穩陣高息選擇 – 綠債/機場債/iBond二手市場買賣 – 2厘左右回報 – 政府債券另類高息活期存款

短線拆息回落 大額收息資金何去何從？

現時全線短期(1個月)拆息短定期已回落甚多低見0.6%。不過短定期只限於一個短時間，除左做啲長年期啲D嘅定期可以鎖定高息，仲有冇其他代替品可以將高息鎖定一段時間同時獲得靈活性？現時一般都會講可以買短期美國國債/美國公債Treasury Bill, T-Bill，一般到期日係由幾個星期至一年、幾年、十年都有得選擇！買賣美債需要去買美元換匯呢個動作，將來要兌換回港幣，當中會產生一定嘅差價。所以我哋今日探討下有冇美國國債以外嘅另類選擇。今日想所嘅就係喺股票市場進行香港零售債券(例如：iBond/Green Bond綠債/基建債/機管局債券)二手市場買賣！

綠債/基建債/機場債/iBond二手市場買賣

喺香港嘅散戶債券市場無美國咁多選擇，美國國債隨手都可以執到一堆，買賣又方便。而港府發行而又可以比散戶極容易地喺二手市場買賣嘅債券少之又少，應該真係得iBond / Green Bond 綠債 / 基建債/ 機管局債券等(銀債無得公開二手買賣)。政府債券必賺？點知一開波就跌穿票面值，沽都沽唔切，短炒變長揸，下閂一千字。上市個刻唔掂啫，唔等於而家唔掂喎！蛋黃今日拎三隻現時係市面上上市嘅Green Bond/基建債/機管局債券來討論！絕對係低風險投資選擇。同埋可以隨時走佬，絕對係稱得上活期之選。

二手買入基建債4286收益率計算

最簡單可以借用網上Yield to Maturity Calculator計一計，究竟由今日(06/06/2025)起持有到到期日，可得幾多的回報？今日政府基債二七一二(4286)收市價為$104，票面值為$100，年息率為3.50%，剩餘時間2.53年年，每年派息兩次。一Click即得出YTM為1.87%左右。假設你富途老虎個啲買50萬錢，手續費應該都係$100-200左口，極低風險之選。提提大家，買債券要先付利息比上家，然後下家(發行人)會比返個息你(你沽出嗰陣或者政府同你贖回嗰陣會俾返你)。累計利息表格可以睇呢到。資料來源。債券可以隨時沽出，要快套現都無咩問題。

順帶一提買賣大額債券推薦你使用低成本券商富途/老虎/長橋等互聯網券商做交易，老虎仲限時免平台費添。以下圖片只供演示，非最新報價。

除左4286之外，現時仲可以容易喺股票市場買賣嘅二手債券仲有政府綠債二六一零(4273)(到期日為11/10/2026)、機管局債券(4701)(到期日為05/08/2026)。玩法大致上係差唔多，但因為呢兩隻年期相對短，債券價格會較受現時港完息率影響。以下個表幫大家計算咗三隻野嘅預期回報率。

另外有一篇文章同大家講下可以點樣買賣美國債券！

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。

📝歡迎大家訂閱蛋黃視野Patreon、Facebook或者加入免費TG頻道討論！

借定唔借？還得到先好借！借錢梗要還，咪俾錢中介。

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 10/06/2025 by 蛋黃視野 ***