有睇開呢個網頁嘅朋友都知道蛋黃有介紹一啲高息嘅活期選擇，由2024年2月開始Mox Bank出左一個重大調整，Mox Bonus玩完左！不過Mox推左一個新玩法叫活期存款年利率升級計劃，全面升級，真活期嘅最佳選擇之一！新計劃除左無條件享全城最高活期存款基本年利率1.5%之外，做一個小小任務就可以額外獲取1.5%年利率。今日起，Mox高息活期存款戶口真真實實自出自入而且有3%年利率。即刻望望詳情！
輕易達到活期年利率3% 個個都可以！
當你以為Mox Bonus二月玩完縮皮之濟，Mox來了全面大升級，真係要推薦比大家。相信大家都知現時普遍銀行活期利率都係0.875%，但由2024年2月起，Mox叫大家重新思考，重新了解一下Mox給予你更多XD！透過基本活期存款年利率升級計劃，可達至高達3%的活存年利率儲蓄。人人都供樓，你估人人都有Mortgage-Linked戶口送咩？Mox呢個全年3%嘅活期戶口差少少就比得上真Mortgage-Linked戶口。官方介紹。
- 首1.5%年利率：所有Mox客戶，保證可享全城最高的1.5%港幣活存年利率。
- 次1.5%年利率：做投資及/或兌換貨幣的指定任務，就可以賺額外1.5%年利率
任務非常簡單，只要每月成功累積至少HKD10,000等值交易金額，即可於HKD3,000,000內的港元存款(於所有Mox戶口的存款，包括投資現金戶口)盡享合共高達3%活存年利率，包括：
- 買入及賣出港股及美股交易（包括零碎股）；
- 淨買入基金的港元金額，即買入基金金額扣除賣出基金金額之餘額；或
- 貨幣兌換交易
你問我最最最易做嘅任務梗係做貨幣兌換交易啦。可以係先用五千幾港元兌美金，然後兌回做港元。
記得一定要1號做！因為做完任務利率先會升級，第二日先可以享有額外年利率。
記得唔好咁炆，來回加埋要夠$10000，因為當中會有差價預少少Buffer。全套動作差價$30左右一定搞得掂。你又可能會話3%都唔係好高姐，但話你知用Mox活期配合高息存款計劃，絕對係極好嘅拍檔。小資族有福了。
全面照顧小資族及大戶高息需要
推廣期：2024年5月14日或之前存入新資金，並維持至2024年9月1日。(約122天)
Mox嘅高息活期存款推廣真係好似愈做愈好，大家見到以上個表，列出左擺哂全期可以得嘅現金獎賞金額，如果大家加埋基本利率1.5%同埋只要跟住以上文章做一個小任務，投資及/或兌換貨幣的指定任務，就可以賺額外1.5%年利率。擺一百萬咁就可以各得拎高達盡5%厘以上！小資族放7.5萬都可以接近5%！存款利率同大新360睇齊咁濟！如果大家嫌大新360煩，Mox絕對係值得考慮。完全照顧小資族同大戶嘅需求。大家可以望望以下個表，幫大家粗略計埋全期可以得到嘅金額。
必讀！重要！Mox高息活期存款注意嘅地方！
- 今期日子長度係放111天左右(即4個月)
- 如果早前參加過新資金推廣嘅就唔符合資格玩
- 新資金「參考結餘」是指上一個曆月的最後一曆日於Mox的所有戶口的存款。(條款19e)
- 額外利率要在完成任務後，即可於翌日開始享有相應的額外存款年利率。一定要每月第一日就去做！
- 記得預錢去做任務。
- Mox計劃唔同其他市場上計劃，利息到期即派，佢係叫做現金獎賞，推廣完左等多陣先會派。
- 新資金獎賞於資金計算期完結後下一個月存入給你[加速咗]
- 附上推廣條款及細則。
- 雖然官宣佢係活期存款，但一低過指定存款金額，現金獎賞就無左。所以蛋黃覺得似定期多啲嘅！
- 小資族同大戶都好值得玩！如果唔鍾意Mox，即睇其他高息存款計劃介紹。
限時Mox開戶額外獎賞
Mox有超高息活期存款計劃，唔多唔少都有啲心動。新客戶仲可以享有官方迎新推廣，詳情。
除左官方迎新外，仲可享有Mox超筍優惠開戶優惠，由2024年4月30日下午6時至2024年5月20日下午6時，新客戶憑邀請碼「MHMOX1200」 開立Mox戶口並申請Mox Credit，無需簽賬可享限時獨家優惠。立即申請。申請後，收到Mox Bank發出的成功申請電郵（內有“成功申請編號”）後14日内，請記得填「獎賞換領表格」揀禮物。
- 任天堂 Nintendo Switch OLED 遊戲主機 (價值HK$2,680；顏色隨機)；或
- Delsey ECLIPSE SE 31″ 前揭式可擴充四輪行李箱（價值HK$4,280；顏色隨機）；或
- Marshall Acton III 家用藍牙喇叭（價值HK$2,499；顏色隨機）；或
- NESCAFÉ® Dolce Gusto® Genio S Plus 咖啡機連咖啡膠囊 （價值HK$1,780；顏色隨機）；或
- HK$1,000 Apple Store禮品卡；或
- HK$1,000 Trip.com電子禮券
開完戶口記得開埋Mox Credit。於Mox Credit獲批核當日起計60天內，用Mox Credit累積合資格簽賬滿HK$3000，Mox就送HK$1200現金獎賞！
客戶需於2024年6月30日或之前成功獲批Mox戶口及Mox Credit。由於銀行核對申請耗時，額外獎賞禮品換領通知最快會喺推廣期完結後4個月後發出。
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
本網所提供的開戶額外獎賞禮品由MoneyHero提供及負責，有關獎賞換領需受有關條款及細則約束。
*** Last Updated on 04/05/2024 by 蛋黃視野 ***
如果我依家join, 係唔係即係要4月1號兌換外幣就可以賺多1.5%(4月份)？如果想keep住額外利息，就要每個月都做？
是的，月頭做，每個月頭都要做。因為來回有手續費，記得預錢做，做完唔好低過佢個新資金要求。
如果我得290K, 佢係會cap咗150K去計嗰額外2%定290K? 已揀咗嘅選項可唔可以喺截止前再改？
你要揀返你相應嘅新資金金額去參加推廣，唔夠錢會DQ你。揀左相應金額你月底前都可以入錢。
多謝你嘅回覆。我嘅意思係如果我揀咗150K嗰個計劃，而我有290K喺戶口，有凸嘅140K會唔會有額外2%？
另外，如果我依家揀咗150K嗰個計劃，而我過幾日(截止前)再放多10K，我有冇得揀轉去300K嗰個計劃？
買定離手，登記個陣要揀好。現金獎賞只會按你選擇嘅級數去發放呀! 突咁多(140K)唔會有獎賞架! (140K)只會有基本活期利率1.5% + 任務利率1.5%。
MOX剛推出了新一期的新資金推廣 https://mox.com/zh/promotions/new-fund-mar/ , 資金計算期是 2024 年 4 月 1日至 2024 年 7 月 15 日, 我有點懷疑佢個新資金年利率是否計錯?
例如, 個表寫$75000新資金有3.51%或$438
HKD75,000 HKD438 (3.51%)
計算如下:
$75000 x 3.51% = $2632.5 一年
$2632.5 / 365日 = $7.21 一日
2024 年 4 月 1日至 2024 年 7 月 15 日有30+31+30+15=共106日
那資金計算期的利息應是$7.21 x 106 = $764.26
是否我計錯計漏了?
你無計錯呀，大約都啱呀。係Mox寫得唔好姐~ $438係for新資金獎賞Only，唔包基本活期個個金額。但佢個利率又包左新資金獎賞利率(約2%)+基本活期利率(1.5%)。T&C第19g)項會寫得比較清晰一點。https://mox.com/static/Mox_New_Fund_Mar_TnC.pdf
請問兌換貨幣+1.5%活期存款利率的任務是每個月都有嗎? 每月都要第一日做才有?
每個月頭都要做一次呀，做完之後個日先會加息，所以1號做係最好!
請問由MOX轉數去其他銀行, 是否只限每日HKD500,000? 不能再多?
無錯，主動轉賬每日限左50萬! 但可以由其他銀行eDDA扯錢走~
1月尾先開始, 算唔算完成左結餘增長? 洗唔洗另外入20k?
如果1月底開始，2月先要入。不過如果2月無左Mox Bonus，入都無用。過多幾日開估！
活期高息只是4個半月，不如直接做半年定期？
定期同活期最大分別係活期資金走佬唔會有罰，最多無息。所以看大家需要。
1月會唔會迎新呀
會有呀，稍後就會更新。
消費滿HKD5,000, 除左真消, 有咩計?
新地卡?
之前睇話MOX每個月最多轉3萬蚊走，其餘要收手續費，依家仲係唔係咁
用MOX Credit套現嘅話，大部分人都係得返3萬。個個唔同呀，佢會標示返係你戶口個到你有幾多免費轉賬額~
每月加$20000 是每月第一日要入？1/1，1/2，1/3，1/4？
是，最安全操作。
1/5 要唔要入
不需要。推廣期是於2023年12月15日前存入新資金，並維持至2024年4月30日。
同大新360活期比，蛋黃你覺得邊個可取d?
當然係大新360 XD 大新自出自入，自由流動。Mox叫定期差唔多XD
Thanks for replying!