恒生信用卡激抵簽帳推廣 – 盛夏日日碌FOR FUN – 配MMPower高達10.4%回贈

自從出咗震撼嘅MMPower卡之後,恒生信用卡下半年嘅推廣頭炮,即刻脫胎換骨,盛夏日日碌FOR FUN簽賬推廣變得User - Friendly。今次配埋 MMPower 卡玩,簽帳回贈可以高達10.4%!絕對係非同小可,簽帳上限高,回贈又高。值得留意。
恒生信用卡 盛夏日日碌FOR FUN

自從出咗震撼嘅MMPower卡之後,恒生信用卡下半年嘅夏日推廣簽賬優惠頭炮,即刻脫胎換骨,『盛夏日日碌 FOR FUN』簽賬推廣變得User-Friendly。冇咗以前每筆簽賬限額回贈最多幾多,左限右限等等,令到可以更加容易完成任務。即刻舒服咗好多!今次佢配埋MMPower卡玩,簽帳回贈可以高達10.4%!絕對係非同小可,簽帳上限高,回贈又高。即刻睇吓推廣詳情啦。

盛夏日日碌FOR FUN簽賬推廣基本資料

只要每個月嘅合資格簽賬高於$3500,當中指定類別簽賬(網上購物 / 餐廳食府 / 海外 / 流動支付簽賬交易)同時該簽賬金額又夠$500以上,指定類別簽賬就可以有5% +FUN Dollars回贈。佢嗰$3500合資格簽帳賬連在恒生個人e-banking「網上繳費服務」繳費用信用卡扣數都計算,所以你話幾容易Meet到基本要求。

  • 推廣期:2023年7月1日至8月31日
  • 回贈日期:2023年11月30日或之前存入
  • 基本條件(1):最低簽賬要求每月$3500***;每月最多可享$350 +FUN Dollars
  • 基本條件(2):兩個月加埋簽夠$30000;再額外享$300 +FUN Dollars
  • 簽賬上限:$7000
  • 合資格的5%回贈簽賬類別:網上購物 / 餐廳食府 / 海外 / 流動支付簽賬交易
  • 注意:簽賬淨值滿HKD500或以上
  • 推廣條款及細則:按此 及 登記網址

***合資格簽賬包括於本地、海外或網上完成的零售簽賬及於恒生個人e-banking「網上繳費服務」繳費(繳交其他銀行的賬單及交稅除外)。

配合MMPower卡 簽賬回贈可達10.4%

大家唔好唔記得,恒生MPower信用卡喺七月份做左Rebrand,變成咗神級平民MMPower信用卡,相關文章如果中咗你揀嘅指定類別,蛋黃之前推薦係揀外幣手機支付以MMPower卡已經可以有5.4% +FUN Dollars回贈。加埋盛夏日日碌呢個推廣活動(扑中相同類別),輕鬆得到10.4%回贈。最容易中就係手機支付啦!由於推廣有回贈上限,簽$7000左右就爆額啦。

另外,MMPower卡每月5.4%簽賬上限超過$15000。如果可以呢兩個月每個月平均簽$15,000,咁就可以食埋推廣入埋,簽夠$30000多$500回贈呢一部分。

HSB 恒生 MMPower World Mastercard

幫你計計數小總結 – 簽 $ 30000回9%

幫你計計數先,兩個月平均咁樣各簽$15000,整個推廣活動連埋信用卡嘅基本特色,可以有$2700左右嘅+FUN Dollar回贈。回贈比率有9%,係咪夠哂吸引?大家努力!

借定唔借?還得到先好借!

喜歡❤️我地既內容👨‍🏫又想支持我地🙌,Patreon頻道已經啟動啦,想收到第一手資訊,可以立即Subscribe蛋黃視野Patreon
你的支持是我們的動力💫✨。大家都可以Like and Follow Facebook !!

本網盡量確保以上資料準確,若任何資料與你到訪的金融機構、服務供應商或特定產品網站有所出入,所有金融產品和服務均以金融機構的版本為準,使用該服務前請參閱相關金融機構網站的最更新版本之產品資訊及條款細則。如資料有誤,歡迎指正。

本文件中如有類似前瞻性陳述之內容,此等內容或陳述不得視為對任何將來表現之保證,且應注意實際情況或發展可能與該等陳述有重大落差。

*** Last Updated on 11/01/2024 by 蛋黃視野 ***

Leave a Reply

Your email address will not be published. Required fields are marked *