最佳繳費信用卡推薦 2026 – 水電煤、差餉、管理費無有怕！賺現金回贈話咁易

拜託大家唔好問CS係唔係有回贈，點樣繳費你都係要繳架啦！睇完自己再試下咪得囉。

2026年四大繳費信用卡無敵組合

• 渣打 Simply Cash Visa – 1.5%
• 安信 EarnMORE 銀聯 – 高達 2.0%
• ICBC 星座銀聯 – 高達 0.9%
• 東亞 i-titanium / Goal Master – 高達 4.0%

以上只計算信用卡現金回贈金額，都未計再多1%嘅潛在折回空間！即係其實繳費繳得極繳，5%是可能的。

---

講起用信用卡繳費，我哋首先要介紹吓用作繳費嘅支付工具。繳費要獲取高回贈一般會要用AlipayHK、WeChat Pay HK同雲閃付作繳費工具。AlipayHK同WeChat Pay HK可以綁定Visa/Master/銀聯卡；而雲閃付就只可以綁定銀聯卡！呢啲支付工具繳費範圍已經包含哂一般嘅日常生活繳費。水費、電費、煤氣費、寬頻費、電話費、政府嘅一般繳費單、差餉及地租、管理費、停車場費等等通通都做到。以下會推薦幾張最佳繳費信用卡用作繳付日常生活雜費嘅方法。

繳費所產生的手續費費用

首先要玩繳費，我地要清楚了解繳費所產生嘅手續費。雖然用信用卡繳費會有手續費嘅產生，但係基於信用卡回贈比率夠高。只要能COVER返哂個手續費係完全無問題，值得去做。以下一表一次過睇哂三個繳費工具AlipayHK、Wechat Pay HK、云閃付的手續費。個別銀行劃一手續費會平啲啲，但由於無著數，以下就不提了。Union (銀聯)；V (Visa) / M (Mastercard)！

Union V / M	AlipayHK	Wechat Pay HK	云閃付
政府賬單 差餉稅務	1.0% 1.5%	1.0% 1.5%	0.6%
生活賬單 電煤物管	1.0% 2.0%	1.0% 1.5%	0.6%
電訊類別 自動繳費	免手續費	免手續費	0.6%

• 生活賬單：電費、煤氣費、石油氣費、物業管理費、學校賬單、出租屋邨租金
• 政府賬單：税務局、水費及差餉地租
• 電訊類 / 自動繳費：免手續費

渣打Simply Cash增值八達通錢包再繳費

首選方法繼續係可以先用Simply Cash自動增值八達通至八達通錢包先再用作繳費(八達通自動增值服務一般回贈1.5%)。首選原因係用此方法係相對高回報、最無腦、不用思考、最簡單(但少少煩)，唔洗要搏下搏下會唔會出回贈，每月一萬嘅增值額度足夠繳付全年日常生活開支*。你又可能會話八達通錢包只可繳付政府類別賬單，咁其他點算好？增值多左嘅餘額亦可以使用八達通錢包的銀聯扣賬卡綁去雲閃付做其他繳費，扣手續費都有0.9%。渣打Simply Cash信用卡同支付寶一樣夾，真可一卡走天涯。

*注意：增值八達通錢包每月上限一萬。資料來源。

安信EarnMORE信用卡

EarnMORE信用卡嘅特色係全天候嘅零售簽帳都有2%現金回贈。當中額外1%嘅回贈首半年額有$8萬。所以想拎足2%嘅回贈，又係要搵A Rewards幫幫手。簡單唔想煩嘅朋友，經以上三個工具直接做繳費都可以有高達0.4% – 1%嘅回贈。EarnMORE係一張銀聯卡，在AlipayHK / Wechat Pay HK繳費嘅手續費都相對Visa/Master平啲。立即申請。

注意：云閃付交易 / 部分Wechat Pay HK交易都無得回2% (2026更新)

ICBC星座銀聯信用卡

ICBC星座銀聯最好就係用係支付寶同Wechat Pay HK做唔到繳費嘅商戶。因為雲閃付繳費仍然可以獲得1.5%嘅現金回贈。扣除成本0.6%後仍可獲得0.9%現金回贈！需要經云閃付繳費嘅朋友，首選就一定係用佢啦。

仲有無其他最佳繳費信用卡嘅選擇？

有！見你肯睇到最後，當時有啲彩蛋啦。最後提提東亞嘅i-titanium / Goal，經AlipayHK繳費以往都係當網購簽賬，即有4%回贈。經自動轉賬可以有4%；手動繳費扣左手續費可以拎到2-2.5%回贈。勤力的朋力用A Rewards幫手，拎4%回贈並不困難！記得兩張卡每月簽夠$2000先有得回贈 (下限)。

注意：東亞是計MCC的。即使是經支付寶等工具支付，亦會分辨的政府類別、超市類別等。政府部門簽賬T&C係講無回贈，所以理論上係唔可以繳政府相關費用。

---

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 14/01/2026 by 蛋黃視野 ***