最新定期存款利率，邊一間比較高？人人適用 2024。附各銀行新資金定義！即刻同你篩選！每週更新
雖然蛋黃好主張做高息嘅活期存款類型嘅計劃，但係高息嘅定期存款，一般都要做一啲任務，要細閱條款及細則。有啲人會驚做錯，達唔到現金獎賞要求，所以決定一切從簡淨係做定期存款。亦都因為咁，為咗滿足各讀者嘅需要，以下呢篇會篩選咗，近期最新嘅定期存款利率/優惠。文章內容唔會包新客優惠、特選客戶等，務求人人都啱睇！
最新定期存款利率表 – 每週更新
以下同大家篩選咗幾間值得留意嘅銀行，話俾大家知最新嘅定期利率係幾多！（只供參考；實際當然參考返銀行利率）注意返，因為利率好多時都需要新資金！
| 銀行 / 存款期 | 一個月 | 三個月 | 六個月 |
|---|---|---|---|
| Citibank | 3.33% | 3.03% | 2.85% |
| 信銀 | 2.10% | 3.65% | 3.65% |
| 工銀 | 3.30% | 3.45% | 3.30% |
| 滙豐 | — | 3.20% | 3.20% |
| 恒生 | — | 3.40% | 3.20% |
| 中銀 | — | 3.30% | 3.20% |
大家要留意返以下事項：
- Citi無分新唔新資金。其他一般都要係新資金，舊資金會低啲，新資金定義！
- 信銀有時新資金同舊資金都已經睇齊利率，所以如果你係舊資錢又想定期，都可以望望先。
- Citi利率大家都知分左幾個Tier，蛋黃只是中間層，如果你見到你嘅利率高/低過我都唔洗驚訝。
- 以上利率表假設以10萬元開立定期存款，不過好多都1萬蚊起就做到。
- 如果你係高級理財戶口，利率會再多0.05% – 0.3%都唔出奇。例如：HSBC卓越理財高0.3%。
資料來源：Citibank App、信銀國際App、滙豐、恒生、中銀、工銀亞洲
定期存款策略 分段做 資金靈活周轉
定期存款係乜？應該都唔使同大家介紹。就係擺啲錢喺度唔郁，銀行會俾返相應嘅利息你。過程中唔可以提早走，一早走就罰得你好金！所以大家肯定啲資金唔使周轉先好走去做定期存款。不過又唔使擔心，大家可以將一嚿資金分開三份，以做三個月定期為例，大家可以每個月做一份定期！咁樣就可以Keep住每月就會有資金釋放！滿足大家嘅資金周轉需求，週而復始實行個個月收息。
新資金點樣定義？間間都唔同！
- 滙豐：指您名下所有存款戶口的最新存款總結餘與7個曆日前的存款總結餘對比所增加的金額
- 恒生：指客戶之最新存款總結餘與15 曆日前之同一貨幣結餘對比所增加之金額，扣減15曆日內已享用新資金優惠之定期存款本金總額。
- 中銀：指客戶之即時存款總值與上月月底同一貨幣存款總值對比所增加之金額，扣減當月內同一貨幣已享用所有新資金優惠之定期累計本金金額。
- 信銀國際：指上一個銀行營業日（「參考日」）之存款結餘總額減去參考日的上月最後一個銀行營業日之存款結餘總額的淨增長。信銀國際新資金顯示要等一日！
- 工銀亞洲：指客⼾之最新存款總餘額與上曆月底之存款餘額對比所增加之⾦額。
突破新資金限制：間間都話要新資金，邊得嚟咁多新資金姐。其實如果你有額外週轉資金，先入錢去戶口，敍造定期後再調動返舊有資金就可以了。所以要達到新資金並不是很困難的事。
因為能力所限，以上主要篩選左本地三大銀行同埋三間蛋黃覺得會留意嘅銀行嘅最新定期存款利率。不過如果你想搵埋其他銀行，懶人包在此。各銀行新資金定期存款優惠傳送門：滙豐、恒生、中銀、渣打、東亞、星展、工銀亞洲、富邦、南洋商業、華僑商業。
最後，如果唔想比定期限死左，驚隨時要用錢，大家都以參考以上隨時走佬嘅高息活期計劃。中信大富翁；渣打馬拉松。
借定唔借？還得到先好借！
喜歡❤️我地既內容👨🏫又想支持我地🙌，Patreon頻道已經啟動啦，想收到第一手資訊，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 02/09/2024 by 蛋黃視野 ***