滙豐HSBC Red網購卡4%獎賞錢回贈 配 EveryMile旅遊及里數卡低至$2=1里 雙劍合璧里賞快人一步

滙豐HSBC信用卡係每個人必備嘅信用卡之一，HSBC每張卡都各有特色同賣點。今篇蛋黃就重點介紹下HSBC Red卡同EveryMile卡，前者係專攻網上簽賬必備卡，後者係至強旅遊及里數卡。申請邊張卡好？Why not both！小孩子才做選擇，應該係兩張都要！雙劍合璧里賞快人一步，即刻去睇下呢兩張卡嘅詳情。申請連結：EveryMile卡；Red卡。

「獎賞錢」雙刃刀 抵銷簽賬兼兌換飛行獎賞都得

先簡單講解下先，滙豐HSBC信用卡嘅簽賬回贈賞錢一律以「獎賞錢」(Reward-Cash)回贈以下以RC表示，詳細介紹。RC可以用嚟抵銷信用卡簽賬、兌換飛行里數、換禮物禮券同埋轉做其他會員積分計劃等。過往HSBC間唔中都會做下唔同嘅推廣，例如：折扣價換禮券禮品、1RC當2RC使用等等，想提升RC價值就要密切留意。仲有，HSBC兌換亞洲萬里通Asia Miles係可以即時到賬，大家可以一見到有機位換就即刻郁手，有時兌換仲有額外Bonus Miles！

HSBC至強EveryMile旅遊及里數卡

旅遊及里數為主題專屬嘅卡自然係相關方面有好多優惠，全年免費享用香港及海外機場貴賓候機室服務或指定機場食肆之免費餐飲服務，推廣期內合共6次。事後只需簽返$4000就可以了，PayMe增值都無問題。除此之外，指定商戶日常消費(特選交通出行、咖啡店及輕便美食、網上娛樂平台)每消費$2就可賺到1里啦。其他一般消費則無上限1%RC回贈。

一定要記住！EveryMile兌換里數嘅比例係$1RC可兌換20里，比其他HSBC卡足足高一倍。如果配合其他HSBC信用卡簽賬推廣，有時甚至可以賺到低至$0.4/里。EveryMile超過15個飛行常客計劃或酒店獎勵計劃；可換取全港最多、超過110間航空公司的免費機票，極多選擇。

EveryMile卡 – 迎新禮遇高達＄1000「獎賞錢」

• 全新信用卡客戶只要於發卡(只限EveryMile卡)後首60曆日內累積簽賬滿HK$8,000可享$600 / $800「獎賞錢」*（即16,000里），就算係現有信用卡客戶都可獲$200「獎賞錢」（即4,000里）迎新獎賞。
• 全新信用卡客戶於發卡後首60個曆日內啟動合資格信用卡，並以合資格信用卡成功申請「現金套現」分期計劃及獲批核提款金額相等於港幣20,000元或以上，並選擇12個月或以上還款期，可享額外$200「獎賞錢」。
• 專享首2個月「免息還款假期」，大額簽賬啱哂，唔洗立刻還款住！

*$800「獎賞錢」適用於透過滙豐網頁、滙豐個人網上理財或香港滙豐流動理財應用程式的申請
註：以上優惠設有不同推廣完結日期，優惠受條款及細則約束，詳細可參閱迎新推廣優惠；「現金套現」分期計劃；免息還款假期迎新優惠條款及細則。

---

Red卡 – 小額大額網上簽賬必備卡

滙豐HSBC Red卡定位非常清晰同簡單，就係以網購為主。Red卡永久豁免年費，唔洗心掛掛要去Waive年費。消費時無最低簽賬要求、無須預先登記，一簽即賺RC。Red卡雖然貌似唔係用嚟儲里數嘅卡，兌換里數嘅比例係$1RC可兌換10里，但其實以網上簽賬計每$2.5簽賬已經可以兌換1里數，所以一啲都唔輸蝕。

• 網上簽賬：每月首$10000可獲4% RC回贈 (即$2.5=1里數)
• NEW！每曆月於指定商戶首港幣1,250元消費簽賬賺8%「獎賞錢」(即$1.25=1里數)

好多人當Red卡係網購卡，其實Red都係里數神卡之一，$2.5=1里數喎！(每月仲有一萬蚊Quota！)

滙豐Red信用卡限時迎新獎賞

• 全新信用卡客戶迎新獎賞高達高達$500「獎賞錢」及永久年費豁免
  • 限時迎新獎賞高達$300「獎賞錢」
  • 成功申請「現金套現」分期計劃可享額外$200「獎賞錢」

全新信用卡客戶須申請滙豐 Red 信用卡並獲成功批核，及於發卡後首 60 個曆日內以滙豐 Red 信用卡作港幣 3,000 元或以上的合資格簽賬，可獲享$300「獎賞錢」迎新禮品。

最後提提大家：EveryMile卡非指定類別嘅一般零售簽賬都係無上限1% RC回贈，記得中唔到指定類別嘅話就一定係拎EveryMile簽，皆因EveryMile係Double里數兌率比率！仲有最紅自主獎賞推廣都唔適用係呢兩張卡。唔好等，即刻諗諗申請哂EveryMile旅遊及里數卡同埋網購至強嘅Red卡啦！

滙豐EveryMile信用卡獎賞計劃及旅遊禮遇之條款及細則。
滙豐Red信用卡的「獎賞錢」回贈須受有關條款及細則及不適用條款約束。

---

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 06/10/2025 by 蛋黃視野 ***