滙豐HSBC最紅冬日賞萬寧 23-24 年冬季推廣 – 輕鬆換取高達11400里數！

每逢年中年尾，點會少得滙豐HSBC最紅冬日賞嘅萬寧篇。最新一期萬寧推廣比上一個年度又的確縮左水！不過有總好過無啦。要參加呢個推廣，最重要嘅係要喺星期五六日先做萬寧簽賬。星期五六日最多可以有一共12%回贈。其他日子則只有7%獎賞錢回贈。記住每次付款最少$500，累積簽帳要夠$1000。

HSBC最紅冬日賞萬寧篇 23-24 年冬季推廣

• 推廣期：2023年12月1日至2024年2月29日 (星期五、六、日有額外回贈)
• 回贈日期：2024年5月31日或之前存入
• 基本條件：單一簽賬淨額最少滿港幣500元，並累積簽賬淨額滿港幣1,000元
• 簽賬上限：$5000 (上限) / $3400 (最佳回贈點)
• 推廣條款及細則：於滙豐Reward+應用程式登記

推廣簽賬計算及攻略小提示

1. 究竟簽幾多先係最抵？
2. 究竟點樣可以簽咁大額？
3. 匯豐咁多張卡，究竟簽邊張？
4. 成個項目可以套到幾多錢？
5. 如果我係你，我會去邊度簽？

今次呢個推廣，最多可盡簽到$5000，仍然係穩賺不賠。不過嚿肥豬肉就冇咁肥了。 要注意返簽$5000 (回贈約11.4%) 並唔係最Optimum既價格。最Optimum 的價錢是$3400 (回贈足12+1%=13%)。呢度同你計下：

一如以往啦，你有嘢買就可以買實貨。如果冇咁多嘢買喎，咁咪買禮券。滙豐推廣係可以買萬寧禮券都食到回贈。咁買咗啲萬寧券返嚟點算好？你喺萬寧買唔到咁多嘢姐，但好多人喺萬寧都可以買好多嘢！當然係讓比啲有需要既人。萬寧禮券流通量極高，所以大家放心。市值一般喺94-95折。

即刻同你計計數，94折轉讓比朋友$5000即係無左$300。雖然要無左$300，但如果你用Everymile卡簽，你已經收到RC$570嘅回贈，相等於11400里(Everymile卡里數兌換比率：1RC : 20里)。咁可以安慰下自己當比$300換11400里。抵唔抵？梗係抵啦！如果都係覺得肉赤，咁你咪拎$570RC回贈其中$300RC抵銷簽賬，餘下的$270RC是淨賺的。一般想靠簽賬賺11400里，當你有$4/里，你都要簽約$45000先賺到啦，完全稔唔到理由唔做。

指定萬寧入手 可賺額外積分

最後問題5留比大家自己稔啦。有啲地方簽帳可以儲分，計計埋埋就額外有多0.5%㗎喇。想知道我會去邊度簽，大家可以Inbox我。優惠到2月29日。但因為星期五六日簽先係最抵，所以可以慢慢等下先出動了！大家努力！

登記冇分簽帳前定簽帳後，只要係登記期內成功登記就可以。最後附上簽帳活動嘅優惠條款及細則，記住喺Reward+ App登記啦！ 最後附上最紅冬日賞 － 萬寧之條款及細則。

借定唔借？還得到先好借！

喜歡❤️我地既內容👨‍🏫又想支持我地🙌，可以立即點擊Buy me a coffee☕️。
你的支持是我們的動力💫✨。

想收到第一手資訊，立刻LIKE同FOLLOW 蛋黃視野FACEBOOK !!

本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。

本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。

*** Last Updated on 10/12/2023 by 蛋黃視野 ***