渣打馬拉松專享：如果你有用渣打出糧戶口 [個個月可以送里數，你又有無玩？]，存款50萬或以上擺足全期就可以有額外$800現金獎賞。如果以$50萬計，加埋呢$800現金獎賞利率即刻升到4.34%，比起其他兩間仲高呀！如果你無出糧戶口就要放$100萬先有額外現金獎賞，平均利率換算4.03%。所以今期隱藏最強選擇係放50萬在渣打，食盡4.34%年利率！
高息活期存款咩玩法？定期存款定活期存款好？
高息活期存款係有部份定期嘅概念元素喺度，因為佢哋嘅計劃通常係頭嗰一兩個月係比較低息，最後一個月高息，拉勻黎計，令到平均利率可以同三個月嘅定期存款利率差唔多。活期顧名思義就係佢哋可以隨時提早攞錢走。利息佢哋係每日計算，每月月尾會派一次。下面會同大家做一個活期存款比較！
踏入2024年中，減息嘅日子好似愈來愈近，甚至中長期定期利率，比短期利率更低。既然中長期利率都無短期利率咁高，點解會考慮以下計劃？一般做定期存款會犧牲咗資金嘅流動性。同埋，如果股市突然一片暢旺，睇下港股最近兩星期幾有行情、幾火爆，你舊錢做晒定期，冇流動資金就會錯過機會了。所以我一般都係會主張做高息活期。高息活期息率一點也不比定期輸蝕。
依家市面上相類似計劃有三間主流銀行有提供，分別係渣打、建行亞洲及中信銀行國際。渣打叫高息馬拉松存款，詳細玩法，建行亞洲叫月月增息，而信銀國際叫大富翁存款/中信大富翁，詳細玩法。一般我哋開立呢啲存款都會喺月底開始做，咁樣就可以縮短存款期令到成個計劃嘅利率拉勻係最高。
每個計劃夠竟收到幾多息？即睇活期存款比較！
以下個Excel粗略地幫大家比較同計算咗2024年5月份嘅高息活期存款計劃。利率趨跌已經成為常態了，今個月比上個月跌幅明顯。只有信銀仲KEEP到係4.14厘左右。明明美國步息步伐都唔似會咁急，你地睇下啲美債/iBond個啲個價已經回落不少！Anyway，最高峰嘅高息日子已成過去，今個月信銀國際嘅大富翁存款嘅利率仍然比其他兩間優勝。
主流三間高息活期存款同現時三個月嘅定期存款利率差唔多。不過中信大富翁最高，可以有大約4.14厘左右！其餘兩間都已經跌破了4厘了。幸好，呢啲計劃活期利率都仲係比Mortgage-Linked Account更高(約3.375%)。由於建行亞洲計劃去到5月16日，之後利率或者有變。以下計算按現時推出的利率作比較。想開建行亞洲月月增息就快手，隨時變。
(實際日子需參考官方網頁)
中信大富翁只要由5月30日起計擺94日左右就可以得到大約最高嘅$1065利息。不過如果擺一兩個月，短期利率，渣打馬拉松都仲係最好。渣打呢方面真係幾好，佢幾期個利率相對平均，又唔洗做任務已經3.2-3.4%，非常適合短打。短期除左可以考慮渣打之外，Citi一個月定存息率一直出哂名高，也可以納入考慮。以上圖表全部以現有客戶計算，唔洗驚你無份。所以今個信銀大富翁都好值得考慮！
頭一個月唔想硬食低息又多一個選擇，大家可以泊係Mox Bank。Mox嘅活期存款基本年利率係1.5%加上做一個兌換外小小任務就可以額外多1.5%年利率，加埋就有3%啦！真活期。可以自由出入。上限更加增至HKD3,000,000內的港元存款。即睇文章。
全部都要新資金，哪裏來的新資金？
要有新資金，首先我哋要知道每間銀行最新資金嘅定義。如果清楚了解，你同一舊錢幾時都係新資金！
- 渣打：開立指定戶口當日及前4個工作天結餘對比。
解說：即係如果你用渣打的話，只需要將現有資金轉走去第二間銀行大約一星期，再次存入就係新資金啦 (其實即走即入都得，試下就知架啦)。 - 信銀國際：與上個月最後一日嘅工作日嘅結餘對比。
解說：信銀國際嘅話只要你喺每月嘅最後一個工作日都Keep住銀行結餘係$0，你喺下個月入嘅每一蚊都係新資金。 - 建行亞洲：無清楚列明新資金要求
注意：
提提大家參加中信大富翁後記得係要放錢係相應嘅戶口，有啲人可能有幾個戶口，登記後係APP個到會見到有寫住邊個係『大富翁存款』戶口。中信條款及細則註明截止登記日期時間係29/4下午8點！唔好做Deadline fighter。最後大家可以去呢度睇吓依家嘅定期存款利率究竟抵唔抵做啦！不過我自己都係鍾意活期多啲，起碼賺左流性丫嗎。
官方推廣頁面：建行「月月增息儲蓄戶口」、渣打高息馬拉松活期存款、中信「大富翁存款」
最新條款及細則：渣打、建行亞洲及信銀國際
過往月份的利率資料
同場保留往月的高息活期存款利率走勢及比較。
過往月份的條款及細則
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 02/05/2024 by 蛋黃視野 ***
感謝你的資訊。
你好，我想請問大富翁個計劃係單利息定複利息計算？
謝謝解答
條款5講左：每日利息將以所適用之額外年利率及登記戶口內的每日日終之合資格新資金計算。
因為合資格新資金個數值係首月鎖定了，中途只能減少不會增加，所以中間所獲得利息都不會有額外年利率。
你好，我之前未做過任何高息活期存款，想由2024年1月開始開高息活期存款
想請問問
1. 如果想有最高存款利率，係咪可以而家就開渣打馬拉松活期存款(3.7%)，之後係1月30前再轉入中信「大富翁存款」繼續做存款?
例如存款10萬，而家將10萬放入渣打馬拉松活期，而家到1月29日都會有3.7%
1月30日就將其中9萬轉到中信「大富翁存款」，1萬留係渣打去符合最低結存，其餘9萬就可以有平均4.83%利率直到4月30日?
渣打10萬 3.7% (開戶到1月29日)
渣打1萬 平均4.59% (1月30日到5月2日)
中信9萬 平均4.83% (1月30日到4月30日)
2. 另外想請問中信「大富翁存款」開戶後係咪可以隨時存入同埋提取資金? 如果可以，點樣理解入面所有金額都係新資金可以做到平均4.83%利率?
例如上述例子咁，1月尾有9萬，2月提出4萬，係咪其餘5萬都可以根據每日日終資金享有計劃利率 (2.3%)? 再假設3月存入10萬，係咪全部15萬都可以有5%年利率?
問題較多唔好意思，謝謝你!
Q1. 正確XD 你個做法非常之好，其他人都可以參考。不過如果唔想轉泥轉去，用建行無論邊一日開，按目前利率計係做到平均4.74%。也可以參考
Q2. 只可以在首月入錢。Eg.我今日登記大富翁，由今日起計至30/1之間先可以入錢。2月/3月提左錢出泥就唔可以再入返去架啦!
Q.1 唔岩, 唔需要留1萬o係渣打, 可以全數轉去中信無影響, 咁先係最高息組合, 渣打馬拉松係活期存款, 無”最低結存”要去符合
謝謝指正不足地方^^ 大家可作參考!
如果今個月開立左渣打馬拉松 下個月想提取部分錢 係咪剩低（未提取）仲喺馬拉松戶口嘅錢可以繼續賺息？
可以呀! 繼續有息的。只可出，不能入。
想問一下我本身有個大富翁戶口, 一月尾先到期, 係咪要等到2月先可以join新一期? Thanks
是, 同時間只能JOIN一期。如果想取消要落分行搞。
月月增息係咪同馬拉松一樣，可以提早轉走D錢而無罰息？
正確，可隨時走人。不過今日已經減左少少息LU…
想請問可否比較埋星展銀行？
謝謝
你是指星展 e$aver計劃?
“注意返，要拎毛氈要擺足全期唔可以早走。”
eg. 一般客戶80萬開戶, 之後拎走30萬, 維持50萬到期終, 應該可享魔雪奇緣毛氈一張嗎?
同意, 留50萬以上，符合佢最低領獎要求。
Thanks!!
想請問一下，渣打高息馬拉松每個月頭都會派息
咁派嘅利息係唔係以下個月嘅息率計算?
因為以我嘅理解我係唔可以入新資金去高息馬拉松個戶口，但係上個月增長嘅利息又會入去呢個戶口，如果真係咁計法嘅話話算唔算叫做複息增長？ Thanks
你唔可以入新資金，但銀行可以派息XD
條款講係『為基準按日以複息計算』所以新派嘅息係會有利息，繼續滾存的。
相比以上幾個活期，大新360出糧仲有冇吸引力？建唔建議轉會？
大新360仍然係最高喎！想懶唔做任務，當然係渣打馬拉松最抵。不過，大新係真。活期，日日都可出出入入做資金調動，更優勝的！
Thank you for your reply! 係做任務麻煩左少少咁囉 >< 加上而家度度都高息 不過靈活性高係真既！
其實按返我大新360個篇野跟住做，其實都無乜難道。大額的話係好值得考慮!
關於呢個‘活期’大富翁，我問左個銀行小姐如果11月或者12月再入錢點計啊？佢話新客今日30/10最後一日入錢，之後入錢都唔得，之後要入嘅話就要做其他定期。咁同定期有咩分別？
定期係定期，一定要到期先可以取回。大富翁可以隨時走人，如果11/12月再入錢可以再做當期的大富翁。不過如果中途又入下錢呢，新資金個到會好難搞，有D早開始有D遲開始，唔容易管理。
想問如果係信銀國際新客戶想登記大富翁，係咪姐係只要28/9前存入假設十萬，phase1 就會有2.175%，然後30/10晚搬走晒D錢，1/11放返入大富翁戶口phase2就會拎到3.455%，如此類推，29/11搬走1/12入返就攞埋phase3嗰 7.28%⋯⋯擺埋 31/12 就OK，有理解錯嗎？🙏🏻
唔係唔係。整個計劃長3-4個月。你在28/9前存入假設十萬，利率如下：
登記日至2023年10月31日=2.175%
2023年11月1日至30日=3.455%
2023年12月1日至31日=7.28% <新客
中間唔洗出入錢。記得! 一出左錢就玩完。
但如果你一月想繼續做29-30/12要轉走哂D錢! 一月再入錢。
“中間唔洗出入錢。記得! 一出左錢就玩完。”
請問佢本身係活期 中間出錢係咪都無收費
如果中間出左錢係咪就係計淨返O係戶口O個D 會繼續收到呢個息?
出錢唔會有任何收費呀。
正確! 之後利息就會淨係計戶口餘下資金。