中銀Cheers Card – 旅遊外幣簽賬及全球餐飲必備 – 免費與親友同行使用機場貴賓室 2025

中銀 Cheers Card 唔經唔覺已經面世超過一年時間，Cheers Card在旅遊外幣以至全球餐飲簽賬的確係無懈可擊。開心嘅事，千祈唔好俾佢停！以一般嘅標準配置去解構Cheers Card會話返你知可以做到高達HK$1.5/里或者相等於4%現金回贈(Visa Infinite) 或者 HK$1.9/里或相等於3.2%現金回贈 (Visa Signature)。不過配合埋狂賞派推廣活動，最終可得到嘅簽賬回贈其實可以係更高！蛋黃帶你深入了解Cheers Card，相信你會對呢張卡興趣大大提升！

中銀Cheers Card – 外幣簽賬加上全球食肆餐飲專屬

• 優惠期：2023年7月27日 至 2025年6月30日
• 主要特色：合資格餐飲簽賬及外幣零售簽賬可享高達10X積分
  • Cheers Visa Infinite Card (VI)：10X （相等於4%現金回贈或$1.5/里）
  • Cheers Visa Signature Card (VS)：8X （相等於3.2%現金回贈或$1.9/里）
• 每月回贈上限(包括基本積分)：300,000分 (VI)、180,000分 (VS)
  • Visa Infinite Card 分部上限
    • 餐飲簽賬：首 HK $10,000 合資格餐飲交易 (100,000分)
    • 外幣零售簽賬：首 HK $25,000 合資格旅遊交易 (250,000分)
  • Visa Signature Card 分部上限
    • 餐飲簽賬：首 HK $7500 合資格餐飲交易 (60,000分)
    • 外幣零售簽賬：首 HK $18750 合資格旅遊交易 (150,000分)
• 回贈日期：於交易月份的下一個月內誌入合資格的主卡賬戶
• 其他Cheers Visa Infinite Card專享特色
  • 每季度簽賬滿HK$15,000可免費享用機場貴賓室服務2次，同行賓客可同時使用；新開卡即可享免費服務2次，其後每年亦可享免費服務2次(毋須簽賬)
  • 於Hotels.com預訂同一酒店4晚或以上75折
  • 於卡塔爾航空指定網站預訂機票85折
  • 高級食府指定餐牌買一送一優惠
  • 憑卡簽賬可享免費人身意外保險
  • 豁免里數兌換手續費
  • 首年免年費
• 注意事項：每月累積零售簽賬滿HK$5,000，相關簽賬才可享額外積分 (有5%紅日狂賞派幫手，達到$5000不是難道)

配合狂賞派推廣 餐飲網上疊加獎賞

上面提到Cheers Card喺外幣簽賬同埋餐飲簽賬中有高達10X積分獎賞。如果配合VISA狂賞派推廣活動，究竟有咩範圍可以享受到疊加獎賞？狂賞派推廣活動中嘅網上簽賬類別有外賣餐飲同埋機票酒店。即係以下兩種情況可以疊加狂賞派推廣+Cheers基本特色：

• Foodpanda / Keeta等外賣平台 (網上 + 餐飲)
• 以外幣結算的機票酒店/超市百貨嘅網購 (網上 + 外幣)

「狂賞飛」！外地簽賬高達6%回贈！

今年中銀兄嘅外幣推廣活動獨立左出嚟，唔再歸入狂賞派活動，推廣叫做「狂賞飛」。門檻亦相對提高左。Cheers卡在外幣旅遊簽賬方便可以有10X積分，如果配搭埋「狂賞飛」玩，都叫做吸引，抵銷左外幣匯率手續費1.95%！記得係實體店！實體店！實體店！

• 第一推廣階段：2025 年 1 月 1 日至 3 月 31 日
• 第二推廣階段：2025 年 4 月 1 日至 6 月 30 日

---

借定唔借？還得到先好借！借錢梗要還，咪俾錢中介。

喜歡❤️我地既內容👨‍🏫又想支持我地運作🙌，Patreon頻道已經啟動啦，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook 或者加入免費TG頻道討論!!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

本產品所提供的開戶額外獎賞禮品由MoneyHero提供及負責，有關獎賞換領需受有關條款及細則約束。

*** Last Updated on 13/04/2025 by 蛋黃視野 ***