如何買美債US Treasury Bond？美國國債買賣詳細教學、基本背景資料。盈透IB選擇多，富途老虎易操作！

美國國債(US Treasury Bond)係美國政府發行嘅長期債券，一般都係為政府籌旗而發行債券。只要你相信美國唔爆煲，美國國家債券被譽為全球市場上最安全，流動性佳嘅債券之一。簡單講解吓美國國債，一般分為三款：短期債券T-Bills、中期債券T-Notes、長期債券T-bonds，對於收息嘅大家三款債券最主要嘅分別就係年期嘅長短、同埋受益率嘅唔同。文章主要講解返美國國家債券買賣教學，美國債券點樣買？

美國國債買賣詳細教學 高收益必做

現時全球金融狀況變幻莫測，自己一般最長都只會揀三年期以內嘅債券買賣。今時今日中短期國債一般收益率都可以達到5%或以上，絕對係贏哂所有存款產品。而且中短期嘅國債價格受市場利率嘅影響比較細，唔太驚個價格跳上跳落。所以持有美元嘅朋友都可以考慮以美國國債取代部分定期存款去做。美國國債流動性高隨時可以套現，比定期靈活性更高。長期國債則會較受市場利率影響，如果你相信美國息率見頂，現時投資稍長少少年期嘅美債都係合適的。

美國國債嘅年期由一個月去到幾十年都有。短期T-Bills以折讓價買入，直到持有到期收返票面值，T-Notes就會定期每6個月派息一次。咁我地可以點樣去揀我地想買嘅債券？一般都係睇收益率(孳息率)、到時日等等。即刻睇下點樣去揀啦。

盈透IB美債選擇多 琳瑯滿目

首先去搜尋返”United States Treasury”，入到去之後如果想揀短期債券，即係T-Bills，可以在Type個到篩選顯示”Bills”，然後下面就會顯示出相關嘅債券項目。產品上顯示個日期就係到期日。揀好左年期之後撳入去買賣，就會見到相關產品資料，亦都可以見到以現價買入嘅相關收益率係幾多。揀啱就可以買啦，最少買1000USD面值嘅債券! 如果想收益率排序，就只能用TWS (Trader Workstation) 入面嘅Bond Scanner去設定了。交易成本為0.002% x 面值，最低收費為5美元。抵！

富途老虎介面簡單 適合新手使用

係放大鏡入面揀債券一項，一入去已經會見到美國國債然後，富途老途就無用T-Bills T-Notes呢啲字眼，直接寫中文取代，入到去可以按到期收益率去排列。隨意揀一隻國債後可以見到交易規則、佣金、平台使用費等資料。明碼實價真係啱哂貪方面嘅人。不過兩間比較目測就係老虎平台費嘅最低消費會稍高一點。另外，富途自己都有篇好詳細介紹美國國債嘅文章，入面提到一些策略，以「債券梯」(Bond Ladder)製造穩定的現金流。

如果有富途戶口、老虎戶口，開戶迎新推廣可以睇睇，都是值得擁有的證券戶口之一。

以前買美國國債未係咁方便個陣，應該都無咩人會留意。不過，互聯網券商發展一日千里，今時今日買賣美國國債就係咁簡單。將你閒置資金買賣短期美國國債就輕易賺取5厘之上嘅回報啦。

如果想買港元政府債可見文章。

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

借定唔借？還得到先好借！

喜歡❤️我地既內容👨‍🏫又想支持我地🙌，Patreon頻道已經啟動啦，想收到第一手資訊，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 10/06/2024 by 蛋黃視野 ***