至值得留意信用卡交稅方法優惠攻略｜交稅優惠賺取高達1.5%現金回贈 (2024/25年度)

• Wechat Pay HK銀聯交稅有補貼！『銀聯奪寶賽』滿$5000回$75；滿$10,000回$75；滿$20,000回$150，疊加獎賞，最多可以拎到$300禮券 (即1.5%回贈額)，連埋EarnMORE 2%回贈 – 1%手續費，不得了，禮券都可以用返嚟交稅。券量充足唔怕無~
• AlipayHK交稅券滿$10000可減$50。即補貼左只有0.5%，叫做好過無。

年中收左綠色炸彈後，大家都應該差唔多時間收到今年嘅稅單繳費通知書啦，所以又係時間稔下點樣交稅先係最抵。交稅？當然係用信用卡交先可以賺到最盡啦，為些微嘅回贈奮鬥 T.T。另外，一般銀行都會推出唔同嘅交稅優惠，不過回贈比率一般都唔會高，叫做有好過無。先看看兩個歷史悠久嘅交稅大法，交稅可以賺取高達1.5%現金回贈！

Earnmore X Wechat Pay HK (1%現金回贈)

基本上繳費必備嘅就係安信Earnmore銀聯卡。繳費文章重溫。講到交稅一般都無乜回贈就係人都知，不過你用Wechat Pay HK綁Earnmore銀聯卡交嘅話，相關嘅交易都仍然當你係一般簽賬，所以有2%回贈。扣除繳費有1%手續費，仲有1%可以落袋！如果就交稅而言，1%現金回贈算係好高的了。只要用Wechat Pay HK入面個『掃描』二維碼功能，掃一掃單上嘅QR Code就可以交啦。每天交易限額為由發卡銀行決定，所以幾萬蚊稅都可以試下一次過交啦，過到數就得。今年支付寶都支援銀聯啦。極方便，立即申請。

Simply Cash / 宇宙星座卡 配 八達通錢包 (1.5%現金回贈)

透過渣打Simply Cash信用卡同工銀亞洲宇宙星座卡自動增值八達通，兩張都可以賺到無上限1.5%現金回贈。透過自動增值功能為八達通錢包(前稱O!epay)存款(需要先進行認證)，然後用八達通錢包餘額繳費並沒任何手續費。所以呢個轉折方法交稅就可以獲得1.5%現金回贈。不過每月由八達通卡轉去八達通錢包嘅限額(Q5)只有$10000元，所以如果你只係交幾千蚊，又有恆心每日拍一拍張八達通卡，都值得考慮。

注意：渣打要在渣打「360°全面賞」兌換回贈 (以$50做最少單位)，工銀星座卡就直接每個月結單後回贈。

信用卡交稅賺取50天以上嘅免息還款期

點解要用信用卡繳費同交稅？除左可以賺取微薄嘅回贈之外，仲可以賺到一個5X天嘅免息還款期。雖然最後都要比架啦，不過遲多兩個月先交都好丫！高息環境下，放在自己個袋嘅錢就可以好容易生錢。另外，每年最值得留意工銀亞洲嘅交稅推廣已經出左啦，交$5000回$100！以每個信用卡賬戶計算，即係可以卡海，加油。詳情。

支付寶及微信支付繳費手續費

日常生活繳費一般都會用到AlipayHK / Wechat Pay HK！以上兩圖已經清晰顯示以信用卡繳費嘅手續費。今年銀聯卡都已經加入左支付寶陣營，用銀聯卡都已經可以綁定支付寶的了。同埋，銀聯卡嘅支付手續費一般都比MasterCard / Visa低。上面都提左偉大嘅安信EarnMORE功能，今年都可以透過支付寶刷了。

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 18/12/2024 by 蛋黃視野 ***