本1%：$30)

詳細介紹：高達8%回贈汽車相關簽賬MyAuto車主神卡 / 大新Hello Kitty白金卡 粉絲必備信用卡

任務三：用網上銀行或者手機銀行做一些指定嘅交易。最易當然係做外幣交易，只要每個月最少做一宗(不可累計)交易額達$10000或以上就可以。你有需要可以揀你自己嘅貨幣，如我無咩外幣需要當然係兌美元。月尾買月頭賣，咁就可以橫跨兩個月了。(每月來回差價成本約$60，計多左架啦)

任務四：用大新證券App / 網上銀行最少做一宗(不可累計)股票交易達$30000或以上就可以啦。咁我哋做存款當然想將風險減到最低，你可以揀一啲藍籌股，上市ETF(免印花稅)，務求揀一啲波幅最低最唔會郁嘅Number (MMF)，去完成你嘅任務。(成本：佣金連存倉費以每月計大約$120)

VIP Banking 專享優惠

計計埋埋你每月成本$290左右，就可以獲得最多$6000嘅額外利息，當然睇返你本金有幾大。咁唔夠1M點算呀？點做VIP Banking呀？佢每個月服務費要$200。佢呢個服務費喺頭一年係可以豁免㗎。VIP Banking有額外既0.25%年利率(只要持有股票同當月使用大新信用卡就得，基本上同本身出糧戶口要做既任務重疊)，可以係每個月既月結單睇到自己係咪滿足條件。以下就係月結單上既字句。

大新360易出糧服務月結單

存款金額每月回報分析

咁以下呢個表就再同大家計吓，如果你有50萬，80萬，100萬、150萬，185萬(頂點)。每月嘅潛在回報究竟有幾多啦！其實只要擺50萬以上，扣除成本後利率都達3.5厘以上。已經好正值得去做。真●活期喎。

2025年4月份計劃大新360出糧戶口分項利息收入
2025年4月份計劃大新360出糧戶口分項利息收入

小總結：蛋黃認為大新360°「易出糧」服務絕對係市面上靈活度最高的存款計劃。如果大家發現打爆左之後個個月差少少先夠$6000，咁你就留意返如果當月只有30天，理論上要放多少少錢先打得爆。同埋月頭月尾如果係紅日，CUT OFF DAY都有機會影響當月利息計息天數。如果當中仲有咩問題同想法，歡迎留言或者係蛋黃視野FACEBOOK同我哋分享同發問。本項目任務有單次懶人包。

大新MyAuto車主神卡
大新Hello Kitty白金卡

快速連結在這裏
360°「易出糧」服務、VIP 銀行服務 (條款及細則)、出糧服務年利率計算機

2025年1月計劃推廣期：2025年 1 月 2 日起至 2025 年 3 月 31 日。客戶可獲額外活期存款年利率至 2025 年 6 月 30 日。最新一期條款及細則，重新登記條款及細則。

前計劃資料：2024年10月計劃推廣期：2024年 10 月 1 日起至 2024 年 12 月 31 日。客戶可獲額外活期存款年利率至 2025 年 3 月 31 日。條款及細則(2024年10月)。

另外附上2024年4月計劃推廣期：2024年 4 月 1 日起至 2024 年 6 月 30 日。客戶可獲額外活期存款年利率至 2024 年 9月 30 日。2024年4月計劃條款及細則(2024年4月)。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 02/06/2025 by 蛋黃視野 ***

107 Comments

  2. 任務四：用大新證券App / 網上銀行最少做一宗(不可累計)股票交易達$30000或以上.當月買當月賣嗎？如果唔係累積每個月要三萬蚊邊有咁多。

      • Thanks. 想問下任務1同2點樣最低成本做到？見payme top up唔計

        任務3 ，打左上中心話要每月1號起重新計，意思係5月31號買，第2日6月1號賣，5月1-30就無息計，除非月頭有做多筆？

        另外打左上去話所有錢都要擺支票戶口先計息🙈唔知有冇理解錯誤，但感覺擺支票戶口唔太安全

        感謝感謝

        • 任務2已經寫得好白! 任務1主要都係靠各種支付工具。如果都係想知點玩，可能要睇睇Patreon付費文章。
          所有任務只要在當月完成即可。全個月都計息。
          支票戶口同儲蓄戶口無異，都係一組號碼，一個戶口。要摒除偏見！

          • Thank you!
            CS話當月完成任務
            下個月先計息
            原來係錯架！

            啫係當月任何1日做任務，該任務既息會apply落當月既存款，會比足全個月既息，甘唔洗chur住月頭做哂佢😊

          • 謝謝蛋蛋, 我上到5月尾班車, 其實我都想再問清楚, 好似任務1, DEBIT CARD要簽夠$6000. 真係月尾簽夠就OK? (會計晒全個月既息?) (因為我去大新開戶, 佢又話要簽夠左$6000 DEBIT CARD果日先開始計? 我唔知有冇錯呢, 謝謝.

          • 對, 月尾前簽夠數就得架啦。不過你要留意係計誌賬日… 唔好30/31號先簽。要預最少兩至三天或以上！
            『佢又話要簽夠左$6000 DEBIT CARD果日先開始計?』 << 肯定是錯誤的。

  4. 想問下我玩完上一round大新出糧，去到12月完。今次想轉玩Mox, 想問走晒d錢去Mox, 係咪仲要keep 住個vip banking 等派息先cut 得？如果而家就cut 埋vip, 12月份利息會唔會少左？Thanks!

  5. 請問蛋黃知道VIP 0.125%「持有股票」如若在月底前全數賣出，會唔會就唔計? (即最少要留番一手帶去下一個月嗎)

  6. 請問推廣期 2024 年 7 月 1 日至 2024 年 9 月 30 日 的
    到期再續了嗎?

  7. 扣帳卡如果綁alipay，轉帳係4%手續費，如果做$3000任務（我係7月登記的）, 請問如何做到成本$60？

  8. 分行職員話今期VIP Banking額外既0.25%年利率(持有股票同當月使用大新信用卡)取消咗，唔知佢有冇講錯

  9. 請問之前有玩過出糧，今次係咪無得玩？
    見T&C 寫要22年7月後無任何方式出糧先算全新出糧客戶既？thanks!

  10. 想問下股票交易期間(即T+2期間)，
    出糧戶口結餘用於計息時，會唔會計埋被hold緊既around $30K?

  12. 唔係好明月頭月尾係星期日/假日既影響
    T&C話會計前一日既正數結餘，但無話會計少一日，係咪即係代表當日我舊$唔keep都無事，而分母照舊用番當月日數去除?

    另外，想問埋VIP既0.25%係咪唔計落每月6千既上限度架?

    • 佢只係講左月內嘅星期日點樣計算，因為我曾經試過唔夠數，打上去問過，話有機會每月嘅CUT OFF日子有影響。(都可以答案唔準確XD)
      佢無唔計數，但無講明係計今個月定下個月XD 如果大家發現唔夠數，可以循呢個方向去問下~
      不過我依家都無乜點理，我都會擺多少少錢，所以好少唔夠數了。

      VIP 0.25%無上限，不計$6000~

  14. 我做大新任務買etf 3152,但唔知點解，我買29手，大新係一手一手咁樣買，如果大新一日買唔曬29手，咁係咪我要比多$100交易費, 第二日再買？點樣可以唔要一手一手咁交易, 可以全部成交，或全部失敗咁？

    • 3152 1手=1股。其實你掛高少少買就可以架啦，你可以主動買入，唔好等其他人沽比你。
      一定要同一日完成呀。單一交易金額要達$30000或以上。
      你分左兩日就已經唔符合。你要再落一張單係29股。

  16. 想問下扣帳咭3000 ，用黎交費得唔得 (寛頻上網電話嗰啲)
    交水電差餉又得唔得?
    thanks~

  17. 啱啱開緊戶有幾個問題想請教

    1. 完成左每項任務有無地方好似citi咁睇到自己完成左

    2. 任務係咪月內完成就ok？例如7月頭擺左筆錢，7月尾先做晒任務係咪都計成個7月有效？

    3. 股票任務係咪計即日？例如我7月31日買入8月1賣出，係咪計晒2個月，駛唔駛計T+？

    唔該晒

    • 1. 沒有，但好似可以打上CS Confirm。但無必要，出漏左先追，有哂記錄。未試過出漏。
      2. 正確。注意，完成登記後記得要有出糧記錄啟動成個計劃。
      3. 之前CS覆計交易日，VIP BANKING個個計交收日~ 不過我唔會預咁炆搞自己。

  18. 任務二用信用咭做繳費。我未有信用咭，請問應該申請邊張先啱？請介紹一下。謝謝

  20. 我見T&C 中的 “12. 有關優惠將於本行錄得全新出糧服務客戶之首次合資格出糧交易後方可生效。” 是什麼意思 ?

    我本身是舊客, 前天已去分行填表續期了

  21. 信用卡繳款-請問用來繳其他銀行的信用卡卞數計算為有效消費嗎?

  22. 任務：轉數快5000
    會否引致誤會

    佢T&C的合資格出糧金額係10000（SI/FPS)
    如果自動轉賬出糧就5000另加（FPS:5000)
    對嗎？

  23. 想請教下：
    我登記左佢4-6月推廣，直至9月都計推廣利息

    而家7-9月,又做推廣，條款唔同左，咁你路唔落分行再登記，會係計舊推廣，定無左額外利息？

  24. 請問新增任務一（暫當成本$150）

    可以請解多一點嗎？$150怎樣計算的呢？
    扣賬卡消費，可不可以包括繳費的呢？

  25. 有無ETF介紹做任務4?

    係咪最好月尾買, 月頭賣

    我有一隻股票長放戶口，所以應該就算最後一日做買賣都可以有0.125%，對嗎？

  26. 想請教我下，佢總共分左3個戶口
    1.支票（強制出糧戶口）
    2.儲蓄
    3.證劵

    我睇啲條款，出糧一定要入落支票戶口
    咁如果有VIP 戶口，100萬
    1.是否要放晒落支票戶口才計算投放金額？還是儲蓄戶口也可以？額外利息是計算儲蓄戶口/支票戶口？還是兩個戶口的總和？是否不用理會儲蓄戶口？全部放進支票戶口可以了？

    2. 6月的任務做完後，額外利息是7月頭定尾出？

    • 另外我試左關於股票買賣
      VIP頭90名迎新免佣（佢話先付後回）
      但之後買30000蚊股票計算，佢而家買入同賣出都要收90蚊佣，即合共180蚊，未計存倉，點樣做到120？定係佢已經加左佣金價？

      • 一個月成本$90佣金+雜費 (存倉半年收一次/6) 大約$120 無計少的了~
        你唔會一個月做哂買同賣, 係一個月買, 一個月賣~

  27. 戶口方面
    如開you優易理才，可取得400禮券
    但如之後upgrade去VIP 存入新資金的奬賞唔同

    如放100萬
    全新VIP戶口有1000奬賞
    但如之後先由you upgrade上VIP, 奬賞只有600
    咁即係一樣？因分行$50的禮券都怕麻煩去攞

  28. 2024年1月重新登記果一批到今個月尾6月30就完😅師兄有冇風會唔會逐期？定係有咩打算🤔

  29. 1. 全新出糧服務客戶於有關月份之出糧戶口錄得合資格
    出糧交易及出糧戶口內的正數結餘需達 10,000 港元或以上方可享額外活期存款年利率如下。
    is that mean minimum balance needs to be HKD10,000 all the time?
    2. if I only have 10,000 balance and SI per month say HKD100,000, what’s the rebate it entitle? 0.9% of 10,000 or 0.9% of 100,000? Or nothing since other requirements not met?
    Thank you.

  30. 請問任務4，例如我3月尾買入股票，4月頭賣番晒出去，係咪都當3同4月完成咗任務？

  31. 出糧戶口用SI就做到？真出糧戶口和SI一樣利息嗎，另外有無話最低要出糧幾多？

    • 正確，登記SI出糧就得! 其實都唔一定係其他銀行設定SI，只要你每個月記得搵日轉錢入去就得。
      真出糧多0.1%。可見T&C第18項。

  32. 「舊客只要去分行重新登記出糧服務就可以啦」

    我係2023年10-12月份計劃推廣期join 大新360的，請問係咪繼續享有原先個利率？駛駛重新登記？🙏🙏thx

  34. 請問任務3&4 月尾買月頭賣，交易日&入帳日是否同一日？如否需要預早幾多日買？

    • 任務3,4應該係計交易日，不過VIP個0.125%官方答我係計交收後要持有股票先計(即T+2)。不過穩陣計我一般長期放1手做倉底同埋唔會咁炆先做任務。

  35. 請問最快9月尾先過到第一轉糧去大新（公司自動入數），係咪都趕等切呢轉推廣？係咪9月已有最少1%息？

    • 推廣期去到9月底！如果你確定9點尾可以轉到錢出糧，9月1號起都可以擺錢，同做任務架啦！可以去分行做登記。

Leave a Reply

Your email address will not be published. Required fields are marked *