半年結/年結港元拆息上升 – 造就開立定期存款及兌換美元的最佳時機 2023

港元拆息上升 – 兩件要把握時機做的事

每年嘅六月同十二月，臨近呢個半年結同埋一年結嘅時間，有兩件事要趁住而家呢個時間做。

• 開立港元定期存款
• 兌換美元

拆息上升其中受季節性因素，好似上市公司在臨近年結、半年結呢啲時間對港元資金需求會增加。同埋年中來自海外或內地嘅上市公司需要準備港元派發股息。市場對港元資金需求增加引致拆息上升，定期存款利率都受惠齊齊升，所以呢個絕對係開立港元定期存款的好時機。同埋近年因為美元利率相對於港元利率高，套息活動令到港元長期處於弱保證1 USD : 7.85 HKD。臨近年尾，港幣終於脫離弱方保證，近日1 USD : 7.79 HKD左右，大家可以趁住港元抽高呢段時間，設定價位買入美元。用嚟買美股又好、做美元定存、甚至乎買美債都可以，從而增持美元。提提大家，渣打馬拉松存款都可以存美元！詳細想知港元拆息點解會有波動，以下文章值得參考同大家分享，重溫返早前半年結影響港元拆息因由。傳送門：對近期港元拆息的觀察。

極出色短期定期存款利率 Citibank – Citiplus

我諗如果大家有跟進開定期存款，大家見到最多應該就係Citi嗰個定期存款利率表。講返Citi嘅短期定期存款利率真係十分出色，特別係做一個月，基本上Citi個利率係冇得頂。跟足Hibor利率走勢，Citibank每日大約11點幾會更新佢哋嘅定期存款利率。以下圖列顯示今日25/11/2023的定期存款利率。早兩日起做啱啱好，可以趁12月尾再做一轉長少少嘅高息定期。

另外，如果你見到你嘅利息同我嘅有分別，唔洗驚訝。Citibank Marketing做得好好，因為每個人都會有屬於佢嘅定期存款利率，分咗五個級別。有部份人會有特高嘅存款利率，自自然然就會同大家分享，又達到呢個宣傳效果。傳說中如果你用得Citi服務多，例如：買股票、買基金、樓宇按揭呢啲銀行產品，你嘅定期利率係會比其他人靚仔。當然實際點樣做到一個特高嘅定期存款利率，坊間暫時冇一個標準答案。就算你走去搵你個RM(客戶經理)，都唔會俾到個特高利率你。蛋黃就冇乜點用呀Citi上述嘅服務啦，所以蛋黃嘅利率係中間偏低。

仲有一樣嘢嘅係，如果你係啱啱新開嘅帳戶，喺個Citi App入邊係見唔到任何優惠利率㗎。因為佢個系統要約一個月嘅更新時間，如果你係咁嘅情況，你可以落分行或者經佢哋個Citi Messenger服務去做定期存款。

如果大家都有興趣開返個Citi戶口，同了解佢Citi Plus嘅玩法，即刻去呢到睇下本網嘅分析同迎新獎賞啦！

兌換美元嘅至抵策略

想兌換外幣，點樣先可以有最好嘅兌換率？其實坊間只有一個標準答案。你問10個用家9個用家都會答你IB，Interactive Broker盈透證券。盈透證券(IBKR)係一間極具規模嘅美資上市公司，用家應該熟哂（賣點低交易成本、極靚嘅外幣兌換率、全球市場嘅產品都可以買到）。稍後有機會同大家再分享。

懶人包 – 最新定期存款利率總結

咁除咗Citi做定期存款之外，有冇方法知道其他銀行而家做緊咩利率呢？呢度就介紹個好好嘅網站俾大家啦！ETNET港元定期存款，入邊已經包括晒所有大路銀行嘅定期存款利率，見到啱嘅就再去相關嘅銀行問吓同睇吓啦！

不過到目前為止，都仲係好似大新銀行嘅新360°「易出糧」戶口嘅存款利率最高，而且活動性最高，真活期。不過當然就要有啲任務要完成啦。推廣期至12月31日咋！

想知每日既HIBOR係幾多？每個工作天早上11時15分會更新的結算率 – 香港銀行公會港元利息結算利率

本網站所載的任何資訊均不構成任何投資產品之要約、要約招攬或建議，以上內容純屬個人意見及分享。閣下在作出任何投資決定前，務必先尋求獨立財務和稅務以及稅務建議。投資涉及風險。過往業績並不表示將來的回報。投資產品的價格及其收益可升亦可跌。

借定唔借？還得到先好借！

喜歡❤️我地既內容👨‍🏫又想支持我地🙌，Patreon頻道已經啟動啦，想收到第一手資訊，可以立即Subscribe蛋黃視野Patreon。
你的支持是我們的動力💫✨。大家都可以Like and Follow Facebook !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 25/11/2023 by 蛋黃視野 ***