如果大家用開中銀信用卡簽賬或者用中銀卡月供股票，一定會草草埋埋唔少嘅積分。無錯，中銀嘅月供股票係可以用信用卡供嘅。如果你已經連續供左24個月以上的話，供款金額：信用卡簽賬積分就可以達到1:1，每月最多可獲取10000分(基本已相等於$40蚊)。所以如果你有月供股票習慣，一定要用信用卡供，供10000蚊中銀收你$50收續費，已經回贈返$40蚊比你。非常著數。遲下再詳細講。今集先講講中銀個獎分簽賬得FUN計劃，計劃中嘅分可以積分當錢使/現金回贈/飛行里數/電子禮券嘅重點。
簽賬得分三揀一 現金回贈、飛行里數、電子禮券
登入手機銀行，在選擇>信用卡>換領積分畫面。一目了然可以見到你各張中銀卡嘅積分結餘同埋你嘅持期年期。按立即換領，可以見到中銀卡積分依家可以換呢三樣嘢：現金回贈、飛行里數、電子券。
- 現金回贈方面：一般中銀信用卡積分兌換一般比率為25000分等於$100。不過如果你年資夠11年或以上（所以信用卡係要做早早申請），你嘅兌換比率就係20000分等於$100。
- 飛行里數方面：可以換取三個飛行伙伴計劃嘅里數分別係亞洲萬里通(7500分=500里)、中國東方航空(東方萬里行：6000分=500里)、中國國際航空(鳳凰知音：4000分=500里)。
- 電子券：一般係百佳/屈臣氏，兌換比率跟換現金一樣，不如直接換現金。
簽賬得FUN計劃 – 積分當錢使至抵用法 – 實際操作參考
車，搞咁多做乜直接用換現金回贈咪得囉，簡單直接。梗係唔好啦，呢篇嘢係就係教你點樣用換分換到最抵！基本方程式：驚喜星期五 + BOC Pay推廣。係驚喜星期五用積分抵鎖簽賬可以８折積分當錢使。如果你年資達11年或以上，再８折！即係160分就=$1了。加強版方程式：BOC Pay推廣 + 驚喜星期五 + 年資，三樣嘢加埋既Combo Hit。就抵上加抵，可以睇睇以下例子，以下例子係用年頭七折嘅驚喜計算。
以下例子就係2023年1個月嘅實際操作，不過有少少唔同，1月係歷史以來有七折嘅驚喜(依家做八折)。
用左加強版方程式：BoC Pay推廣 (屈臣氏買滿$200減$20) + 驚喜星期五 + 年資。當日我就買左屈臣氏禮券，只係用咗25200分就買到面值$200禮券(如八折計所需分數為28800分)，如果正常兌換現金只可換到$100左右，係咪差得遠呢？仲有唔好忘記屈臣氏每一個月某啲日子仲會做88折，買左券之後總會做機會係屈臣氏買野瓜？方法就係咁，其他玩法就自己可再推而廣之。大家可以再留意下BOC PAY優惠。
中銀Cheers Card強勢登場！可達相等於6.25%嘅錢積分回贈
啱啱中銀整合左中銀理財Visa Infinite Card，變左做Cheers Card VI/VS。喺餐飲方面，同之前一樣保持返有10倍積分，不過呢張卡加入左更多嘅旅遊元素，張卡佢喺旅遊簽證方面都可以有10倍積分！不過就有最低門檻，每個月要簽夠$5000嘢先可以獲得額外獎分。($5000簽賬要求暫時豁免至2024年嘅7月31日)。所以呢一刻好抵簽。
又同大家計計數，假設簽$2500蚊，10倍積分即係有25000分！一般可以兌換$100，即相等於4%回贈。如果你持卡11年或以上，即等於5%回贈！又再如果你有年資夾埋驚喜星期五用分，就等於6.25%回贈啦！結論？中銀卡盡早申請啦！計年資的。除咗張卡嘅基本回贈，加埋20倍狂賞派更加抵(29倍分)，即可以高達18%現金回贈，呢篇就先重溫一下中銀積分點玩，Cheers Card介紹在此！
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 07/02/2024 by 蛋黃視野 ***