市面上信用卡優惠各式各樣，數量亦十分都多。本頁會綜合各大銀行現行信用卡既推廣優惠比大家參考。以下連結已經幫大家連左去各家銀行嘅信用卡推廣頁面！最新嘅信用卡優惠會隨手可得。蛋黃會精選一啲新增嘅項目話比大家知，有啲咩重點信用卡推廣。密切留意，從最新信用卡推廣中尋找創富機會。
推薦最新信用卡簽賬優惠
大新信用卡電子錢包簽賬狂熱賞
以合資格信用卡於推廣期內每逢星期五、六、日及公眾假期透過 AlipayHK 或 WeChat Pay HK 所作之零售或網上簽賬，惟不適用於流動轉賬及增值交易等。每位合資格客戶於每階段最高可獲50港元現金回贈及於整個推廣期內最高可獲100港元現金回贈。搵啲$100面值嘅野買，每階段碌5次就爆啦！有一個係特選版本，回贈上限高一倍。自己留意SMS/電郵。
- 階段1：2024年4月19日至5月31日（逢星期五、六、日及公眾假期）
- 階段2：2024年6月1日至6月30日（逢星期五、六、日及公眾假期）
Citi Mastercard®卡訂國泰機票減高達HK$450
由4月2日至4月30日經國泰航空網頁預訂機票，於付款時輸入指定優惠碼，短線【CXCITI150】及長線【CXCITI450】航點於每次預訂分別可享HK$150及HK$450即時折扣！留意返，只適用推廣期內首1,040 個（指定短途目的地）或首500 個（指定長途目的地）合資格的機票預訂交易。旅遊出發日期去到下年2025年3月28日，好長架！官方連結。
Citi 信用卡春日消費勁賞「指定簽賬類別賺高達5%回贈!」
每一階段累積本地零售簽賬滿HK$5,000或以上，當中滿HK$500或以上嘅本地簽賬包括服裝/鞋履、餐飲、網上超級市場及指定電子支付平台都可以有格享高達 5%回贈。蛋黃認為值得留意的，詳情可見文章。官方連結。
最紅自主獎賞加碼額外5%「獎賞錢」回贈
終於等到啦，上年最紅自主獎賞加碼10X喺月中就出咗。今年等到月尾先加額外加碼。由2024年3月25日至5月31日，累積簽賬滿港幣15,000元，「賞生活」、「賞家居」及「賞品味」嘅商戶就可以有5% RC回贈，最高可獲$300RC。門檻比上年高左，回贈率都高左，但回贈上限少左。不過仍然係好值得玩嘅推廣！密切留意。推廣詳情。
滙豐卓越理財信用卡十萬大額簽賬
由2024年3月15日至6月30日，簽夠十萬或以上可以有1800RC回贈。如果你滿足埋資金嘅要求，於2024年6月30日前存入新增資50萬或以上及3月至7月之全面理財總值達100萬或以上可以額外有400RC回贈。全套簽賬+存款BONUS。不過，你入到50萬去滙豐不如存入其他高息戶口，賺到嘅都唔少400咁少。推廣詳情。
AEON「賞」碌「賞」食打孖上推廣
啱啱完左密密碌．處處賞，AEON就即刻繼續推本地/海外/網購簽賬．「賞」碌信用卡推廣，都係一樣分咗四個階段，整個推廣至30/06/2024！一樣配合WakuWaku網購6%回贈卡玩，每月簽$6000可以回贈$300+120蚊(即高達7%現金回贈)！極抵之選。記得每筆簽賬金額需達HK$200先計。
除左「賞」碌之外，仲食「賞」食。細心望一下，WakuWaku搖身一變左張實體食肆手機支付卡。推廣一做做一年，可享4%現金回贈！(推廣期：2024年3月1日至2025年2月28日) 即係有時網購唔夠$6000，用嚟食飯碌下湊下數，主力都係網購。手機支付CAP左係$3333，最多回$100。AEON將佢其他嘅信用卡推廣全面升級，非常落力推。作為用家當然非常支持。(01/03/2024)
曇花一現的Citiplus推廣(最後唔知有無)
Citiplus嘅指定商戶高達12%回贈又出現返。推廣期由2024年1月1日至2024年6月30日。每月可回贈$250蚊，整可推廣期可回贈$800蚊。不過，蛋黃上年伏過，條款唔清唔楚。所指每月可回贈$250蚊，無錯，但應該每一個商戶都係$250蚊。唔好稔住連續幾個月係同一商戶到簽賬而拎到$800蚊。詳情可看條款及細則。[最新消息] 極有趣，官方網頁上所以野消失哂，彈弓手。大家可以當無出現過。
東亞里數推廣Combo Hit [名額已滿]
最近東亞信用卡推左一個里數兌換嘅推廣，原本用40萬分先換到嘅50000里，依家只需要20萬分。即半價就可以換到啦！如果你張東亞卡草草埋埋啲分，又夠20萬分嘅話都好抵換。仲差啲未夠分都唔緊要，即刻簽！只要係1/4-30/4期間有足夠嘅分就得啦(注意返：登記期是在29/2前)。咁啱依家仲有另一個里數PROMO，每$3就賺到1里(不過6月先入賬的XD)，大家都可以留意埋。
此頁面會不斷更新，加入最新信用卡簽賬優惠。定期返嚟睇吓啦！其他開卡開戶推廣可去以下睇睇！
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 27/04/2024 by 蛋黃視野 ***