唔同銀行嘅信用卡，成日都會同各大超市推出優惠，一般都係買滿$500就送現金券或者以現金/積分回贈方式入返落信用卡到。今次恒生信用卡同惠康Crossover嘅推廣，真係要拎出嚟講講。恒生信用卡自下半年不斷嘅改革後，十分進取。今次係呢個推廣活動上面嘅廣告，大大隻字寫咗購買禮券都計算在內！一洗以前風格，簡直係提晒水俾大家，鼓勵大家去惠康簽賬。
恒生信用卡惠康購物激賞基本資料
- 推廣期：2023年8月1日至9月30日 (逢星期五、六及日)
- 回贈日期：2023年12月31日或之前存入
- 基本條件：於店內單一簽賬淨值滿HKD500(包括購買禮券之簽賬金額)；每次最多可享$60 +FUN Dollars / 12,000 yuu積分
- 簽賬上限：額外獎賞上限為$420 +FUN Dollars / 84,000 yuu積分 (即係做7次就爆)
- 注意：每日最多回贈１次。７次簽賬要分７日！(T&C 7)
- 推廣條款及細則：按此 及 登記網址
配合MMPower卡買嘢 低至83折Shopping
買$500禮券，可以有$60 +FUN Dollars回贈，變相即係已經88折啦。唔好唔記得新推出嘅MMPower卡，喺手機支付項目上邊可以有5.4%現金回贈！（前提係你又揀呢個類別），88折再有額外5.4%現金回贈，咪即係83折左右！仲唔係激抵？係咪仲諗住可以同夏日推廣三食？稔多左，注意返！條款及細則(12)講到明唔可以計落夏日推廣嗰個活動。MMPower詳細介紹可見文章。
拿，係得MMPower卡先做到呢個效果，千祈唔好拎你張Enjoy卡出嚟玩，Enjoy卡只有基本嘅12000 Yuu積分回贈。大家可以去惠康踴躍消費又得，買下禮券又得，日後慢慢用，又或者比朋友都得。蛋黃就可以提提你惠康禮券嘅流通量都係好高㗎！把握機會呀，免費自助餐等緊你。
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 11/01/2024 by 蛋黃視野 ***