最佳繳費信用卡推薦 2024 – 水電煤、差餉、管理費無有怕!

講起用信用卡繳費，我哋首先要介紹吓用作繳費嘅支付工具。繳費要獲取高回贈一般會要用AlipayHK、WeChat Pay HK同雲閃付作繳費工具。AlipayHK就只可以綁定Visa同Master卡！雲閃付就只可以綁定呢個銀聯卡！WeChat Pay HK就Visa/Master/銀聯卡都可以。呢啲支付工具繳費範圍已經包含哂一般嘅日常生活繳費。水費、電費、煤氣費、寬頻費、電話費、政府嘅一般繳費單、差餉及地租、管理費、停車場費等等通通都做到。以下會介紹幾個推薦用信用卡繳日常生活雜費嘅方法。

繳費所產生的手續費費用

• AlipayHK 一般會有1.5%-2.5%嘅手續費產生
  • 電費、煤氣費、石油氣費、物業管理費、學校賬單、出租屋邨租金：一般為2.5%手續費
  • 政府賬單(包括税務局、水費及差餉地租等)：限時1.5%手續費
  • 電訊類 / 自動繳費：免手續費
• WeChat Pay HK 經銀聯卡繳費一般會有會有1%手續費產生；其他Visa/Master卡一般會有2%手續費產生。電訊類則免手續費。
• 經雲閃付用銀聯卡繳費暫時都係未洗俾呢個手續費㗎，所以優先考慮！

雖然用信用卡繳費會有手續費嘅產生，但係基於信用卡回贈比率夠高。要COVER返哂個手續費係完全無問題。

首選：安信Earnmore信用卡

呢張卡嘅特色係全天候嘅簽帳都有2%現金回贈。而且每年額有$150,000。如果額度用唔哂，又冇乜用途咪用嚟繳費囉，可以有高達2%嘅回贈。因為佢係一張銀聯卡，所以上面一樣只可綁WeChat Pay HK同雲閃付繳費。上面都提左雲閃繳費係未洗俾任何手續費，暫時都可以食盡2%回贈。申請連結。

中銀信用卡繳費 – 狂賞派推廣10X積分

呢段嘅中銀信用卡繳費方法係唔洗用任何支付工具。只要係自己嘅網上銀行/手機銀行入面揀返需要繳交嘅項目就可以繳費架啦。配合狂賞派玩，用嚟交部份差餉就真係最啱，手續費全免之餘仲食到佢2%現金回贈。每個月額外回贈上限為$20，上限$1000，總好過無啦。記得善用呢$1000嘅繳費額度。提提你差餉都可以預早少少交的。另外，i-虛銀聯卡每月有$1111額度用雲閃繳費，10X積分回贈。

渣打Simply Cash增值八達通錢包再繳費

第三個方法唔嫌煩嘅話，可以先用Simply Cash自動增值八達通錢包先再用作繳費(整體回贈1.5%)。注意返增值八達通錢包每月上限一萬。

仲有無其他最佳繳費信用卡嘅選擇？

最後提提東亞嘅i-titanium，經AlipayHK繳費以往都係當網購簽賬，即有4%回贈。不過有下限，每月每夠$2000先有得回贈。由於佢個回贈計法係每月計算，所以如果個個月簽唔爆，無謂浪費原則下，淨袋1.5%都照殺啦可以。要注意政府部門簽賬係無回贈，所以理論上係唔可以繳政府相關費用。東亞卡申請連結。其他信用卡則未睇得上眼，只有基本回贈，不作介紹。

借定唔借？還得到先好借！

喜歡❤️我地既內容👨‍🏫又想小小支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 31/07/2024 by 蛋黃視野 ***