最佳里數信用卡推薦 2025 – 儲飛行里數話咁易！

介紹咗咁多現金回贈嘅信用卡，咁樣究竟有冇最佳飛行里數信用卡組合推薦呀？里數信用卡邊張好？開咗關之後大家去旅行容易咗，對用里數換機票嘅需求都大咗。今日就等蛋黃介紹一下用咩信用卡嚟儲里數係最抵㗎喇！

首選：HSBC Everymile + Red / Visa Signature卡

用滙豐卡(詳情)玩里數，首先要有「獎賞錢」(Reward Cash, RC)。Everymiles張卡嘅獎賞錢係1RC可以兌換20里數。佢俾其他滙豐信用卡嘅兌換率係高一倍，其他卡1RC只可以兌換到10里。同埋呢張卡可兌換里數嘅飛行常客計劃(常用嘅有亞洲萬里通Asia Miles、Executive Club英航會員俱樂部Avios、新航獎勵計劃KrisFlyer)高達13個，所以基本上係無敵。

如果用你張卡配合買全年嘅一般推廣好似萬寧、百老滙、豐澤等，絕對係可以飛快地儲到你想要嘅里數。之前寫過一篇萬寧，大家可以重溫下。做一轉已經差唔多可以換一張去日本機啦！如果沒有推廣活動，呢張卡嘅基本回贈係1%獎賞錢，即係簽$100會有1RC，就已經換到20里數（心法：如果按$0.1/里計算，即等於2%回贈，計算時只需將一般回贈率X2）。回贈率唔算太高，但係勝在可玩嘅飛行常客計劃多。

滙豐其他卡雖然唔係專攻里數，但係配合上其他推廣活動，或者張卡嘅基本特色，儲獎賞錢嘅速度都好快。雖然其他卡嘅兌換比率會較低，但因為唔同信用卡又額外Bonus就會變左好易。例子如下：

• HSBC Red卡網上消費4%獎賞錢回贈，簽$100有4RC回贈，即係換到40里數(相等於$2.5/里)。
• HSBC Visa Signature卡全中最紅自主獎賞類別，簽$100有3.6RC回贈，即係換到36里數(相等於$2.78/里)

所以如果想兌換亞洲萬里通Asia Miles嘅里數，都係抵。如果加埋推廣活動，HSBC卡換里數就不得了！不得了！滙豐卡轉換里數係可以即時到賬。結論係，如果你想儲飛行里數，HSBC信用卡係必備！

次選：Mox Credit 無上限/里

Mox Credit (詳細介紹) 去年重磅推出簽賬獎賞可以高達$4/里，無論係本地海外網上簽帳通通可以做到，仲要係外海『零』外幣交易手續費。簡單一句，對於大額簽賬嘅用戶來講係吸引嘅！如果淨係想開一張卡走天下，Mox今次真係比到你。除左里數，仲可以揀隨時揀變做無上限2%現金回贈。草Cash Back又得，想草飛行里數都得！不過要求就係你要在碌卡前放25萬喺Mox Saving先可以享受到優惠。官方網頁。

第三選：渣打CX國泰信用卡

渣打CX國泰信用卡係一張同國泰航空公司嘅聯營信用卡。顧名思義，佢儲嘅里數就係Asia Miles。一般就係可以換寰宇一家Oneworld成員嘅航空公司。食肆、酒店及海外簽賬有$4/里，即係相等於2.5%回贈。（按$0.1/里計算）依家國泰會不時加入一啲推廣活動，如果帶埋推廣活動一齊玩，佢儲里數都係好快㗎！除咗食肆、酒店及海外簽賬之外，一般簽帳則是$6/里。如果你係「優先理財」客戶，仲送你每個信用卡年度尊享4張可共享的國泰航空商務貴賓室使用券。申請連結。

其他選擇： DBS Black World Mastercard

最後呢張卡基本上係一間八搭卡，簽咩都係$6/里，海外簽賬則可以係$4/里，簽得大仲做到$2/里。佢除咗亞洲萬里通可以從之外，都可以儲吓其他飛行常客計劃(Asia Miles、Avios、KrisFlyer、國航鳳凰知音)嘅里數。如果唔係轉攻亞洲萬里通的話，諗唔起簽咩卡嗰陣就可以用佢啦。DBS轉換里數去亞洲萬里通都可以即時到賬㗎！

最佳里數信用卡小總結

除左HSBC Everymile信用卡、CX國泰信用卡、DBS Black World Master卡，其實HSBC其他卡係『諗唔到理由唔用佢』，HSBC Red個個當佢係網購卡，其實佢可以係最佳里數信用卡，想要飛行里數嗰陣可以轉里數，唔想轉飛行里數嗰陣，獎賞錢就可以當現金洗。基本上係盡可攻退可守。

---

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 30/01/2025 by 蛋黃視野 ***