東亞日 BEA Days – 餅店、快餐店(包括咖啡專門店)及特選交通出行類別12%回贈 – 雙食i-Ti能高達16%

東亞日推廣大大話已經推出左幾年，初初直頭派錢咁派，極容易就賺到可觀回贈。往事只能回味，推出左幾年，講嘅人少左，東亞日都漸漸被遺忘了。蛋黃就拎出嚟同大家重溫一下，東亞日！東亞日最大嘅特點就係指定舖頭可享12%現金回贈，分別係餅店、快餐店（包括咖啡專門店）及特選交通出行類別。即刻同大家深入重溫一下啦。

指定類別12%回贈 每月最多可獲0

• 優惠期：2024年1月1日至6月30日
• 每月該卡賬戶累積合資格零售簽賬滿港幣$4,000¹或$2000²，透過指定手機付款/電子錢包付款的指定類別即可享12%現金回贈。
  • 餅店
  • 快餐店
  • 咖啡專門店
  • 特選交通出行類別（包括但不限於巴士、港鐵、的士應用程式及油站）
• 每月卡賬戶計算現金回贈上限：$100
• 每月簽賬上限：$833
• 回贈日期：首季簽賬會在5月內回；第二季簽賬會在8月內回贈
• 登記方法：BEA App入面登記

1. World Elite Mastercard / World Mastercard / Visa Signature 卡 / 雙幣鑽石卡：HK$4,000 或以上 ↩︎
2. 白金卡 / i-Titanium 卡 / BEA GOAL 信用卡 / 金卡 / 普通卡：HK$2,000 或以上 ↩︎

每個賬戶獨立計算 卡海必勝

其實佢呢個推廣好似Citi八達通卡咁樣，因為大家都要有最低消費後先可以享有指定項目高回贈。有低消點搞呀大佬，想簽卡個陣東亞卡都未必係首選啦。不過其實東亞今年有張卡好易做到！登登登登，當然係i-Titanium卡。此卡係手機付款都可以有4%現金回贈，而且佢係今年唯一可以簽比較大額嘅手機支付卡。所以我相信要達到$2000嘅門檻一啲都唔困難。如果真係有困難，咪搵啲電子錢包幫下手囉，仲有機會食埋4%網上簽賬回贈添。(不過AlipayHK已經宣佈封左信用卡免費轉賬，三月開始收你巨額手續費)條款4都寫左話電子錢包係計累積簽賬額。提提大家，此推戶係以每個卡賬戶計算，如果你成日簽東亞卡，絕對要記得分開卡玩。可以卡海。

東亞日 BEA Days雙食信用卡基本特色

東亞日基本有12%回贈，i-Titanium卡手機支付都有4%現金回贈。兩者加埋就16%啦，無錯可以雙食。其實i-Titanium卡完美地幫助你每日早餐所需！你要日日買呀活早餐？大家樂？美心包？Starbucks買杯咖啡？通通可以有84折！反正都要比，點解唔比得Smart啲！呢啲位絕對係聚沙成塔的小習慣。不過，i-Titanium卡已經無得申請住了！估計今年淨得佢有高額手機支付功能比大家Chur爆左！

其中的士應用程式都值得留意，唔知各位網友們有無試過呢？大家最常用應該就係Uber或者HK Taxi，如果i-Titanium卡食到16%都歡迎同大家分享，蛋黃稍後再試試！如果知道有就留言分享我地知。^^

不過如果你用World Mastercard或銀聯雙幣鑽石卡玩東亞日就太困難了，因為門檻要$4000蚊。我唔得姐XD你得就得XD 今年上半年飯卡一定係Cheers Card，所以World Mastercard個張基本上難達到。銀聯雙幣鑽石卡都話容易少少，可以配閃付雲繳下雜費。即刻重溫下銀聯雙幣鑽石卡特點。

• 海外/網上外幣簽賬4%回贈（共10X獎分，包括9X額外回贈獎分及1X基本回贈獎分）
• 人民幣簽賬4.8%回贈（共12X獎分，包括11X額外回贈獎分及1X基本回贈獎分）
• 使用雲閃付APP簽賬可享額外0.4%回贈（額外1X獎分）

東亞日推廣受條款及細則約束。信用卡禮遇及簽賬獎賞之條款及細則。

借定唔借？還得到先好借！

喜歡❤️我地既內容👨‍🏫又想支持我地🙌，可以立即點擊Buy me a coffee☕️。
你的支持是我們的動力💫✨。

想收到第一手資訊，立刻LIKE同FOLLOW 蛋黃視野FACEBOOK !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 12/03/2024 by 蛋黃視野 ***