Update: 10/10/2023綠債上市前一天，富途及輝立綠債暗盤收報$100，未有升跌。
綠色零售債券的最終發行額為200億港元，高於150億港元的目標發行額。全部有效申請均可獲配發債券，最多可獲九手。184021份認購八手或以下債券的申請，均將獲全數配發所申請的債券。餘下的136 997份申請（即認購八手以上者），均將先獲發八手債券，並進行抽籤，其中4187份申請將獲配發多一手債券。
綠色債券Green Bond 2023 基本資料
綠債所得的資金會按照政府的《綠色債券框架》撥入基本工程儲備基金，為具環境效益和推動香港可持續發展的綠色項目融資或再融資。其實拎泥做乜你同我應該都唔太關心，最緊要係政府到期個陣有能力贖回就得。iBond又好、銀債又好、綠債又好，反正就係政府發行嘅債券。
2023年度綠債為三年期，認購日期由18/9 – 28/9，今次發行額度基本有150億，會視乎認購反應加碼至高達200億。利率與香港通脹率掛鈎，或者最少有4.75厘！普遍比而家定期存款利率更高(特別係大行)。如果想啲錢鎖定喺一個高息位置，咁綠債就可以幫到你。只要你係持有香港身份證的18歲以上人士，你就係合資格認構人士。收息日期同相關資料稍後可以睇呢到。
綠債設有二手市場 可隨時買賣
政府發行完銀色債券2023之後，依家又宣布推出綠色債券！上一期綠債冼左大家一獲，今次又嚟？掂唔掂呀？今次最大亮點係保證息率俾上一期綠色債券大幅提升，上一期綠色債券只有2.5%保證息率，今期保證息率提升至4.75%。唔好興奮住，再睇一睇返之前文章，現時喺市場上買賣二手債券，預期回報率都係4.5%-5%之間。又可以拎美國三年期國債債券收益率(見下圖)做一下對比，最近都係在4.5% – 4.75%浮動。所以，今次綠債個保證息率係無特別賣大包。現時新認購就可以鎖定息率4.75厘三年時間。記住！記住！綠色債卷可以喺二手市場自由買賣，價格可升可跌。政府唔會隨時同你用原價收返，想放個陣只能以市場價格出售。債券價格會隨美國加息/減息步伐可升可跌，大家要注意。
(圖片來源：Investing.com)
綠債值得認購嗎？用閒錢值得投資
銀色債券2023保證利率有5% ，今次綠債2023都有4.75%啦，的確係差個少少啫。擺到到期係必勝。綠債同銀債一樣風險低，你只要相信政府喺到期嗰陣有能力同你贖返，基本上唔會有大問題。如果你覺得美國息口已經見頂，咁現在有4.75%嘅保證利率的確唔差。又如果你覺得美國利率未來三年內會升到7-8%，咁千祈唔好買，因為一上市會跌穿票面值。你問我？蛋黃立場傾向係前者，況且重點得個200億發行額，都唔會派得好多比你。一般認購5-6手都好足夠。(如果大家都唔認購，我又有機會中多啲啦！哈哈哈)
銀行、券商認購都得！ 富途稔得過
銀行方面，如果你有冇邊間銀行要維持全面理財總值(指定理財級別)，要擺實啲錢喺嗰度嘅咁咪用嗰間認購。反正嚿錢都要擺喺度點解唔買埋債券收埋息？定期都無咁高啦。不過如果你稔住揸到一半隨時沽，咁你就唔應該揀銀行。你賣比銀行個差價闊過城門河，銀行係莊家，唔會同股票市場掛牌個價係同一樣價！如果唔係賺你咩？
券商方面，喺富途認購係絕對值得考慮。點解？上年綠債有一半經證券行認購綠債嘅人都係揀左富途*！富途仲有自研暗盤系統，係上市前一日已經可以交易，短炒長揸都無問題。今年同過往都差唔多，富途會免哂一堆雜項費用#，唔洗擔心有額外支出。如果係用保證金戶口，債券嚿錢遲啲仲可以做抵押添，嘿嘿，自己稔稔。新客如果想知開戶詳情可按此，高達$1500額外獎賞。
#免認購手續費、免申請手續費、免暗盤交易佣金、免平台使費（暗盤交易）、免存倉費（部分銀行收取）、免不動戶費、免托管費（部分銀行收取）、免轉入費、免代收利息手續費（部分銀行收取）、免到期贖回費、免提早贖回手續費、免港股證券佣金（新客專享）、免孖展利息（領券）
本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 10/10/2023 by 蛋黃視野 ***