2025年11月份港元美元高息活期存款比較 (建行亞洲、渣打、中信銀行國際)

十一月份高息活期存款揀邊間銀行做？新一期嘅港元及美元高息活期存款比較又更新啦，三間嘅港元利率穩步上揚、美元利率當然更佳。高息活期最大嘅好處係賺到最強嘅流動性(隨時跳船)，所以做定期定活期？任君選擇！

主流高息計劃比較
  1. 每個計劃夠竟收到幾多息？活期存款比較
  2. 高息活期存款咩玩法？定期定活期好？
  3. 全部都要新資金，哪裏來的新資金？
  4. 過往月份的利率資料
  5. 過往月份的條款及細則
高息存款比較封面圖片 NOV25

一文睇清楚市面上六大高息活期存款選擇。今期馬拉松長達五個月有多！

市面上高息活期相類似計劃有三間主流銀行有提供，分別係渣打、建行亞洲及中信銀行(國際)。渣打叫高息『馬拉松存款』，詳細玩法，建行亞洲叫『月月增息』，而信銀國際叫『大富翁存款/中信大富翁』，詳細玩法。一般開立呢啲存款都會喺月底/Deadline前先開始做，咁樣就可以縮短頭一個月低息存款期務求拉高平均利率。文章中後段會再講多啲，睇埋落去！港元美元活期存款比較！！

每個計劃夠竟收到幾多息？活期存款比較

以下個圖表粗略地幫大家比較同計算咗2025年11月份嘅高息活期存款計劃。拎個參考指標Hibor利率睇睇，近期都穩定了在3.5%附近，即使美國於上月底再減一次息亦無礙港息回落。當你以為港元利率會低走，誰不知繼續回升，港元利率今個月平均最高約2.62厘附近。主力做存款收息要注意開立日期，盡量在截止日期前才開立。

注意：現時基本活期存款利率已減至零了，港元大富翁利率已經可以忽略基本利率部分。渣打馬拉松存款推廣利率則是固定的。

假設未來幾個月市場利率不變，主流三間高息活期存款同現時三個月嘅定期存款利率差唔多。為方便比較，全部以11月15日開立計算(假設建行續期利率不變)。以信銀大富翁存款於15日開立計算為例，只有大約2.35厘左右！渣打馬拉松則有約2.62厘，建行亞洲則只有1.84%。Mortgage-Linked Account都稍稍高過呢堆選擇。

2025年11月份高息活期存款比較

大家可以考慮下做美元相關嘅存款，減左息，普遍利率都再跌了些少至3.2-3.4厘上下。

以每10萬港元存款計款，信銀國際只要由11月15日起計擺106日左右就可以得到大約$682利息。注意返今期渣打馬拉松的長達至少長達158天，接近5個月！如果想鎖定高息不妨都可以考慮。期滿仲有迪士尼精品送！

如果只擺一兩個月短期，都係渣打馬拉松短期利率是最好，非常適合短打！短期除左可以考慮渣打之外，一般Citi一個月定存息率有時都有睇頭、ZA、信銀 1個月嘅加息定期券，也可以納入考慮。以上圖表全部以現有客戶計算，唔洗話要新開戶新客要求，有戶口就玩得。

高息活期存款咩玩法？定期定活期好？

其實高息活期存款係有部份定期嘅概念元素喺度，因為佢哋嘅計劃通常係頭嗰一兩個月係比較低息，最後一個月高息，拉勻黎計，令到平均利率可以同三個月嘅定期存款利率差唔多。活期顧名思義就係佢哋可以隨時提早攞錢走，沒有罰息。利息係每日計算，每月月尾會派一次。

美國已經係上年減息幾次了，中長期定期利率明顯比之前下降。既然中長期利率都無短期利率咁高，不如考慮做以上嘅存款計劃！一般做定期存款會犧牲咗資金嘅流動性。蛋黃一般都係會主張做高息活期，以配合IPO活動！高息活期息率一點也不比定期輸蝕。

全部都要新資金，哪裏來的新資金？

要有新資金，首先我哋要知道每間銀行最新資金嘅定義。如果清楚了解，你同一舊錢幾時都係新資金！

  • 渣打：開立指定戶口當日及前4個工作天結餘對比。
    解說：即係如果你用渣打的話，只需要將現有資金轉走去第二間銀行大約一星期，再次存入就係新資金啦 (其實即走即入都得，試下就知架啦)。
  • 信銀國際：與上個月最後一日嘅工作日嘅結餘對比。
    解說：信銀國際嘅話只要你喺每月嘅最後一個工作日都Keep住銀行結餘係$0，你喺下個月入嘅每一蚊都係新資金。
  • 建行亞洲：無清楚列明新資金要求

注意：
提提大家參加中信大富翁後記得係要放錢係相應嘅戶口，有啲人可能有幾個戶口，登記後係App個到會見到有寫住邊個係『大富翁存款』戶口。信銀條款及細則註明截止登記日期時間係截止當日下午10點！唔好做Deadline Fighter。最後大家可以去呢度睇吓依家嘅定期存款利率究竟抵唔抵做啦！不過蛋黃都係鍾意活期多啲，起碼賺左流性丫嗎。

官方推廣頁面：建亞「月月增息儲蓄戶口」、渣打高息馬拉松活期存款、信銀「大富翁存款」
最新條款及細則：渣打、建行亞洲及信銀國際

過往月份的利率資料

同場保留往月的高息活期存款利率走勢及比較。

2025年10月份高息活期存款比較
2025年9月份高息活期存款比較
2025年8月份高息活期存款比較

過往月份的條款及細則

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 03/11/2025 by 蛋黃視野 ***

133 Comments

  1. 想問下我如果參加美元大富翁。。是不是參加下一期之前。。要將美元換回港元。。轉走。。然后过幾日。。入港元再換美元。。之后參加大富翁？

  2. 渣打每次轉出美元收$170手續費嗎？
    美元舊資金做馬拉松利率是多少？

  3. 想問本身join咗大富翁7月尾完，可唔可以7月30號轉走啲錢，7月31號再登記新大富翁? Thanks!

  4. 我join咗3月尾個期大富翁，6月30到期，我當日先轉錢都會被當新資金嗎？
    另外如果我係轉返去中信做定期，到時大富翁會唔會當係舊資金呢？感謝！

  6. 做緊大富10萬，之後我再有出入數，但保留多過10萬，會唔會影響本來利息？

  7. 唔知師兄有冇留意最近mox新出左個FlexiBoost高息活存？想知mox呢個計落年利率係幾多🙏🏻

  8. 我join中信大富翁左5月—8月。我應該係8月30日定8月31日轉走d錢，令戶口變$0呢？

  9. 啱啱睇到4月大富翁個利率減咗：由你個表嘅2.33/2.33/4.93，減到2.08/3.08/4.68。

  10. 想問例如戶口有10萬, 新資金只計8萬做大富翁5月尾完, 剩2萬做了定期4月尾到期，定期到期拎去做同場貨基，到5月尾等到大富翁完，會影響大富翁利息嗎？謝謝！

    • 公眾假期應該係開唔到..! 星期六OK~
      （服務時間：星期一至星期六上午九時至晚上十一時（公眾假期除外））

    • 如果做大富翁5至8月，唔係31／8先完個plan先完，31號走先可以攞曬d息咩？如果30／8走，会唔会攞唔到最高息？但31號個balance就係果舊錢，咁咪要停賽一個月先當新錢？

      • 咁你走左錢個一日係沒有利息的，之前日子的利息不受影響。31/8係星期日，所以要30/8就走。
        如果唔介意停賽一個月先再玩，當然可以9月先走~10月先再玩

  13. 想問下如果大富翁計算我新資金個數 少於我戶口有既, 大富翁開始左後, 我轉走多剩既錢得唔得? 定一出就會直接影響大富翁計息?

  14. 想請問如果我今日申請中信大富翁, 假設10萬, 28.2 – 31.3 係2.18%, 咁我要唔要31.3攞走啲錢, 再1.4入番10萬, 至有第二期既3.28% (1-30.4), 定係我一直keep住個10萬响戶口唔駛郁?

      • 每個月都有睇你嘅資訊，感謝你嘅整合呀！

        我想問：中信定期利率雖然較活期高，但係馬拉松同大富翁嘅利息都係逐日計，定期唔係，會唔會其實最終做定期會賺少咗？
        謝謝

      • 請教你話急用可以轉走, 但走左就唔可以入返. 咁我月頭有一筆錢入, 月中又有一筆錢入, 咁月中入的錢, 會唔會計到嗰個月利息?

  15. 想請教下點解月底開始做渣打馬拉松係最好?例如28/2開始, 逐日計息, 咁2月就只有28/2計息?
    如果有資金, 早d開始是否可以賺多幾日息?
    謝謝!

  16. 今個月 29/11 入10萬登記渣打馬拉松, 是否95日後就有900多利息？

  17. 中信我有定期同大富翁，定期完結後，錢自動存入大富翁戶口，請問係咪照有大富翁個息？

  18. 我係join咗7月嘅大富翁，如果我10月31日早上轉走晒d錢，係唔都可以㗎？需唔需要留返一萬蚊最低存款額？

  19. 10月31日我可以將到期的大富翁戶口既錢轉走去出糧plus 戶口嗎? 之後11月1日轉番入大富翁戶口當新資金做11月既大富翁可以嗎? 謝謝

  20. 你好，感謝你嘅資訊！
    想請問如果要計新資金，因為中信要下個工作天先顯示到，咁我係25號係inmotion apps成功開戶，27號轉咗嚿錢入綜合戶口+登記大富翁，再由綜合戶口過錢落大富翁（因為以為佢同渣馬一樣係登記嗰陣係綜合戶口grab錢過去），而家大富翁入邊已有錢但就顯示新資金為0，咁如果等到下個工作天30號係咪就miss咗新資金個額外息？

    • 你有幾多個綜合戶口？如果得一個綜合戶口，個個已經係大富翁戶口了。只要你28號中午前入錢就得~過幾日新資金個數會更新。月尾更新得比較慢！

  21. 你好，想請教一下，我參加左八月份加碼大富翁，睇到九月既截數日係9月26日，而同一日我有一筆存係信銀既定期存款到期會有錢入返落戶口，請問我呢筆錢仲可唔可以歸納變加碼大富翁既新資金，食到最後一個月總年利率3.875呢，謝謝

  22. 另外想問渣馬，大富翁兩間比較，平均利率邊個好d,因為大富翁我不是新客戶，利率無7.xx，睇過只有5.xx,咁其實做大富翁定渣馬比較好

    • 大富翁利率基本上已經無再分新舊客。我文章標示都是舊客標準去寫~所以大家最高都可以去到6.28%的。
      App內顯示個個只係額外利率，你要自己加返0.875%先係最終利率丫。

  23. 想請問渣馬剛剛9月2日完了，已登記新一期大富翁是9月28日前存入，那麼中間這段時間可以做渣馬先，28號前轉入大富翁的話，咁轉走左渣馬還有利息嗎

      • 咁請問渣打開新馬拉松到9月27轉走去大富翁的話，未夠一個月都係有息嗎？因為大富翁9月28日前入錢，大富翁只有2%，渣打有3.1%之後一直放大富翁，但大富翁我不是新客戶，最後個期係無7.xx%,只有5.xx%,咁樣究竟渣打定大富翁比較好呢

  24. 想問下，我個大富翁計劃30/8到期，想再join 大富翁，咁係咪要29/8攞走錢，跟住30/8再入錢join 大富翁？請問30/8個新資金金額係咪會即時更新?

  25. 想請問下，假如我新加入左8月登記既大富翁，咁佢話到11月可以有X%，咁係計11月1可以拎返D錢走定係11月最後一日先可以拎錢走

  26. 31/7 清空了戶口, 1/8 再登記了大富翁, 是否 31/8 上午入新資金就可以? Thanks.

  27. 想問 螞蟻銀行 的存款寶 5萬以上每月有 3.8% 利息, 應該都算活期, 有伏嗎?

  28. 想問下我8月1先開嘅inmotion 戶口，如果想參加我富翁，係咪而家入落戶口嘅每一蚊都計新資金？
    同埋係咪28號前入哂錢會最穩陣？

  29. 今個月第一次玩大富翁, 係咪無得玩”加碼大富翁”, 要下個月先玩得? 如果係咁, 我7月30日仲使唔使轉走啲錢?

  30. 你好，我對信銀的新資金定義有啲唔明白，我想大富翁結束後下個月可以再參加，例如7月份31號系工作日，咁我應該系31號將資金轉走？或是30號就要轉走？

    • 如果你個計劃係31/7完結，想在8月在同一筆錢再參大富翁。你可以在31/7 (工作日) 轉數走，8月入返去就得。
      因為8月新資金對比日期係31/7日~

      • 請問需要銀行營業時間結束前轉走嗎？我上次試過最後一個工作日晚轉走但係下個月大富翁仍然計左上個月的結餘

  31. 如果大富翁月尾已經計左一筆新資金
    然後下一個月喺另一個戶口轉錢走，而個total balance係會少過上一個月尾個數，會唔會影響左大富翁果筆數？

  33. 請問如果我做緊一期大富翁將於五月尾完，那我可於30/5登記做新一期大富翁嗎？如可以，是否30/5轉走啲錢，再於30/6前入前落新大富翁戶口便可？

    • 不可以參加5月份的，如果想參加6月份，要係31號轉走哂D錢。6月先再入去。
      不過你可以考慮呢兩日轉去CITI做一個月定期/渣打馬拉松一個月先，6月尾先再入返去大富翁!

  36. 你好，我想請問大富翁個計劃係單利息定複利息計算？
    謝謝解答

    • 條款5講左：每日利息將以所適用之額外年利率及登記戶口內的每日日終之合資格新資金計算。
      因為合資格新資金個數值係首月鎖定了，中途只能減少不會增加，所以中間所獲得利息都不會有額外年利率。

  37. 你好，我之前未做過任何高息活期存款，想由2024年1月開始開高息活期存款
    想請問問

    1. 如果想有最高存款利率，係咪可以而家就開渣打馬拉松活期存款(3.7%)，之後係1月30前再轉入中信「大富翁存款」繼續做存款?

    例如存款10萬，而家將10萬放入渣打馬拉松活期，而家到1月29日都會有3.7%
    1月30日就將其中9萬轉到中信「大富翁存款」，1萬留係渣打去符合最低結存，其餘9萬就可以有平均4.83%利率直到4月30日?

    渣打10萬 3.7% (開戶到1月29日)
    渣打1萬 平均4.59% (1月30日到5月2日)
    中信9萬 平均4.83% (1月30日到4月30日)

    2. 另外想請問中信「大富翁存款」開戶後係咪可以隨時存入同埋提取資金? 如果可以，點樣理解入面所有金額都係新資金可以做到平均4.83%利率?

    例如上述例子咁，1月尾有9萬，2月提出4萬，係咪其餘5萬都可以根據每日日終資金享有計劃利率 (2.3%)? 再假設3月存入10萬，係咪全部15萬都可以有5%年利率?

    問題較多唔好意思，謝謝你!

    • Q1. 正確XD 你個做法非常之好，其他人都可以參考。不過如果唔想轉泥轉去，用建行無論邊一日開，按目前利率計係做到平均4.74%。也可以參考
      Q2. 只可以在首月入錢。Eg.我今日登記大富翁，由今日起計至30/1之間先可以入錢。2月/3月提左錢出泥就唔可以再入返去架啦!

  38. 如果今個月開立左渣打馬拉松 下個月想提取部分錢 係咪剩低（未提取）仲喺馬拉松戶口嘅錢可以繼續賺息？

  39. 想問一下我本身有個大富翁戶口, 一月尾先到期, 係咪要等到2月先可以join新一期? Thanks

  42. “注意返，要拎毛氈要擺足全期唔可以早走。”
    eg. 一般客戶80萬開戶, 之後拎走30萬, 維持50萬到期終, 應該可享魔雪奇緣毛氈一張嗎?

  43. 想請問一下，渣打高息馬拉松每個月頭都會派息
    咁派嘅利息係唔係以下個月嘅息率計算?
    因為以我嘅理解我係唔可以入新資金去高息馬拉松個戶口，但係上個月增長嘅利息又會入去呢個戶口，如果真係咁計法嘅話話算唔算叫做複息增長？ Thanks

    • 你唔可以入新資金，但銀行可以派息XD
      條款講係『為基準按日以複息計算』所以新派嘅息係會有利息，繼續滾存的。

  44. 相比以上幾個活期，大新360出糧仲有冇吸引力？建唔建議轉會？

    • 大新360仍然係最高喎！想懶唔做任務，當然係渣打馬拉松最抵。不過，大新係真。活期，日日都可出出入入做資金調動，更優勝的！

      • Thank you for your reply! 係做任務麻煩左少少咁囉 >< 加上而家度度都高息 不過靈活性高係真既！

  45. 關於呢個‘活期’大富翁，我問左個銀行小姐如果11月或者12月再入錢點計啊？佢話新客今日30/10最後一日入錢，之後入錢都唔得，之後要入嘅話就要做其他定期。咁同定期有咩分別？

    • 定期係定期，一定要到期先可以取回。大富翁可以隨時走人，如果11/12月再入錢可以再做當期的大富翁。不過如果中途又入下錢呢，新資金個到會好難搞，有D早開始有D遲開始，唔容易管理。

  46. 想問如果係信銀國際新客戶想登記大富翁，係咪姐係只要28/9前存入假設十萬，phase1 就會有2.175%，然後30/10晚搬走晒D錢，1/11放返入大富翁戶口phase2就會拎到3.455%，如此類推，29/11搬走1/12入返就攞埋phase3嗰 7.28%⋯⋯擺埋 31/12 就OK，有理解錯嗎？🙏🏻

    • 唔係唔係。整個計劃長3-4個月。你在28/9前存入假設十萬，利率如下：
      登記日至2023年10月31日=2.175%
      2023年11月1日至30日=3.455%
      2023年12月1日至31日=7.28% <新客

      中間唔洗出入錢。記得! 一出左錢就玩完。
      但如果你一月想繼續做29-30/12要轉走哂D錢! 一月再入錢。

      • “中間唔洗出入錢。記得! 一出左錢就玩完。”
        請問佢本身係活期 中間出錢係咪都無收費
        如果中間出左錢係咪就係計淨返O係戶口O個D 會繼續收到呢個息?

      • 蛋黃哥 咁第1個月息低，可唔可以之後第3個再加多啲存款 食佢個高息 ， 定一開始就要放定？

Leave a Reply

Your email address will not be published. Required fields are marked *