DBS星展eSaver高息活期 – 簡單‧真活期 – 躺平最少3.275厘以上！現有客戶都可參與

Hibor急跌！eSaver已提早止蝕，七月份未見重生。

星展eSaver高息活期存款 [正式名稱：星展 e$aver] ，存港元得，存美元都得。現客嘅話，最新一期存款計劃（2025年5-8月計劃）基本已經可以有3.275厘起 (以1M新資金計算)，做任務多0.4厘。全套做齊最高可以達到3.675厘 ( 20萬嘅話最高可達3.625% / 5M可以去到高達3.85% )；美元則最高可以達到4.3厘。真。活期，隨時可出可入，玩法比其他銀行簡單。即刻同大家睇下！

市面上高息活期產品其實都幾多元化，再望吓星展高息存款計劃，星展eSaver。望吓望吓有幾吸引喎，於是就介紹吓俾大家啦，等大家可以多個選擇！

注意：DBS基本儲蓄存款年利率同其他銀行唔同，港幣基本存款年利率為如下。可請參閱官方網頁。：

• 存500萬或以上 – 0.25%
• 存100-500萬之間 – 0.075%
• 存20-100萬或以上 – 0.025%

1M躺平收至少3.275厘港元存款利率

星展eSaver [官方推廣頁面] 基本上每月就會有一個新嘅計劃，每個計劃大約維持三個月。只要喺優惠期間存款，該等新資金就可以享有額外利息。以下拎今期計劃重點講講！

• 推廣登記期：由2025年5月2日至2025年5月23日止。
• 新資金額外利息獎賞計算期：2025年5月2日至2025年8月6日
• 新資金對比日期：以4月30日存款結餘比較
• 入場門檻：最少要維持新資金20萬以上至完結日(最後一日一定要有)
• 港元利率：3.2厘 + 0.4厘做任務Level Up + 0.075厘基本利率 (以1M計)
• 美元利率：3.9厘 + 0.4厘做任務Level Up
• 派獎日期：額外利息將於2025年10月31日或之前直接存入戶口 (條款31)
• 記得要登記！名額有限，先到先得。網址傳送門。
• 提示：新資金計法是各種貨類獨立計算

如果你參加咗往期嘅星展eSaver推廣(往期嘅條款及細則官方網頁都可以搵到)，跟手啲錢搬去第二間銀行，只要你係4月30號結餘係$0，咁你就可以輕易接今期計劃啦！雖然寫住適用於特選個人客戶，條款及細則入面第二、四條列明左誰是合資格客戶，有懷疑都可以搵CS Confirm下你係咪合資格。另外，提提大家啲錢要放多種貨幣儲蓄戶口。同埋，港元存款唔同金額會係唔同嘅基本儲蓄存款利率，分左200K、1M、5M或以上；請參閱。

Level Up額外利息-最高可以多0.2厘

星展eSaver有一個位同其他存款計劃都好相似，就係你做啲少少任務就可以再多少少利息！計劃入邊面有兩項任務可以做，分別如下：

• 任務一 (Level Up +0.1%)：合資格外幣兌換
• 任務二 (Level Up +0.1%)：合資格投資交易 [新增證券交易都可以]
• 任務三 (Level Up +0.2%)：成為全新出糧客戶並透過自動轉賬出糧服務於港元出糧戶口收到一次轉賬存款。

不過由於兩個任務都比較難達成(成本高)，可參閱T&C 26-27項，例如任務一需要做單筆港幣100,000元 (或外幣等值) 的合資格外幣兌換交易，不包括任何兌換交易其買入貨幣為日圓(JPY)的交易。蝕匯率都蝕地，所以如非真實需要，兩個任務都好似唔太值得做呀。出糧又要搞到僱主，難！做唔做留返你決定了。

星展eSaver高息活期值唔值得玩？值！

玩星展eSaver存款計劃，跟住以上咁樣玩最基本應該已經可以拎到港元存款利率3.275厘 (以1M新資金計算)；美元存款利率3.9厘。整個計劃係真真正正嘅活期，可以隨時出入(20萬以上個部分自由)。同埋唔洗做任務就有3.275厘，仲可以去邊搵呢？所以值得考慮！美中不足嘅係現金獎賞係要完左之後三個月內先入比你，要啲耐性。同埋要注意嘅地方係整個計劃要維持合資格新資金至少20萬(最後一日一定要有)！唔夠20萬嘅話會俾人DQ。不過正路大家都會滿足到最低要求嘅，因為星展嘅戶口最低存款結餘係20萬。如果達唔到門檻要求嘅你，即睇其他高息存款計劃介紹。

如未能及時更新，最新計劃可參考官方網頁。

星展銀行基本港元儲蓄戶口所適用的儲蓄年利率請按此。推廣受條款及細則約束。
官方網頁體貼寫明左：利息以日息計算，而合資格客戶如未能於 2025年8月6日推廣完結時維持合資格新資金 HK$200,000 及/或 US$25,000 或以上將不合資格賺取獎賞。

星展豐盛理財推薦計劃

現時星展豐盛理財有官方嘅推薦計劃。由即日起至2025年6月30日，開立星展豐盛理財可享高達HK$29,800迎新獎賞。大家只要開戶時手動輸入推薦碼即可，開戶前可私信我/電郵我給你推薦碼，謝謝大家支持！♥

*「新客戶」指在推廣期內於星展銀行(香港)有限公司(「本行」)成功完成個人戶口申請表格或經 DBS digibank HK app 及成功晉身為星展豐盛理財客戶的個人客戶，記得睇左條款及細則先。

---

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 03/07/2025 by 蛋黃視野 ***