信用卡繳費優惠皇者 Citi銀聯配Citi八達通卡 2023 [10月起不適用]

平時每個月屋企水電煤，差餉，同一般政府繳費單，呢啲繳費支出，究竟我哋可以用咩信用卡去繳費以賺取最高嘅信用卡回贈？反正呢啲已經係固定支出，點樣喺固定支出入邊忙得最大嘅回報。今日蛋黃就話你知啦信用卡繳費優惠皇者 – Citi Rewards銀聯信用卡!!

信用卡繳費優惠皇者 – Citi Rewards銀聯信用卡 [已完結]

綜合坊間現在推薦一般都係用AlipayHK配京東卡或者WeChat Pay HK配安信Earnmore卡。佢哋嘅原理係前者京東卡網上消費有4%回贈，但AlipayHK繳費要付出2.5%手續費，所以實得1.5%。(如果開自動轉賬，可免手續費)後者Earnmore卡全天候2%回贈，但配WeChat Pay HK繳費要付出1%手續費，所以實得1%回贈。

今天話你知，市面上有更好嘅選擇。記得如果你獲得呢個資訊係由蛋黃蛋黃蛋黃第一次話你知！蛋黃繳費而家會用WeChat Pay HK配Citi Rewards銀聯信用卡。(啱啱去推廣期有延長左半年，已經做左成年幾了) 呢張卡扣除手續費之後最高可以獲得2.7%回贈！贏過晒京東卡同Earnmore卡。獲得額外積分既簽賬每個月上限係$7777，肯定足夠哂日常生活支出。仲有Quota月月清，唔使浪費咗全年嘅額度。京東卡都係留返真係有4%回贈嘅簽賬嗰陣先嚟用！

WeChat Pay HK可以用作甚麼繳費？

水費、電費、煤氣費、差餉地租、政府一般繳費單、物業管理費(目測新地啟勝管理既都有)

額外積分推廣活動基本資料 – Citi Rewards銀聯信用卡

推廣期：2022年3月1日至2023年9月30日
額外積分入賬日期：額外積分會於三個月內既月結單上顯示入賬。蛋黃經驗話你知有時兩個月已經回左。
回贈上限：每個月結單周期內最多可獲合共70,000額外積分
每月簽賬上限：$7777 (網上交易+雲閃付二維碼)、$10000 (銀聯閃付(QuickPass))
重點提示：此推廣係計算每個月結單周期之間的交易！人人唔同，記得！
積分兌換：可用於直接抵銷簽賬。兌換比率：$1 : 270分。或者等推廣換3送1惠康現金券!

交通工具面面全能 – Citi八達通白金卡

同場加映，介紹吓Citi有一張八達通白金信用卡，佢既係一張信用卡又係一張八達通。平時用佢泥搭車就最啱啦！因為呢張卡可以做到15%搭交通工具回家，包括咗港鐵、巴士、渡輪、綠色專線小巴、電車車費。點解佢會同Citi Rewards一齊講？因為如果想85折搭車，佢其中一個要求係要每個月簽賬滿$3000。$3000可以係Citi其他任何信用卡嘅簽賬。咁每月用嚟交雜費都已經幫咗你完成咗達到85折既最低簽賬要求。(如果繳費都唔夠$3000，都可以做吓轉賬同電子錢包增值交易嘅，一樣計入合資格簽賬) 每個月嘅車費回贈上限係$300 。另外，Citi八達通一樣，可以拎到政府嘅公共交通津貼，同普通嘅八達通冇分別㗎。回贈就會喺三個月內入返落你八達通白金卡戶口。

15%公共交通費回贈推廣活動基本資料

推廣期：2023年1月1日至2023年12月31日
回贈入賬日期：於三個月內既月結單上顯示入賬
回贈上限：$300 / 月
每月簽賬上限：$2000 (八達通交通費)

所以呢兩張卡夾埋一齊用，就好容易食到兩邊嘅Promotion。以下就係兩個優惠嘅推廣條款及細則。八達通15%車費回贈，記得要登記！
Citi銀聯信用卡：推廣頁面 及 條款及細則
Citi八達通白金卡：推廣頁面 及 條款及細則

借定唔借？還得到先好借！

喜歡❤️我地既內容👨‍🏫又想支持我地🙌，可以立即點擊Buy me a coffee☕️。
你的支持是我們的動力💫✨。

想收到第一手資訊，立刻LIKE同FOLLOW 蛋黃視野FACEBOOK !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 02/10/2023 by 蛋黃視野 ***