臨近年尾啦，部分信用卡嘅恆常推廣都陸續推出2024更新版本。經營環境困難，各家銀行大方向都係繼續縮皮同加辣。以下幫大家綜合左一啲主要嘅更新。主要探討返信用卡本身特色及一啲長期優惠要注意嘅地方。即刻去睇下2024年信用卡優惠條款更新啦！
中銀卡逆市加碼 2024 20X狂賞派至強長期推廣
此活動應該就係今年上半年最值得參與嘅推廣！
最新更新左嘅係中銀2024『日日狂賞派 紅日加碼派』，嘩！快速望左兩望，真係神級推廣。絕對係2023年嘅加強版，照顧哂海外，本地，網購及繳費簽賬。分左紅日同平日，紅日仲高達20X積分回贈。平日同紅日個CAP係分開計，唔會有衝突。主要變動：Chill Card有得玩狂賞派，實體店簽賬要求由$8000跌到去年$5000蚊(簽$6000左右就CAP左)，網購QUOTA加近一倍(分平日同紅日)，併埋銀聯雙幣同Chill卡玩，不得了。其他稍後再係文章同大家詳細介紹。每月拎盡45萬分等值$1800。2024年嘅官方推廣詳情及條款及細則。
Chill Card Out走手機支付 新增簽賬得FUN
講吓中銀嘅Chill Card先。壞消息係剔走左手機支付嘅5%現金回贈，得返海外旅遊同網購有5%回贈。好消息係Chill卡都納入左簽賬得FUN計劃入面，每簽賬1蚊=1分。中銀嘅簽賬得FUN計劃可以睇下詳細解構。咁加埋積分即係有5.4%回贈。其他就大致上無咩點變，有再更新大家。新一年推廣詳情。
- 簽賬得FUN計劃
- Chill商戶簽賬10%現金回贈(貼地新增UNIQLO、GU、IKEA)
- 海外旅遊同網購有5%現金
- Chill Date娛樂即目-免費搶飛
Cheers Card 繼續豁免簽賬下限 2024年至強飯卡
今年中銀信用卡多個優惠都延續下去，其中一個最吸引嘅係Cheers Card簽賬下限繼續獲得豁免。唔洗每個月簽賬$5000都可以繼續有10X或者8X積分。係DBS Eminent Card加左係每筆簽賬最少要$300，中銀Cheers Card立即高下立見。不論快餐，食肆都可以有4%等值現金回贈。被蛋黃評選擇2024年度最強食肆餐飲類嘅信用卡！最新[官方T&C]。
MMPower 加入下限簽賬要求 外幣簽賬增至6%回贈
恒生MMPower 2024推廣條款塵埃落定。萬眾期待究竟手機支付會唔會有得留低？當然係無啦。最新加入下限簽賬要求，每月$5000。簽唔到可以唔洗再睇落去，大額先再稔佢。2024年計劃中海外外幣簽賬會增至6% +FUN Dollars回贈；網上簽賬就保持返係5%。每月回贈上限由$800減至$500 +FUN Dollars。最後嘅自選項目得返1%，也不用再留意了。市面上SC/ICBC/Earmore八搭卡基本簽賬都1.5%-2%，無需理會簽緊咩項目。2024年嘅官方推廣詳情。
唯一值得一提嘅係如果臨近年尾(10月打後)先出MMPower卡嘅話，恒生幫大家延長左本年度優惠至2024年2月29日。條款及細則。係咪特選客戶就留意下SMS啦！
DBS Eminent Card 5%現金回贈 加入最低簽賬要求
指定簽賬類別單一淨滿HK$300或以上的簽賬方為合資格簽賬以享有5%回贈。
以往係好好嘅飯卡，快餐卡，皆因佢無最低簽賬要求。由2024年起每筆簽賬要夠$300以上先計算。即使你今年登記左，你都要為下年嘅計劃再登記一次，由即日起已經可以喺DBS+ APP再登記啦。
DBS Eminent Card 4項簽賬類別『餐飲、健身中心、運動服飾、醫療服務』合計每個曆月的首HK$8,000 (適用於Visa Signature卡) / HK$4,000 (適用於Visa白金卡) 合資格簽賬可享5%回贈。推廣詳情。
HSBC最紅自主獎賞加碼推廣 額外5萬額度
另一篇文章都有提到，最紅自主獎賞加碼賞係累積滿港幣$150,000元或以上，可獲享額外$1,000獎賞錢。由原本嘅10萬蚊額度，另外加上5萬額度，算係不錯。不過要注意嘅係要簽多過15萬先一次過食到呢$1,000額外獎賞錢。另外再提提：一如以往最紅自主獎賞不包括滙豐Red信用卡、滙豐EveryMile信用卡及獨立户口優惠卡。
另外，HSBC Everymile信用卡海外簽賬繼續$2=1里。但新增左每季累積滿$8000先可以享有優惠。如果你
GURU 計劃升到級，仍然是不錯的選擇。
渣打信用卡免費套現 由8萬減至6萬
以往渣打一直都可以係信用卡入面做免費套現，來年至30/4前，每月可套現金額為$60000。之前套咗8萬個啲要準備找數啦！條款及細則。
其他重點2024年信用卡優惠條款更新/維持
- 手機支付卡可以繼續用中銀卡海 [ Sogo VS ($2000)、大灣區鑽石銀聯 ($2500)、大灣區青年卡 ($2000)、中銀i-card(虛擬卡) ($1111) ] [附上簽賬上限及連結為官方T&C]
- 大額手機支付可以用東亞i-titanium卡，條款不變，有$2000簽賬下限，每月最多回$300，簽賬上限為$8333。[官方T&C – i‐Titanium 信用卡]
- 安信繼續維持每年15萬額度可以享有2%現金回贈。百搭之選。[官方T&C]
- HSBC Red [T&C] + CCB JD都繼續有4%[T&C]。
本文用左幾個篇幅都有提到中銀信用卡，似乎今年中銀卡應該係最值得留意嘅信用卡之一！自己再努力爬下條款及細則，話唔定有驚喜。
借定唔借？還得到先好借！
喜歡❤️我地既內容👨🏫又想支持我地🙌，可以立即點擊Buy me a coffee☕️。
你的支持是我們的動力💫✨。
想收到第一手資訊，立刻LIKE同FOLLOW 蛋黃視野FACEBOOK !!
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 23/01/2024 by 蛋黃視野 ***