精選電器商戶信用卡優惠 (7-8月) – 豐澤/百老匯/衞訊推廣詳情

買家庭電器同埋電話(iPhone)電腦筆電呢啲大額消費,去得大型連鎖店買就一定要留意佢地嘅信用卡優惠!因為一般都可以大約有5-6%左右嘅回贈。既然都要消費,當然係要碌返相關信用卡。留意電器商戶信用卡優惠,隨時隨地唔覺意可能會發掘到信用卡創富機會架。
精選電器商戶信用卡優惠7-8月份

留意電器商戶信用卡優惠小攻略

買家庭電器同埋電話iPhone、電腦、筆電呢啲大額消費,如果大家唔係去細鋪仔嘅話就應該最常去既當然係大型連鎖店買。去得大型連鎖店買就一定要留意佢地嘅信用卡優惠!因為一般都可以大約有6%左右嘅回贈。既然都要消費,當然係要碌返相關信用卡。佢地一般會每兩個月就會輪換。留意主流電器商戶同唔同信用卡做嘅優惠,隨時隨地唔覺意可能會發掘到信用卡創富機會架。

豐澤信用卡優惠推廣詳情 (恒生HASE)

  1. 推廣期:2024年7月1日至8月31日
  2. 回贈日期:2024年11月份內存入
  3. 推廣條款及細則:按此 及 官方登記 或 致電2998 6000,揀語言後按「2」字
豐澤回贈表 July 2024

會員計劃:蛋黃一向都比較喜歡選擇喺豐澤買家庭電器,價格上冇特別貴,有時計埋信用卡回贈,限時推廣,分分鐘同細舖都有得比㗎。不過豐澤吸引嘅原因主要係佢附有嘅豐澤 i-Coin 計劃i-coin 2024-25年度有新玩法。大家只要於豐澤累積滿兩次消費記錄,其中一次單一消費滿$1000蚊,草夠足夠數量嘅i-coin就可以兌換禮品啦。所以大家可以留意下i-coin計劃。另外,豐澤屬屈臣氏集團下公司,可以順手草埋MoneyBack易賞錢積分。例如:消費$10000可獲1000分(易賞錢當錢使等值$20,即0.2%回贈)。

重點重點:玩今期豐澤一定係用MMPower在豐澤網店消費。因為仲有基本卡嘅5%網上購物+FUN Dollars回贈。當你簽$8000,全數已經係8.5%回贈啦。恒卡推廣可以玩卡海,每個信用卡賬戶計算。

T&C 25:每個信用卡戶口於是次推廣每月最多可獲額外$400 +FUN Dollars;整個優惠期內最多可獲額外$800 +FUN Dollars。

百老匯信用卡推廣詳情 (滙豐HSBC)

  1. 推廣期:2024年7月1日至8月31日
  2. 回贈日期:2024年11月份內存入
  3. 推廣條款及細則:按此 及 滙豐Reward+應用程式登記
2024-07-03 百老匯回贈表 July 2024

會員計劃:好似無咩亮點。草分換禮品。

小提示:配合最紅自主獎賞嘅『賞家居』,加以Visa Signature做簽賬可有額外3.6%獎賞錢回贈。想拎到最盡?簽賬滿$11667,就可以拎到最紅自主獎賞3.6%+百老匯推廣6%獎賞錢回贈啦。全數加埋9.6%,接近9折,你話抵唔抵?

衞訊信用卡推廣詳情 (Citi Visa限定)

  1. 推廣期:2024年7月1日至8月31日
  2. 回贈日期:即時折扣!!
  3. 推廣條款及細則:按此 及 毋須登記
衞訊回贈表 July 2024

會員計劃:衞訊都係有一個門市會員計劃(同eshop分開),消費滿$250可以1 Wilson Dollar (即0.4%回贈)。Wilson Dollar可於下次消費當錢使,仲有生日優惠,去到金會仲有免費MON貼送。詳情可以去呢到睇下。衞訊都係蛋黃喜愛嘅零售商之一。

小提示:即時折扣爽歪歪,唔洗等事後回贈唔記得左。用咩卡簽好?根本無乜得揀,好似Citi卡都已經轉哂做Master卡了。我稔可以考慮下用HKTV Mall卡做簽賬,逢星期一簽賬可以有5X積分(相等於2%現金回贈)。加埋信用卡基特色式都唔夠6%回贈,今期力度好似唔夠大!


借定唔借?還得到先好借!

喜歡❤️我地既內容👨‍🏫又想支持我地🙌,Patreon頻道已經啟動啦,想收到第一手資訊,可以立即Subscribe蛋黃視野Patreon
你的支持是我們的動力💫✨。大家都可以Like and Follow Facebook !!

本網盡量確保以上資料準確,若任何資料與你到訪的金融機構、服務供應商或特定產品網站有所出入,所有金融產品和服務均以金融機構的版本為準,使用該服務前請參閱相關金融機構網站的最更新版本之產品資訊及條款細則。如資料有誤,歡迎指正。

本文件中如有類似前瞻性陳述之內容,此等內容或陳述不得視為對任何將來表現之保證,且應注意實際情況或發展可能與該等陳述有重大落差。

*** Last Updated on 04/07/2024 by 蛋黃視野 ***

Leave a Reply

Your email address will not be published. Required fields are marked *